দেশত Mpoxৰ দ্বিতীয়টো ৰোগী ধৰা পৰিছে, এই ভাইৰাছ বিপজ্জনক হৈ পৰিছে নেকি?
Mpox Case in Kerala: কেৰালাত Mpox ৰোগত আক্ৰান্ত এজন ৰোগী ধৰা পৰিছে। এই ব্যক্তিজনৰ Mpoxৰৰ লক্ষণ দেখা গৈছিল। চিকিৎসালয়ত ভৰ্তি কৰি পৰীক্ষা কৰা হয়। পৰীক্ষাৰ প্ৰতিবেদনত ব্যক্তিজন Mpoxৰ ৰোগত আক্ৰান্ত হোৱা দেখা গৈছে। দেশত চলিত বৰ্ষত এয়া দ্বিতীয়টো Mpoxৰ ঘটনা।
কেৰালাৰ মলপ্পুৰমত Mpoxত আক্ৰান্ত এজন ৰোগী ধৰা পৰিছে। এই ব্যক্তিজন ইউ এ ইৰ পৰা উভতি আহিছিল। ইয়াত Mpox লক্ষণ দেখা গৈছিল। তদন্তৰ প্ৰতিবেদনত তেওঁক Mpox ৰোগত আক্ৰান্ত হোৱা দেখা গৈছিল। কেৰালাৰ স্বাস্থ্য মন্ত্ৰীয়ে এই তথ্য দিছে। ছ’চিয়েল মিডিয়া প্লেটফৰ্মত এটা পোষ্টত তেওঁ কয় যে ইউ এ ইৰ পৰা উভতি অহা ব্যক্তিজনক mpoxৰ লক্ষণ দেখা পোৱাৰ পিছত চিকিৎসাৰ বাবে ভৰ্তি কৰা হৈছিল, য’ত পৰীক্ষাৰ সময়ত ভাইৰাছ নিশ্চিত কৰা হৈছিল। স্বাস্থ্যমন্ত্ৰীগৰাকীয়ে কয় যে যিসকল লোকৰ বিদেশ ভ্ৰমণৰ ইতিহাস আছে তেওঁলোকে এই ভাইৰাছৰ লক্ষণ লক্ষ্য কৰিলে স্বাস্থ্য বিভাগক অৱগত কৰিব লাগে। চিকিৎসালয়ত চিকিৎসা আৰু পৃথকীকৰণৰ ব্যৱস্থা কৰা হৈছে। ন’ডেল বিষয়াৰ ফোন নম্বৰো দিয়া হৈছে। ইয়াৰ উপৰিও সকলো চিকিৎসা মহাবিদ্যালয়তে চিকিৎসাৰ ব্যৱস্থা কৰা হৈছে।
কেৰালাৰ পূৰ্বেও দিল্লীৰ এজন ব্যক্তিৰ Mpox ধৰা পৰিছিল। ভাৰতত চলিত বৰ্ষত এইটোৱেই আছিল প্ৰথম Mpox। এতিয়া কেৰালাত দ্বিতীয়জন Mpoxত আক্ৰান্ত হৈছে। কেৰালাৰ পৰা এই ৰোগীজনৰ সংস্পৰ্শলৈ অহা লোকৰ সন্ধান উলিওৱা হৈছে। ইয়াৰে কিছুমানৰ খবৰ আহিছে, এইসকল লোকৰ Mpox নিগেটিভ। কেৰালাৰ Mpox ৰোগ ধৰা পৰাৰ পিছত সষ্টম হৈ আছে কেৰালাৰ স্বাস্থ্য বিভাগ। বিমানবন্দৰত বৃদ্ধি কৰা হৈছে চেক। যদি কোনো ব্যক্তিয়ে Mpoxৰ লক্ষণ দেখা গৈছে তেন্তে তেওঁক পৃথক কৰা হৈছে।
বিশ্বব্যাপী স্বাস্থ্য জৰুৰীকালীন অৱস্থা ঘোষণা কৰা হৈছে
মাত্ৰ কেইসপ্তাহমানৰ আগতে বিশ্ব স্বাস্থ্য সংস্থাই Mpox ক বিশ্ব স্বাস্থ্য জৰুৰীকালীন অৱস্থা বুলি ঘোষণা কৰিছিল। আফ্ৰিকাত এই ভাইৰাছৰ সংক্ৰমণ ক্ৰমাগতভাৱে বৃদ্ধি পোৱাৰ প্ৰতি লক্ষ্য ৰাখি এই সিদ্ধান্ত লোৱা হৈছে। আফ্ৰিকাৰ বাহিৰেও আন বহু দেশতো Mpox ধৰা পৰিছে। এই ভাইৰাছ দুবছৰ আগতেও বিশ্বৰ বহু দেশত বিয়পি পৰিছিল। সেই সময়ত বিশ্বজুৰি এক লাখৰো অধিক আক্ৰান্তৰ তথ্য পোৱা গৈছিল। সেই সময়ছোৱাত ভাৰততো প্ৰায় ৩০ জন ৰোগী ধৰা পৰিছিল। যদিও এইবাৰ মাত্ৰ ২ জন ৰোগী ধৰা পৰিছে, কিন্তু এইবাৰ বিশ্বজুৰি বিয়পি পৰিছে Mpoxৰ দ্বিতীয় প্ৰজাতি। ইয়াক অধিক বিপজ্জনক বুলি গণ্য কৰা হয়।
কিমান বিপদ?
মহামাৰী বিজ্ঞানী ডাঃ যুগল কিশোৰে কৈছে যে Mpoxৰ কিছুমান ঘটনা হ’ব পাৰে। কিন্তু ইয়াত আতংকিত হোৱাৰ প্ৰয়োজন নাই। মাত্ৰ এই ভাইৰাছ প্ৰতিৰোধৰ বাবে মানুহ সজাগ হৈ থকাটো জৰুৰী। চৰকাৰে নিজৰ স্তৰত কাম কৰি আছে যদিও ৰাইজেও যত্ন লোৱাটো প্ৰয়োজন। যিহেতু বান্দৰ পক্স Covid ৰ দৰে দ্ৰুতগতিত বিয়পি নাযায়, গতিকে আতংকিত হোৱাৰ প্ৰয়োজন নাই, কিন্তু যদি কোনো ব্যক্তিৰ ফ্লুৰ দৰে লক্ষণ দেখা গৈছে বা শৰীৰত ফোহা ওলায়, তেন্তে তৎক্ষণাত নিজৰ পৰীক্ষা কৰাওক। এই বিষয়ত অসাৱধান নহ’ব।
