৬১০জন কমাণ্ডো, ২৫০০বিধ খাদ্য , কোটি টকাৰ ঘড়ী! অনন্ত আম্বানীৰ বিৱাহ অনুষ্ঠানত VVIPৰ বাবে বিশেষ ব্যৱস্থা

অনন্ত আম্বানী আৰু ৰাধিকা মাৰ্চেণৰ বিৱাহ

দেশৰ আটাইতকৈ ধনী ব্যৱসায়ী মুকেশ আম্বানীৰ সৰু পুত্ৰ অনন্ত আম্বানীয়ে ১২ জুলাইত ৰাধিকা মাৰ্চেণ্টৰ সৈতে বিবাহপাশত আৱদ্ধ হ’ব। বিয়াৰ সকলো অনুষ্ঠান মুম্বাইৰ জিঅ’ ৱৰ্ল্ড চেণ্টাৰত অনুষ্ঠিত হ’ব। এই বিশাল বিৱাহ অনুষ্ঠানত দেশ-বিদেশৰ বহুতো VVIP অতিথি আৰু চেলিব্ৰিটি অন্তৰ্ভুক্ত থাকিব। নিৰাপত্তা কেনেদৰে ব্যৱস্থা কৰা হ’ব, খাদ্যৰ তালিকাত কি কি আছে আৰু আম্বানী পৰিয়ালে অতিথিসকলক কি উপহাৰ দিব সকলোবোৰ জানো আহক

মুকেশ আম্বানীৰ সৰু পুত্ৰ অনন্ত আম্বানীৰ বিয়াত ৰখা হৈছে কঠোৰ নিৰাপত্তা ব্যৱস্থা। আম্বানী পৰিয়ালৰ সকলো সদস্য জেড প্লাছ সুৰক্ষাৰ সৈতে বিয়াখনত উপস্থিত থাকিব। অনুষ্ঠানটোৰ সময়ত ইণ্টিগ্ৰেটেড চিকিউৰিটি অপাৰেচন চিষ্টেম (ISOS) স্থাপন কৰা হ’ব। অনুষ্ঠানটোৰ নিৰাপত্তা দিশটো এই ISOS কেন্দ্ৰৰ পৰা নিৰীক্ষণ কৰা হ’ব।

আন্তৰ্জাতিক নিৰাপত্তাৰক্ষী

৬০জনীয়া নিৰাপত্তাৰক্ষীৰ দলটোত ১০জন NSG কমাণ্ডো আৰু আৰক্ষী বিষয়া থাকিব। ২০০জন আন্তঃৰাষ্ট্ৰীয় নিৰাপত্তাৰক্ষী মোতায়ন কৰা হ’ব। তাত ৩০০জন সুৰক্ষাকৰ্মী থাকিব। বিকেচিত ১০০তকৈও অধিক যান-বাহন আৰক্ষী আৰু মুম্বাই আৰক্ষীৰ জোৱান মোতায়েন কৰা হ’ব।

খাদ্যত বিশেষ কি থাকিব?

বিয়াখনলৈ ১০জনতকৈও অধিক আন্তঃৰাষ্ট্ৰীয় ৰান্ধনীক আমন্ত্ৰণ জনোৱা হৈছে। ইণ্ডোনেছিয়াৰ কক’নাত কেটাৰিং কোম্পানীয়ে ১০০তকৈও অধিক নাৰিকলৰ ব্যঞ্জন তৈয়াৰ কৰিব। তালিকাখনত ২৫০০তকৈও অধিক ডিছ অন্তৰ্ভুক্ত কৰা হৈছে। কাশী কি চাট আৰু মাদ্ৰাজ কেফেৰ ফিলটেল কফিও অন্তৰ্ভুক্ত কৰা হৈছে। ইটালিয়ান আৰু ইউৰোপীয় শৈলীৰ খাদ্যও বিৱাহ অনুষ্ঠানত পৰিৱেশন কৰা হ’ব। মেনুত ইন্দোৰৰ গাৰাডু চাট, মুংলেট আৰু কেছৰ ক্ৰীম ভাদাও অন্তৰ্ভুক্ত কৰা হৈছে। ইয়াৰ উপৰিও দেশৰ বিভিন্ন ৰাজ্যৰ বিশেষ খাদ্য ৰখা হ’ব তালিকাত।

অতিথিসকলে কি ৰিটাৰ্ণ গীফ্ট পাব?

বিয়াখনত উপস্থিত হোৱা চেলিব্ৰিটি আৰু VVIP অতিথিসকলক ৰিটাৰ্ণ গীফ্ট হিচাপে কোটি টকাৰ ঘড়ী দিয়া হ’ব। বাকী অতিথিসকলৰ বাবে কাশ্মীৰ, ৰাজকোট আৰু বেনাৰসৰ পৰা বিশেষ উপহাৰৰ অৰ্ডাৰ দিয়া হৈছে। বান্ধনী দুপাট্টা আৰু শাৰী নিৰ্মাণ কৰা বিমল মাজিথিয়াক ৪মাহ আগতে উপহাৰ প্ৰস্তুত কৰাৰ নিৰ্দেশ দিয়া হৈছিল। প্ৰত্যেক দুপাট্টাৰ বৰ্ডাৰ ইজন সিজনৰ পৰা সম্পূৰ্ণ পৃথক হ’ব।বিমলে মুঠ ৮৭৬খন দুপাট্টা আৰু শাৰী প্ৰস্তুত কৰি প্ৰেৰণ কৰিছে।

বেনাৰসী কাপোৰৰ এটা মোনা আৰু ৰিয়েল ৰচীৰে তৈয়াৰ কৰা গ্ৰীল ট্ৰেণ্ড শাৰীও ৰিটাৰ্ণ গীফ্ট হিচাপে দিয়া হ’ব। কৰিমনগৰৰ শিল্পীসকলে তৈয়াৰ কৰা ৰূপৰ বিশেষ কাৰুকাৰ্যও অতিথিসকলক উপহাৰ দিয়া হ’ব। ইয়াৰ আগতে, অনন্ত-ৰাধিকাৰ প্ৰাক-বিৱাহ অনুষ্ঠানত অতিথিসকলক লুই ভিট্টনৰ বেগ, সোণৰ চেইন, বিশেষ মমবাতি আৰু ডিজাইনাৰ ৰিটাৰ্ণ গীফ্ট হিচাপে দিয়া হৈছিল।