মুৰ্শিদাবাদ হিংসা: মাদ্ৰাছাত দিয়া হৈছিল আক্ৰমণৰ প্ৰশিক্ষণ, আই এছ আই আৰু বাংলাদেশী মৌলবাদী জড়িত থকাৰ তথ্য

পশ্চিম বংগৰ মুৰ্শিদাবাদত সংঘটিত হিংসাত্মক ঘটনাৰ আঁৰত পাকিস্তানৰ চোৰাংচোৱা সংস্থা আই এছ আই আৰু বাংলাদেশী সন্ত্ৰাসবাদী সংগঠন আছিল নেকি? এই সন্দৰ্ভত ৰাজ্যিক আৰু কেন্দ্ৰীয় তদন্তকাৰী সংস্থাসমূহে কেতবোৰ তথ্য লাভ কৰিছে । তেওঁলোকে কয় যে এই অশান্তিৰ আঁৰত বিশেষ পৰিকল্পনা আছিল । ৱাকফ আইনৰ বিৰুদ্ধে প্ৰতিবাদত উচটনি যোগায় আৰু সীমান্তৰ সিপাৰৰ পৰা ছাত্ৰ-ছাত্ৰীৰ বেশত অনুপ্ৰৱেশ কৰা যুৱক-যুৱতীৰ দ্বাৰা এই ঘটনা সংঘটিত হৈছিল বুলি দাবী কৰা হৈচে । সূত্ৰ অনুসৰি এই আগ্ৰাসী ‘বাহিৰৰ’ লোকসকলক ইতিমধ্যে চিনাক্ত কৰা হৈছে ।

বংগৰ চোৰাংচোৱা সংস্থাৰ মতে, বাংলাদেশত হাছিনা চৰকাৰৰ পতনৰ পিছত ঢাকাত ডকাইতি, হত্যা আৰু আৰক্ষীৰ ওপৰত আক্ৰমণৰ আৰ্হি ধুলিয়ান, শ্বমশ্বেৰগঞ্জ, সূতি, ৰঘুনাথগঞ্জত দেখা গৈছে । বংগত আই এছ আই এজেণ্টৰ চলাচল বৃদ্ধি পোৱা বুলি বহু অঞ্চলৰ পৰা অভিযোগ আহিছে । ৰাষ্ট্ৰ বিৰোধী শক্তিয়ে সীমান্ত অঞ্চলত ‘প্ৰশিক্ষণ’ দিয়াৰ খবৰ আহিছে । এই প্ৰশিক্ষণত অশান্তিৰ সৃষ্টি কৰিব খোজা যুৱক-যুৱতীসকলে সহায় আগবঢ়াইছে ।

মাদ্ৰাছাত দিয়া হৈছে প্ৰশিক্ষণ!
প্ৰশ্ন হয় এইসকল কোন, যাৰ উত্তৰ হ’ল এইসকল সন্ত্ৰাসবাদী সংগঠন এবিটিৰ দ্বাৰা পৰিচালিত অবৈধ মাদ্ৰাছাৰ উৎপাদন । ইয়াৰে অধিকাংশই ১৮ বছৰৰ তলৰ । তেওঁলোকক কোৱা হৈছে যে ৱাকফ সংশোধনী আইনখন সংখ্যালঘুৰ বাবে কিমান ক্ষতিকাৰক, ভাৰত আৰু বংগৰ আভ্যন্তৰীণ পৰিস্থিতি নষ্ট কৰাৰ পৰিকল্পনাত এই আহিলা ব্যৱহাৰ কৰা হৈছে । ৰাজ্যিক চোৰাংচোৱা সংস্থাসমূহৰ সূত্ৰই জনোৱা মতে, কেইবামাহো ধৰি এই পৰিকল্পনা কৰাৰ পিছত এনে শ শ যুৱক বাংলাদেশৰ পৰা বংগলৈ সৰবৰাহ কৰা হৈছে । আত্মগোপনৰ বাবে মুৰ্শিদাবাদ সীমান্তৰ কিছু খাৰীজী মাদ্ৰাছা বাছি লৈছে ।

সূত্ৰ অনুসৰি ইয়াৰ ভিতৰত বিশজন মৌলবী আছে । বৃহৎ পৰিসৰত বিশৃংখলতা বিয়পাবলৈ পৰিকল্পনা কৰা হৈছিল । সূতিৰ সমীপৰ সীমান্ত অনুপ্ৰৱেশৰ বাবে ব্যৱহাৰ কৰা হৈছে । কিন্তু প্ৰশ্ন উত্থাপন হৈছে যে ইমান বাংলাদেশী কেনেকৈ প্ৰৱেশ কৰিলে আৰু সীমান্ত সুৰক্ষা বাহিনী ইয়াৰ বিষয়ে জ্ঞাত নহ’ল কিয় । হিংসা বিয়পাবলৈ ফাৰাক্কা, শ্বমশ্বেৰগঞ্জ, ধুলিয়ান, লালগোলা অঞ্চল বাছি লৈছিল । কিছুমান অকৰ্তৃত্বশীল মাদ্ৰাছাত পৰ্যায়ক্ৰমে বৈঠক আৰু পৰিকল্পনা কৰা হৈছিল য’ত আৰক্ষীক লক্ষ্য কৰি লোৱা উচিত বুলি সিদ্ধান্ত লোৱা হৈছিল । নিৰাপত্তা বাহিনীক আক্ৰমণ কৰিলে অঞ্চলটো দখল কৰাত সহজ হ’ব বুলি কোৱা হৈছিল ।

হিংসাৰ আঁৰত আই এছ আই আৰু বাংলাদেশী সন্ত্ৰাসবাদী সংগঠন
ইয়াৰ আঁৰত আই এছ আই আৰু বাংলাদেশী সন্ত্ৰাসবাদী সংগঠন আছে নে নাই তাৰ সূত্ৰ লাভ কৰিছে চোৰাংচোৱা সংস্থা ই। আক্ৰমণৰ পৰিকল্পনা আছিল আৰক্ষীক চাৰিওফালৰ পৰা ঘেৰাও কৰা, যাতে পলায়নৰ কোনো উপায় নাথাকে । আক্ৰমণকাৰীৰ সংখ্যা সদায় আৰক্ষী বাহিনীতকৈ অধিক হোৱাটো নিশ্চিত কৰা হৈছিল । সেই ব্লু-প্ৰিণ্টৰ দৰেই জাংগীপুৰ মহকুমাৰ ৰঘুনাথগঞ্জতো এই আক্ৰমণ সংঘটিত হয় । ইয়াৰ আঁৰৰ লোকক চিনাক্ত কৰিবলৈ আৰম্ভ কৰিছে আৰক্ষীয়ে ।

হিংসাত্মক ঘটনাৰ সময়ত উপস্থিত থকা স্থানীয় আৰক্ষীৰ মতে, অঞ্চলটোৰ কোনেও এই লোকসকলক চিনি পোৱা নাছিল । স্থানীয় জনপ্ৰতিনিধিয়ে ৰাজপথলৈ ওলাই আহি এই হিংসা বন্ধ কৰাৰ চেষ্টা চলাইছিল যদিও তেওঁলোকে ব্যৰ্থ হৈছিল কাৰণ হিংসাৰ দোষীক এই অঞ্চলত আগতে কেতিয়াও দেখা পোৱা নাছিল । তেওঁ প্ৰথমে সাধাৰণ ৰাইজৰ প্ৰতিবাদত যোগদান কৰি হুলস্থুলৰ সৃষ্টি কৰিবলৈ ধৰিলে তেওঁলোকে ।

বাহ্যিক উপাদানৰ দ্বাৰা উচটনিমূলক হিংসা
পশ্চিম বংগৰ মুৰ্শিদাবাদত শেহতীয়া অশান্তিৰ আৰম্ভণি হৈছিল ৱাকফ (সংশোধনী) আইন, ২০২৫ৰ বিৰুদ্ধে প্ৰতিবাদৰ পৰা । এই হিংসা প্ৰভাৱিত আছিল বাংলাদেশৰ উগ্ৰপন্থী সংগঠন জামাত-ই-ইছলামীৰ দ্বাৰা । বি এছ এফৰ মতে এই বিক্ষোভ নিজে কৰা নাছিল বৰঞ্চ বাহ্যিক উপাদানৰ দ্বাৰা উচটনি দিয়া হৈছিল । অঞ্চলটোত চলি থকা জামাত-উল-মুজাহিদীন বাংলাদেশ (জেএমবি) আৰু আনছাৰুল্লাহ বাংলা টিম (এবিটি)ৰ দৰে উগ্ৰপন্থী সংগঠনৰ সন্দৰ্ভত পূৰ্বৰ সতৰ্কবাণীৰ সৈতে সংগতি ৰাখি এই হিংসাত্মক ঘটনা সংঘটিত হৈছে ।

প্ৰতিবেদক- ৰবিদত্ত