Ratan tata: এজন মহান ব্যক্তি গ’লগৈ! ৰতন টাটাৰ মৃত্যুত শোকস্তব্ধ দেশ…
Ratan tata: ৰতন টাটা আছিল এজন দূৰদৰ্শী ব্যৱসায়িক নেতা, এজন দয়ালু আত্মা আৰু এজন অসাধাৰণ মানৱ। প্ৰধানমন্ত্ৰী মোদীয়ে লিখিছে যে তেওঁৰ নম্ৰতা, দয়া আৰু আমাৰ সমাজখন উন্নত কৰাৰ অদম্য দায়বদ্ধতাৰ বাবেই তেওঁ বহু লোকৰ মাজত নিজৰ স্থান দখল কৰিছিল।
ৰতন টাটা
এজন মহান ব্যক্তি গ’লগৈ! ৮৬ বছৰ বয়সত চিৰ বিদায় ললে বিশিষ্ট উদ্যোগপতি ৰতন টাটাই। বুধবাৰে নিশা মুম্বাইৰ ব্ৰিচ কেণ্ডি হাস্পতালত শেষ নিশ্বাস ত্যাগ কৰে ৰতন টাটাই। বহুদিন ধৰি অসুস্থ হৈ থকা ৰতন টাটাক কিছুদিন পূৰ্বে হাস্পাতালত ভৰ্তি কৰোৱা হৈছিল। এই খবৰ চাৰিওফালে বিয়পি পৰাৰ পাছত ছ’চিয়েল মিডিয়াৰ যোগেদি ৰতন টাটাই পোষ্ট কৰিছিল যে তেওঁ সুস্থ হৈ আছে। কিন্তু তাৰ পাছতেই আজি আহে এই শোকৰ খবৰ।
ৰতন টাটাৰ মৃত্যুত বিশ্বৰ বিভিন্ন প্ৰান্তৰ লগতে দেশৰ প্ৰায় সকলোৱে শোক প্ৰকাশ কৰিছে। ৰতন টাটাৰ মৃত্যুত শোক প্ৰকাশ কৰি প্ৰধানমন্ত্ৰী নৰেন্দ্ৰ মোদীয়ে লিখিছে যে- ৰতন টাটা আছিল এজন দূৰদৰ্শী ব্যৱসায়িক নেতা, এজন দয়ালু আত্মা আৰু এজন অসাধাৰণ মানৱ। প্ৰধানমন্ত্ৰী মোদীয়ে লিখিছে যে তেওঁৰ নম্ৰতা, দয়া আৰু আমাৰ সমাজখন উন্নত কৰাৰ অদম্য দায়বদ্ধতাৰ বাবেই তেওঁ বহু লোকৰ মাজত নিজৰ স্থান দখল কৰিছিল।
Shri Ratan Tata Ji was a visionary business leader, a compassionate soul and an extraordinary human being. He provided stable leadership to one of India’s oldest and most prestigious business houses. At the same time, his contribution went far beyond the boardroom. He endeared… pic.twitter.com/p5NPcpBbBD
— Narendra Modi (@narendramodi) October 9, 2024
ৰতন টাটাৰ মৃত্যুত প্ৰতিৰক্ষা মন্ত্ৰী ৰাজনাথ সিঙেও শোক ব্যক্তি কৰিছে। তেওঁ লিখিছে- ৰতন টাটা ভাৰতীয় উদ্যোগৰ দিগ্বজ আছিল। তেওঁৰ মৃত্যুত অত্যন্ত দুখী। ইয়াৰ লগতে ৰতন টাটাৰ মৃত্যুত আনন্দ মহিন্দ্ৰাই লিখিছে – ‘ৰতন টাটাৰ অনুপস্থিতি মই মানি ল’ব পৰা নাই।’
লোকসভাৰ বিৰোধী দলৰ নেতা তথা কংগ্ৰেছ নেতা ৰাহুল গান্ধীয়ে ৰতন টাটাৰ মৃত্যুত শোক প্ৰকাশ কৰিছে-
Ratan Tata was a man with a vision. He has left a lasting mark on both business and philanthropy.
My condolences to his family and the Tata community.
— Rahul Gandhi (@RahulGandhi) October 9, 2024