‘মুছলমানৰ অধিকাৰ কাঢ়ি লোৱাৰ এক আহিলা’, ৱাকফ বিধেয়কৰ তীব্ৰ বিৰোধিতা ৰাহুল গান্ধীৰ
কংগ্ৰেছৰ সাংসদ তথা লোকসভাৰ বিৰোধী দলপতি ৰাহুল গান্ধীয়ে ৱাকফ সংশোধনী বিধেয়কক ভাৰতৰ মৌলিক ধাৰণাক আক্ৰমণ বুলি অভিহিত কৰিছে। কংগ্ৰেছ দলে ইয়াৰ তীব্ৰ বিৰোধিতা কৰে বুলিও ৰাহুলে কয়। এই বিধেয়কখন মুছলমানৰ ব্যক্তিগত আইন আৰু সম্পত্তিৰ অধিকাৰ দখল কৰিবলৈ তৈয়াৰ কৰা অস্ত্ৰ বুলিও অভিহিত কৰে।
Waqf Amendment Bill 2025: বুধবাৰে নিশা লোকসভাই সংখ্যাগৰিষ্ঠতাৰে ৱাকফ (সংশোধনী) বিধেয়ক গৃহীত কৰে। সদনত ৱাকফ বিধেয়কৰ সপক্ষে মুঠ ২৮৮টা ভোটদান কৰা হয়। একে সময়তে মুঠ ২৩২ গৰাকী সাংসদে বিধেয়কখনৰ বিৰুদ্ধে ভোটদান কৰে। নিম্ন সদনত বিধেয়কখন গৃহীত হোৱাৰ পিছত আজি খোদ ৰাজ্যসভাত বিধেয়কখন দাখিল কৰিব লাগিব। ইফালে কংগ্ৰেছৰ সাংসদ তথা লোকসভাৰ বিৰোধী দলপতি ৰাহুল গান্ধীয়ে ইয়াক ভাৰতৰ মৌলিক ধাৰণাক আক্ৰমণ বুলি অভিহিত কৰিছে।
লোকসভাত ৱাকফ বিধেয়কক লৈ ভোটদানৰ সময়ত ৰাহুল গান্ধীয়ে নিজৰ X একাউন্টত পোষ্টৰ জৰিয়তে আক্ৰমণ কৰে। তেওঁ কয়, ‘ৱাকফ (সংশোধনী) বিধেয়কখন মুছলমানসকলৰ ব্যক্তিগত আইন আৰু সম্পত্তিৰ অধিকাৰ দখল কৰাৰ লক্ষ্যৰ অস্ত্ৰ। ‘ ৰাহুল গান্ধীয়ে ইয়াক ২৫ নং দফা উলংঘা বুলি অভিহিত কৰি কয় যে, কংগ্ৰেছ দলে এই আইনখনৰ তীব্ৰ বিৰোধিতা কৰে।
ধৰ্মীয় স্বাধীনতাৰ অধিকাৰ উলংঘাঃ ৰাহুল গান্ধী
ৱায়নাডৰ পৰা কংগ্ৰেছৰ সাংসদ ৰাহুল গান্ধীয়ে আৰু লিখিছে, ‘আজি আৰ এছ এছ, বিজেপি আৰু তেওঁলোকৰ মিত্ৰশক্তিৰ সংবিধানৰ ওপৰত এই আক্ৰমণ মুছলমানক লক্ষ্য কৰি হৈছে। কিন্তু ভৱিষ্যতে আন সম্প্ৰদায়ক লক্ষ্য কৰি লোৱাৰ বাবে ই এক নজিৰ গঢ়ি তুলিব। কংগ্ৰেছ পাৰ্টিয়ে ইয়াৰ তীব্ৰ বিৰোধিতা কৰিছে, কাৰণ ই ভাৰতৰ মৌলিক ধাৰণাক আক্ৰমণ কৰি ২৫ নং অনুচ্ছেদ, ধৰ্মীয় স্বাধীনতাৰ অধিকাৰ উলংঘা কৰিছে।’
The Waqf (Amendment) Bill is a weapon aimed at marginalising Muslims and usurping their personal laws and property rights.
This attack on the Constitution by the RSS, BJP and their allies is aimed at Muslims today but sets a precedent to target other communities in the future.…
— Rahul Gandhi (@RahulGandhi) April 2, 2025
বুধবাৰে চৰকাৰে ৱাকফ (সংশোধনী) বিধেয়কখন লোকসভাত গৃহীত কৰাৰ বাবে উত্থাপন কৰে। চৰকাৰৰ সংখ্যালঘু পৰিক্ৰমা মন্ত্ৰী কিৰেন ৰিজিজুৱে দিনৰ ১২ বজাত সদনত উত্থাপন কৰে। যাৰ ওপৰত ১২ ঘণ্টাৰো অধিক সময় বিতৰ্ক চলিছিল। ইফালে, গভীৰ নিশা সদনে ৱাকফ বিধেয়ক গৃহীত কৰে। লোকসভাৰ অধ্যক্ষ ওম বিৰলাই প্ৰথমে ব্যক্তিগত সদস্যৰ সংশোধনী মতদানৰ লৈছিল। য’ত সকলো বিৰোধী নেতাৰ সংশোধনী নাকচ কৰা হৈছিল।
আমি আদালতৰ দুৱাৰত টোকৰ মাৰিমঃ বিৰোধী সাংসদ
সদনত বিৰোধীয়ে বিধেয়কখনৰ বিৰোধিতা কৰি ইয়াক অসাংবিধানিক বুলি অভিহিত কৰে। ইয়াৰ পিছত সংশোধিত ৱাকফ (সংশোধনী) বিধেয়কখনৰ ওপৰত ভোটদান কৰা হয়। এই ভোটদান ইলেক্ট্ৰনিক স্বয়ংক্ৰিয় ভোট ৰেকৰ্ডিং ব্যৱস্থাৰ জৰিয়তে কৰা হৈছিল। সদনত উপস্থিত থকা মুঠ ৫২০ জন লোকে এই সন্দৰ্ভত ভোটদান কৰে। ইয়াত ২৮৮ টা ভোট বিধেয়কখনৰ সপক্ষে আৰু মুঠ ২৩২ টা ভোট বিধেয়কখনৰ বিৰুদ্ধে। একে সময়তে বিধেয়কখন গৃহীত হোৱাৰ পিছত বিৰোধী নেতাসকলে আদালতৰ কাষ চাপিব বুলি কয়।
