ৰাম মন্দিৰলৈ লৈ যাব নোৱাৰিব মোবাইল ফোন, VIP, VVIP য়েও পালন কৰিব লাগিব নিৰ্দেশনা

অযোধ্যাৰ ৰাম মন্দিjত সম্পূৰ্ণৰূপে নিষিদ্ধ কৰা হৈছে মোবাইল ফোন। শনিবাৰে ৰাম মন্দিৰ ট্ৰাষ্টৰ বৈঠকত এই গুৰুত্বপূৰ্ণ সিদ্ধান্ত গ্ৰহণ কৰা হয়। মন্দিৰত সাধাৰণ ৰাইজে  মোবাইল কঢ়িয়াই নিয়াত ইতিমধ্যেই নিষেধাজ্ঞা আৰোপ কৰিছিল যদিও এতিয়া ভিআইপি আৰু ভিভিআইপি সকলকো মোবাইল ফোনত নিষেধাজ্ঞা আৰোপ কৰা হৈছে।

আই জি আৰু আয়ুক্তৰ সৈতে ৰাম মন্দিৰ ট্ৰাষ্টৰ বিষয়াসকলৰ বৈঠকত মোবাইল ফোন সম্পূৰ্ণৰূপে নিষিদ্ধ কৰাৰ সিদ্ধান্ত লোৱা হয়। ট্ৰাষ্টৰ ট্ৰাষ্টী অনিল মিশ্ৰই কয় যে নিৰাপত্তাৰ প্ৰতি লক্ষ্য ৰাখি এই সিদ্ধান্ত লোৱা হৈছে। সকলো দৰ্শনাৰ্থীকে এই ব্যৱস্থা মানি চলি সহযোগ কৰিবলৈ অনুৰোধ জনাই বিভাগীয় কৰ্তৃপক্ষই যাতে কোনেও যাতে কোনো অসুবিধাৰ সন্মুখীন নহয়।

মিশ্ৰই কয় যে ৰাম মন্দিৰ দৰ্শন কৰিবলৈ অহা ভক্তসকলৰ মোবাইল ফোন ৰখাৰ পৰ্যাপ্ত ব্যৱস্থা আছে। মানুহে নিজৰ মোবাইলৰ লগতে আন মূল্যবান সামগ্ৰীও ৰাখিব পাৰে। এনে পৰিস্থিতিত ৰাইজে এই সুবিধাসমূহৰ সুবিধা লৈ মন্দিৰ চৌহদত উন্নত শৃংখলা বজাই ৰখাৰ ক্ষেত্ৰত ট্ৰাষ্টৰ সৈতে সহযোগিতা আগবঢ়োৱাৰ আহ্বান জনায়। ভক্তসকলে লকাৰৰ সুবিধা ল’ব পাৰে আৰু তাত নিজৰ মোবাইলৰ লগতে আন আন মূল্যবান সামগ্ৰী ৰাখিব পাৰে ।

ট্ৰাষ্টে ভক্তসকলক নিজৰ লগত নূন্যতম বয়-বস্তু কঢ়িয়াই নিবলৈ আহ্বান জনায়। কিয়নো বেছি সামগ্ৰা নিলে স্কেনিং কৰাত সময় লাগিব আৰু আন যাত্ৰীসকলেও সমস্যাৰ সন্মুখীন হ’ব পাৰে। আনহাতে কোনোৱে যদি হোটেলত থাকে আধা সামগ্ৰী হোটেলত থৈ যাবলৈ আহ্বান জনায়।

চলিত বৰ্ষৰ ২২ জানুৱাৰীত অযোধ্যাত নৱনিৰ্মিত ৰাম মন্দিৰ প্ৰাণ প্ৰতিষ্ঠা কৰিছিল প্ৰধানমন্ত্ৰী নৰেন্দ্ৰ মোদীয়ে। প্ৰাণ প্ৰতিষ্ঠাৰ পিছৰে পৰা প্ৰতিদিনে অযোধ্যালৈ দৰ্শনৰ বাবে শ শ ভক্ত আহি আছে । প্ৰাণ প্ৰতিষ্ঠাৰ পিছৰে পৰা বহু লাখ লোকে ভ্ৰমণ কৰিছে অযোধ্যা।  আনহাতে মন্দিৰৰ নির্মাণ কার্য এতিয়াও সম্পূর্ণ হোৱা নাই৷  চলিত বৰ্ষৰ শেষলৈ ইয়াৰ নিৰ্মাণ কাৰ্য শেষ হোৱাৰ সম্ভাৱণা আছে।