মহিলা, শিশুৰ নিৰাপত্তাৰ বাবে দেশজুৰি কি ব্য়ৱস্থা গ্ৰহণ কৰা হৈছে ? কেন্দ্ৰীৰ পৰা উত্তৰ বিচাৰিলে উচ্চতম ন্যায়ালয়ে…
ভাৰতত মহিলা, শিশু আৰু হিজৰাৰ ওপৰত বৃদ্ধি পোৱা অপৰাধৰ সৈতে মোকাবিলা কৰি এক নিৰাপদ পৰিৱেশ প্ৰদানৰ বাবে বিভিন্ন ব্যৱস্থা লোৱাৰ বাবে উচ্চতম ন্যায়ালয়ে এখন আবেদন পুনৰীক্ষণ কৰিবলৈ সন্মতি প্ৰকাশ কৰিছে । সোমবাৰে শীৰ্ষ আদালতে গৃহ মন্ত্ৰালয়কে ধৰি কেন্দ্ৰীয় চৰকাৰৰ বিভিন্ন মন্ত্ৰালয়ৰ পৰা এই সন্দৰ্ভত উত্তৰ বিচাৰিছে।
দেশত মহিলা, শিশু আৰু হিজৰা সুৰক্ষাক লৈ বহু সময়ত বিভিন্ন ধৰণে প্ৰশ্ন উত্থাপন হৈ আহিছে । শেহতীয়াকৈ ভাৰতত মহিলা, শিশু আৰু হিজৰাৰ ওপৰত বৃদ্ধি পোৱা অপৰাধৰ সৈতে মোকাবিলা কৰি এক নিৰাপদ পৰিৱেশ প্ৰদানৰ বাবে বিভিন্ন ব্যৱস্থা লোৱাৰ বাবে উচ্চতম ন্যায়ালয়ে এখন আবেদন পুনৰীক্ষণ কৰিবলৈ সন্মতি প্ৰকাশ কৰিছে । সোমবাৰে শীৰ্ষ আদালতে গৃহ মন্ত্ৰালয়কে ধৰি কেন্দ্ৰীয় চৰকাৰৰ বিভিন্ন মন্ত্ৰালয়ৰ পৰা এই সন্দৰ্ভত উত্তৰ বিচাৰিছে। এই আৱেদন উচ্চতম ন্যায়ালয়ৰ মহিলা উকীল সন্থাৰ হৈ জ্যেষ্ঠ অধিবক্তা মহালক্ষ্মী পাৱনীয়ে দাখিল কৰিছিল। ২০২৫ চনৰ জানুৱাৰী মাহত এই গোচৰৰ পৰৱৰ্তী শুনানি গ্ৰহণ কৰা হ’ব।
আবেদনকাৰীৰ অধিবক্তাই কয় যে, কাকতলীয়াকৈ আজিও নিৰ্ভয়া দলবদ্ধ ধৰ্ষণ কাণ্ডৰ ১২ বছৰত ভৰি দিলে । আবেদনত পাৱনীয়ে কলকাতাৰ আৰ জি কাৰ মেডিকেল কলেজ হাস্পতালত সংঘটিত হোৱা এগৰাকী মহিলা চিকিৎসকক ধৰ্ষণ কৰি হত্যা কৰা ঘটনাৰ কথাও উল্লেখ কৰে। এই ঘটনাৰ পিছত প্ৰায় ৯৫ টা যৌন হিংসাৰ গোচৰ ৰুজু হৈছিল যদিও ৰাষ্ট্ৰীয় পৰ্যায়ত প্ৰয়োজনীয় দৃষ্টি আকৰ্ষণ কৰাত ব্যৰ্থ হোৱা বুলিও কয় পাৱনীয়ে। তেওঁ আবেদনখনত কঠোৰ শাস্তিমূলক ব্যৱস্থাৰ পোষকতা কৰিছে। উল্লেখ্য যে, ন্যায়াধীশ সূৰ্য্য কান্ত আৰু উজ্জ্বল ভূঞাৰ বিচাৰপীঠে কেন্দ্ৰৰ বিভিন্ন মন্ত্ৰালয়ৰ পৰা উত্তৰ বিচাৰি জাননী জাৰি কৰে ।
আবেদনখনত বিচৰা কিছুমান নিৰ্দেশনা এতি কঠিন যদিও কিছুমান বিষয় আছে যিবোৰ অতি গুৰুত্বপূৰ্ণ আৰু পুনৰীক্ষণৰ প্ৰয়োজন। ন্যায়াধীশ সূৰ্য্য কান্তই কয় যে, ৰাজহুৱা পৰিবহণত সঠিক আচৰণ বজাই ৰখাৰ প্ৰশ্নটো বিবেচনাৰ যোগ্য বিষয়সমূহৰ ভিতৰত অন্যতম । তেওঁ কয় যে,বাছ, মেট্ৰ’ আৰু ৰে’লত কেনে আচৰণ কৰিব লাগে সেই সম্পৰ্কে সজাগতা সৃষ্টিৰ প্ৰয়োজন।
বিচাৰপীঠে কয় যে, ৰাজহুৱা পৰিবহণত সঠিক সামাজিক আচৰণৰ বিষয়টো কঠোৰভাৱে কাৰ্যকৰী কৰাটো প্ৰয়োজন । ইয়াৰ কাৰণ হৈছে, বিমান সংস্থাৰ পৰাও কিছুমান বেয়া খবৰ লাভ কৰা যায় । যদিও বহু ক্ষেত্ৰত গাইডলাইন জাৰি কৰা হৈছে আৰু কঠোৰ আইন আৰু শাস্তিৰ ব্যৱস্থা আছে, তথাপিও সেইবোৰ কাৰ্যকৰী কৰা হৈছেনে? বিচাৰপীঠে কয় যে, ‘শাস্তিমূলক আৰু শাস্তিমূলক আইন ৰূপায়ণৰ ক্ষেত্ৰত আমাৰ অভাৱ ক’ত সেই কথা গুৰুত্বসহকাৰে চোৱা প্ৰয়োজন।’ ইয়াৰ লগতে এটৰ্নী জেনেৰেলৰ কাৰ্যালয়ৰ জৰিয়তে সংশ্লিষ্ট মন্ত্ৰালয় আৰু ইয়াৰ সংশ্লিষ্ট বিভাগসমূহলৈ জাননী জাৰি কৰিবলৈ নিৰ্দেশ দিয়া হৈছে।
