বিয়াৰ কিছুদিন পাছতে পলাল প্ৰেমিকৰ সৈতে…নৱবিবাহিতাৰ শহুৰেকে কৰিলে ভয়ংকৰ কাণ্ড

মানুহক হত্যা কৰাটো এতিয়া যেন আটাইতকৈ সহজ কাম। এইবাৰ শহুৰৰ হাতত প্ৰাণ গ’ল বোৱাৰীৰ। নিজৰ বোৱাৰীক ডিঙি চেপি নিৰ্মমভাৱে হত্যা কৰিলে শহুৰে। ইয়াৰ পিছত  গাঁৱৰ পৰা আঁতৰত থকা শুকান পুখুৰীত সাত ফুট দ গাঁত খান্দি পুতি থৈছিল মৃতদেহটো। ঘটনাটো পোহৰলৈ অহাৰ লগে লগে সমগ্ৰ অঞ্চলটোত সৃষ্টি হৈছে চাঞ্চল্যৰ।

মঙলবাৰে নিশা বিহাৰৰ পুপৰি থানা এলেকাৰ অন্তৰ্গত টেমহুৱা গাঁৱত সংঘটিত হয় এই ঘটনা। নিহত যুৱকজন ইন্দ্ৰজিৎ ৰায়ৰ পত্নী কাঞ্চন দেৱী (২২) বুলি জানিব পৰা গৈছে। তাৎক্ষণিক ব্যৱস্থা গ্ৰহণ কৰি মৃতকৰ শাহু আৰু শহুৰ ৰামভৰোস ৰায়ক জিম্মাত লৈছে পুপৰি আৰক্ষীয়ে । ঘটনা সন্দৰ্ভত দুয়োকে সোধা-পোচা অব্যাহত ৰাখিছে আৰক্ষীয়ে।

বুধবাৰে পুৱা হত্যাকাণ্ডৰ তথ্য লাভ কৰাৰ লগে লগে পুপৰি থানাৰ মুৰব্বী পৰিদৰ্শক চন্দ্ৰভূষণ কুমাৰ সিং, এছ আই মনোজ কুমাৰৰ লগতে আৰক্ষীৰ দলটো টেমুহা গাঁৱত উপস্থিত হয়। তাৰ পাছতে মহিলাগৰাকীৰ শহুৰ আৰু স্থানীয় লোকক জেৰা কৰে আৰক্ষীয়ে। স্থানীয় চকীদাৰৰ সহায়ত আৰক্ষীয়ে মৃতদেহ সমাধিস্থ কৰা স্থানত উপস্থিত হয়। ইয়াৰ পিছত এই সন্দৰ্ভত জ্যেষ্ঠ বিষয়াক তথ্য প্ৰদান কৰা হয়।

মাটিৰ পৰা মৃতদেহটো খান্দি উলিওৱাৰ বাবে দণ্ডাধীশ হিচাপে নিযুক্তি দিয়া হয় চি অ’ পুপৰি ৰামকুমাৰ পাছৱানক। দণ্ডাধীশৰ উপস্থিতিত মাটি খান্দি মৃতদেহটো উলিয়াই অনা হয়। মহিলাগৰাকীৰ মৃতদেহৰ ডিঙিত ক’লা এটা বৃত্তাকাৰ চিন পোৱা গৈছে। যাৰ বাবে ডিঙি চেপি হত্যা কৰাৰ সন্দেহ কৰিছে আৰক্ষীয়ে। তাৰ পাছতে আৰক্ষীয়ে মৃতদেহটো নিজৰ জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰিছে।

এই সন্দৰ্ভত মৃতকৰ মাতৃ ইন্দু দেৱীয়ে কয়, “আমি এবছৰৰ আগতে চোৰাউটত আমাৰ কন্যাক বিয়া দিছিলো। বিয়াৰ  দুমাহৰ পিছতে টেমহুৱা গাঁৱৰ বাসিন্দা ইন্দ্ৰজিৎ ৰায়ে তেওঁক শহুৰৰ ঘৰৰ পৰা পলুৱাই কৰি লৈ যায়। তেওঁ কাঞ্চনক বিয়া কৰাই ৮ মাহ নিজৰ লগত ৰাখিছিল। দ্বিতীয় স্বামীৰ পিতৃ ৰামভৰস ৰায়ে আমাক ফোন কৰি ক’লে যে আপোনাৰ কন্যাই আত্মহত্যা কৰিছে এই কথা জানি আমি আচৰিত হৈ পৰিলোঁ। আমি এই কথা আৰক্ষীৰ জনালো।”

এছ এইচ অ’ চন্দ্ৰভূষণ কুমাৰ সিঙে জনোৱা মতে, ঘটনা সন্দৰ্ভত তথ্য লাভ কৰাৰ লগে লগে ৰামভৰোস ৰায়ক জিম্মাত লৈ জেৰা কৰা হয়। তেওঁ কয়, “পথাৰত পুখুৰীত গাঁত খান্দি মহিলাগৰাকীৰ মৃতদেহ পুতি থৈছিল। ইয়াৰ পিছত গাঁতৰ পৰা উদ্ধাৰ কৰা হয় মৃতদেহটো।” এই সন্দৰ্ভত ডি এছ পি অতনু দত্তই কয়, “মৃতকৰ মৰণোত্তৰ পৰীক্ষাৰ প্ৰতিবেদনত মৃত্যুৰ কাৰণ পোহৰলৈ আহিব। তেওঁৰ শহুৰক জেৰা চলাই থকা হৈছে। পৰিয়ালৰ বক্তব্যৰ ভিত্তিত অধিক ব্যৱস্থা গ্ৰহণ কৰা হ’ব।”