শেহতীয়া খবৰঅসমভাৰতমনোৰঞ্জনব্যৱসায়শিক্ষাখেলজীৱনশৈলীবিশ্বপ্ৰযুক্তিৱেব ষ্ট'ৰীফটোVideos

লৰেন্স বিষ্ণইৰ গেঙৰ কুখ্যাত গেংষ্টাৰ লভিছক গ্ৰেপ্তাৰ, চণ্ডীগড়ৰ সমীপত কুটাঘাট সংঘটিত কৰাৰ পূৰ্বে গ্ৰেপ্তাৰ

পঞ্জাৱ আৰক্ষীয়ে গ্ৰেপ্তাৰ কৰিছে লৰেন্স বিষ্ণয় গেঙৰ কুখ্যাত গেংষ্টাৰ লেভিছ গ্ৰ’ভাৰক। তেওঁ জিৰকপুৰত কুটাঘাট সংঘটিত কৰাৰ পৰিকল্পনা কৰিছিল যদিও আৰক্ষীয়ে তেওঁৰ পৰিকল্পনা বিফল কৰে। আৰক্ষীয়ে অভিযুক্তৰ হাতৰ পৰা তিনিটা অস্ত্ৰ-শস্ত্ৰ আৰু নিচাজাতীয় সামগ্ৰী উদ্ধাৰ কৰে।

লৰেন্স বিষ্ণইৰ গেঙৰ কুখ্যাত গেংষ্টাৰ লভিছক গ্ৰেপ্তাৰ, চণ্ডীগড়ৰ সমীপত কুটাঘাট সংঘটিত কৰাৰ পূৰ্বে গ্ৰেপ্তাৰ
লৰেন্স বিষ্ণইৰ গেঙৰ কুখ্যাত গেংষ্টাৰ লভিছক গ্ৰেপ্তাৰ
barasha-misra
Barasha Misra | Published: 22 Mar 2025 11:59 AM

পঞ্জাৱ আৰক্ষীয়ে সুকীয়া ব্যৱস্থা গ্ৰহণ কৰি গ্ৰেপ্তাৰ কৰিছে কুখ্যাত লৰেন্স বিষ্ণই গেঙৰ সদস্যক। চণ্ডীগড়ৰ সমীপত কুটাঘাট সংঘটিত কৰিবলৈ ওলাইছিল যদিও পৰিকল্পনাক বিফল কৰিছে আৰক্ষীয়ে। পঞ্জাৱ আৰক্ষীয়ে মোহলীৰ জিৰাকপুৰত সংঘটিত এনকাউণ্টাৰৰ অন্তত গেংষ্টাৰ লভিছ গ্ৰ’ভাৰক গ্ৰেপ্তাৰ কৰিছে। গ্ৰভাৰৰ বিৰুদ্ধে হত্যাকে ধৰি কেইবাটাও গোচৰ ৰুজু হৈছে। তেওঁ জিৰকপুৰত এক বৃহৎ ঘটনা সংঘটিত কৰাৰ পৰিকল্পনা কৰিছিল। আৰক্ষীয়ে তথ্য লাভ কৰি তেওঁৰ আত্মগোপন স্থানত উপস্থিত হোৱাৰ লগে লগে তেওঁ আৰক্ষীৰ ওপৰত গুলীচালনা কৰে।

তেওঁ আৰক্ষীৰ ওপৰত তিনি জাই গুলীচালনা কৰে। আৰক্ষীয়ে নিজক বচাবলৈ অপৰাধীজনৰ ভৰিত গুলীয়াই। ইয়াৰ পিছত তেওঁ আঘাতপ্ৰাপ্ত হয়। আহত অৱস্থাত আৰক্ষীয়ে তেওঁক চিকিৎসালয়লৈ লৈ যায়। বৰ্তমান অপৰাধীৰ অৱস্থা ঠিকেই আছে বুলি কোৱা হৈছে। সম্প্ৰতি অভিযুক্তক ডেৰাবছিৰ অসামৰিক চিকিৎসালয়ত ভৰ্তি কৰোৱা হৈছে।

উদ্ধাৰ হৈছে তিনিটা অস্ত্ৰ আৰু নিচাজাতীয় সামগ্ৰী

আৰক্ষীয়ে অভিযুক্তৰ হাতৰ পৰা অস্ত্ৰ-শস্ত্ৰ আৰু নিচাজাতীয় সামগ্ৰী উদ্ধাৰ কৰে। এনে কিছুমান অস্ত্ৰ পাইছে যিবোৰ ভাৰতত নিষিদ্ধ। তথ্য অনুসৰি যোৱা কেইবাদিনো আৰক্ষীয়ে তেওঁৰ পিছা কৰি আছিল। অভিযুক্তজনক লৰেন্স বিষ্ণই চক্ৰৰ সৈতে জড়িত বুলি জানিব পৰা গৈছে। এই সন্দৰ্ভত আৰক্ষীয়ে চিকিৎসালয়ৰ পৰা অধিক সোধা-পোছা কৰিব।

অস্ত্ৰ আইনকে ধৰি ১০টা অপৰাধমূলক গোচৰ পঞ্জীয়ন

আৰক্ষী অধীক্ষক মনপ্ৰীত সিঙে জনোৱা মতে, “অভিযুক্ত লভিছ লুধিয়ানাৰ বাসিন্দা আৰু জিৰকপুৰৰ ফ্লেটত বাস কৰিছিল। অভিযুক্তৰ বিৰুদ্ধে হত্যা, ডকাইতি, অস্ত্ৰ আইনকে ধৰি ১০টাতকৈও অধিক অপৰাধমূলক গোচৰ ৰুজু কৰা হৈছে। শিৱ এনক্লেভত আত্মগোপন কৰি থকা লভিছৰ গোপন তথ্য আৰক্ষীয়ে লাভ কৰিছিল, তাৰ পিছত বিশেষ দলটোৱে অঞ্চলটো ঘেৰাও কৰিছিল। যেতিয়া তেওঁ ফ্লেটৰ দুৱাৰত টোকৰ মাৰিলে, তেতিয়া তেওঁ আৰক্ষীক দেখি আচৰিত হ’ল। পিষ্টলটো তুলি লৈ আৰক্ষীৰ ওপৰত গুলীচালনা কৰে।”