সেনা বা আৰক্ষীয়ে সেই সময়ত প্ৰত্যুত্তৰ দিবলৈ সুযোগ নাপাব, নিশ্চিত আছিল আক্ৰমণকাৰী! কেনেদৰে হৈছিল পহলগামৰ নৰমেধ? Exclusive প্ৰতিবেদন

পহলগাম আক্ৰমণৰ লগত জড়িত চাৰিটা সন্ত্ৰাসবাদীৰ ফটো ইতিমধ্যে প্ৰকাশ পাইছে । ইয়াৰে ২ জন পাকিস্তানী আৰু ২ জন কাশ্মীৰী নাগৰিক । ইয়াৰে তিনিজনৰ নাম ইতিমধ্যে পোহৰলৈ আহিছে । চাৰিওজন লস্কৰ-ই-তৈবা সংগঠনৰ সদস্য । চিনাক্ত হোৱা সন্ত্ৰাসবাদী তিনিটা হৈছে আছিফ ফৌজী, চুলেমান শ্বাহ আৰু আবু তালহা । এই সন্ত্ৰাসবাদী আক্ৰমণ কেনেকৈ সংঘটিত কৰিলে ? এই সন্দৰ্ভত এক এক্সক্লুছিভ প্ৰতিবেদন-

আক্ৰমণৰ পিছত এটা কথা সম্পূৰ্ণ স্পষ্ট হৈ পৰিছে । প্ৰায় ২০ মিনিট ধৰি এই হত্যালীলা অব্যাহত থাকে । গুলীচালনা হৈছিল । কাশ্মীৰ উপত্যকাত বহু দূৰলৈকে বন্দুকৰ গুলীৰ শব্দ শুনা গৈছিল । কিন্তু তাৰপাছতো সন্ত্ৰাসবাদীয়ে নিজৰ ‘মিছন’ নিৰ্বিঘ্নে সফল কৰে । মিছন শেষ কৰি তেওঁলোকে এটা নিৰ্দিষ্ট পথেৰে আঁতৰি গুচি যায় । এই কাম তেতিয়াহে সম্পন্ন কৰিব পাৰি যেতিয়া পূৰ্বৰ পৰাই সম্পূৰ্ণ অনুশীলন কৰা হয় ।

যি সময়ত সন্ত্ৰাসবাদীয়ে এই জঘন্য হত্যাকাণ্ড সংঘটিত কৰিছিল, সেই সময়ত ভাৰতীয় সেনা বা জম্মু-কাশ্মীৰ আৰক্ষীৰ পৰা কোনো বাধা নাপাব বুলিও সন্ত্ৰাসবাদী নিশ্চিত আছিল । এই ক্ষেত্ৰত তেওঁলোকে কেইবাটাও স্তৰত কাম কৰিছে । এটা গোটটোৱে নাৰকীয় হত্যা চলাই থকাৰ সময়তে আন এটা দলে বাহিৰৰ পৰা তেওঁলোকক পহৰা দিছিল । তেওঁলোকক সতৰ্ক কৰি দিছিল । উগ্ৰপন্থীয়ে পিন্ধা জেকেটত বডি কেমেৰা সংলগ্ন কৰা হৈছিল । ইজনে সিজনৰ লগত সকলো সময়তে ৱাকি-টকিত কথা পাতি আছিল ।

ঘটনাৰ প্ৰত্যক্ষদৰ্শীয়ে জনোৱা মতে, প্ৰথমে তেওঁলোকে সেনাবাহিনীৰ পোছাক পিন্ধি পৰ্যটকৰ কাষ চাপিছিল আৰু তেওঁলোকৰ নাম সুধিছিল । নামটো জনাৰ পিছত তেওঁলোকক কোন ধৰ্মৰ বুলিও সুধিছিল । তাৰ পিছত মহিলা আৰু ল’ৰা-ছোৱালীক পৃথক কৰা হয় । পুৰুষসকল একে ঠাইতে গোট খাই থাকে । তাৰ পিছত তেওঁৰ মূৰত গুলিওৱা হয় । জানিব পৰা মতে, পাৰ্কৰ ভিতৰত এই ঘটনা সংঘটিত হৈ থকাৰ সময়তে বাহিৰতো গুলীৰ শব্দ শুনা গৈছিল । ৰিজ’ৰ্টখনৰ গাতে লাগি থকা জংঘলৰ পৰা গুলীচালনা কৰা হৈছিল ।

সংস্থাৰ মতে, যিকোনো মুহূৰ্ততে স্থানীয় বিচ্ছিন্নতাবাদী-সন্ত্রাসবাদীৰ ওপৰত আৱেগ থকা এটা গোটে সন্ত্ৰাসবাদী মডিউল এটাক মঞ্চ নিদিলেহে এনে কাণ্ড সম্ভৱপৰ হয় । এই ঘটনাত অঞ্চলটোৰ কিমানজন লোক জড়িত আছিল আৰু কোনে সমৰ্থন কৰিছিল সেই কথা জানিবলৈ চেষ্টা চলাইছে সংস্থাটোৱে । ইতিমধ্যে তিনিজন লোকৰ স্কেচ মুকলি কৰা হৈছে । চাৰিজন সন্ত্ৰাসবাদীৰ ছবিও পোহৰলৈ আহিছে ।

কিন্তু তাৰ লগতে ঘটনাৰ সময়ত উপস্থিত এটা সন্ত্ৰাসবাদীৰ ফটো পোহৰলৈ আহিছে, যিয়ে তদন্তকাৰীক আৰু অধিক স্তম্ভিত কৰি তুলিছিল । কাৰণ সন্ত্ৰাসবাদীটোৱে স্থানীয় যুৱকৰ সাজ-পোছাক পৰিধান কৰিছিল । তেওঁৰ হাতত এখন এ কে ৪৭ও আছিল । ছদ্মবেশধাৰী সন্ত্ৰাসবাদীয়ে দীৰ্ঘ দিনৰ পৰা অঞ্চলটোৰ ৰাইজৰ লগত সংগতি ৰাখিছে । তেওঁলোকে নাম সলনি কৰি আস্থা লাভ কৰিছে । হত্যাকাৰীয়ে ভিৰৰ মাজত চামিল হৈ গোটেই পৰিকল্পনাটো ৰচনা কৰিলে ।