ৰতন টাটাক দিয়া হওঁক ভাৰতৰ ৰত্ন! ৰাজ্যিক কেবিনেটত প্ৰস্তাৱ গৃহীত

ৰতন টাটালৈ ভাৰতৰ ৰত্ন!

ৰতন টাটাক ভাৰতৰ ৰত্ন প্ৰদান সন্দৰ্ভত মহাৰাষ্ট্ৰৰ কেবিনেটত গৃহীত হ’ল প্ৰস্তাৱ । প্ৰথমে ৰতন টাটাক শ্ৰদ্ধাঞ্জলি জনাই প্ৰস্তাৱটো গৃহীত কৰা হয়। মহাৰাষ্ট্ৰ চৰকাৰে এতিয়া এই প্ৰস্তাৱটো কেন্দ্ৰীয় চৰকাৰলৈ প্ৰেৰণ কৰিব।

ইয়াৰ পূৰ্বে সিন্দে গোটৰ নেতা ৰাহুল কানালে এই দাবী কৰিছিল। এই সন্দৰ্ভত ৰাহুল কানালে মহাৰাষ্ট্ৰৰ মুখ্যমন্ত্ৰী একনাথ সিন্দেলৈ এখন পত্ৰ লিখিছিল। য’ত তেওঁ মহাৰাষ্ট্ৰ চৰকাৰক ভাৰত ৰত্নৰ বাবে ৰতন টাটাৰ নাম প্ৰস্তাৱ কৰিবলৈ দাবী জনায়। এয়া তেওঁৰ প্ৰতি প্ৰকৃত শ্ৰদ্ধাঞ্জলি হ’ব।

মহাৰাষ্ট্ৰত এদিনীয়া শোক

মুখ্যমন্ত্ৰী একনাথ সিন্দেই লগতে কয় যে ৰাজ্যখনত এদিনীয়া ৰাজ্যিক শোক ঘোষণা কৰা হৈছে। বৃহস্পতিবাৰে মহাৰাষ্ট্ৰৰ চৰকাৰী কাৰ্যালয়সমূহত অৰ্ধনমিত হৈ থাকিব ৰাষ্ট্ৰীয় পতাকা।। আজিৰ দিনটোত ৰাজ্যখনত কোনো মনোৰঞ্জন কাৰ্যসূচী নাথাকিব।

ৰতন টাটাৰ নশ্বৰ দেহ মুম্বাইৰ নৰিমন পইণ্টৰ ৰাষ্ট্ৰীয় প্ৰদৰ্শন কলা কেন্দ্ৰত ৰখা হৈছে। য’ত তেওঁৰ অন্তিমবাৰ দৰ্শনৰ বাবে অগণন গুণমুগ্ধই ভিৰ আছে। বহু সংখ্যক লোকে তেওঁক শ্ৰদ্ধাঞ্জলি জনাবলৈ আহিছে উদ্যোগপতিগৰাকীক। দেশৰ লগতে বিশ্বৰ সকলো প্ৰাক্তন ব্যক্তিয়ে তেওঁৰ মৃত্যুত শোক প্ৰকাশ কৰিছে। তেওঁক শ্ৰদ্ধাঞ্জলি জনাইছো। ৰতন টাটাৰ অন্ত্যেষ্টিক্ৰিয়া আবেলি ৪ বজাত সম্পন্ন কৰা হ’ব।

উল্লেখ্য যে, যে বুধবাৰে নিশা ৰতন টাটাৰ মৃত্যু হৈছিল। তেওঁ মুম্বাইৰ ব্ৰীচ কেণ্ডি চিকিৎসালয়ত ৮৬ বছৰ বয়সত শেষ নিশ্বাস ত্যাগ কৰে। তেওঁৰ অন্ত্যেষ্টিক্ৰিয়া আজি ৱৰ্লিৰ পাৰ্চী শ্মশানত সম্পন্ন কৰা হ’ব। ৰাজ্যিক মৰ্যাদাৰে অন্তিম জনোৱা হ’ব দেশৰ ‘ৰতন’ক।

দেশৰ ভিতৰতে আটাইতকৈ ধনী মুম্বাইৰ এটা পাৰ্চী পৰিয়ালত ১৯৩৭ চনৰ ২৮ ডিচেম্বৰত ৰতন টাটাৰ জন্ম হৈছিল। টাটা গ্ৰুপৰ প্ৰতিষ্ঠাপক জামছেদজী টাটা আছিল ৰতন টাটাৰ ককাক। ৰতন টাটাৰ শৈশৱ বৰ সুখৰ নাছিল। তেওঁ ডাঙৰ-দীঘল হ’ব লগা হৈছিল এটা ভগ্ন পৰিয়ালত। ১৯৪০ চনৰ মাজভাগত তেওঁৰ পিতৃ-মাতৃৰ বিবাহ বিচ্ছেদ ঘটে। তেতিয়া ৰতন টাটাৰ বয়স আছিল মাত্ৰ সাত বছৰ আৰু ভায়েক জিমীৰ বয়স আছিল পাঁচ বছৰ। আইতাক লেডী নাৱালবাঈৰ লগত থাকিয়েই শৈশৱ পাৰ কৰিছিল।

ৰতন টাটাই মুম্বাইৰ কেম্পিয়ন স্কুলত শিক্ষাজীৱনৰ পাতনি মেলিছিল আৰু কেথেড্ৰ’ল এণ্ডজন ক’ন’ন স্কুলত স্কুলীয়া শিক্ষা সাং কৰিছিল। ১৯৬২ চনত কৰ্ণেল বিশ্ববিদ্যালয়ৰপৰা তেওঁ ষ্ট্ৰাকচাৰেল ইঞ্জিনিয়াৰিঙসহ আৰ্কিটেকচাৰত স্নাতক ডিগ্ৰী লাভ কৰিছিল। ইয়াৰ পিছত ১৯৭৫ চনত হাৰ্ৱাৰ্ড বিশ্ববিদ্যালয়ৰপৰা ‘এডভাঞ্চড মেনেজমেণ্ট প্ৰগ্ৰাম’ পাঠ্যক্ৰম সমাপ্ত কৰিছিল।