কয়দীৰ পেটত ওলাল মোবাইল… পেটৰ বিষৰ ৰহস্য ফাদিল, কিন্তু কেনেকৈ?

দিল্লীৰ জিটিবি হাস্পতালত এজন কয়দীৰ পেটৰ বিষ পৰীক্ষা কৰাত এক চাঞ্চল্যকৰ ঘটনা পোহৰলৈ আহে। পেটত এটা মোবাইল ফোন, যিটো এবছৰ আগতে গিলি থৈছিল। পেটৰ বিষত আক্ৰান্ত হৈ কয়দী এজনৰ অৱস্থা অধিক বেয়া হৈ পৰে। তাৰ পিছত তেওঁক চিকিৎসালয়ৰ জৰুৰীকালীন ৱাৰ্ডত ভৰ্তি কৰোৱা হয়। অপাৰেচনৰ অন্তত চিকিৎসকৰ দলটোৱে কয়দীজনৰ পেটৰ পৰা মোবাইলটো আঁতৰাই পেলায়। মোবাইলটো এবছৰ ধৰি পেটত থকাৰ পিছতো ৰোগীজন কোনো ধৰণৰ সংক্ৰমণত নোহোৱা দেখি চিকিৎসকসকল আচৰিত হৈ পৰে।

কয়দীজনৰ পেটৰ পৰা মোবাইলটো আঁতৰোৱাৰ প্ৰতিবেদন প্ৰকাশ কৰিছে এছিয়ান জাৰ্নেল অৱ কেছ ৰিপৰ্টছ ইন চাৰ্জাৰীয়ে। কয়দীজনৰ বয়স ২৩ বছৰ বুলি জানিব পৰা গৈছে। জানুৱাৰী মাহত তেওঁ পেটৰ বিষত অস্বস্তিত ভুগিছিল। ইয়াৰ পিছত তেওঁৰ পৰীক্ষা কৰা হ’ল। সাধাৰণ চিকিৎসকে প্ৰথমে পেটৰ এক্স-ৰে কৰি তাৰ পিছত এম আৰ আই কৰি পেটত ডাঙৰ কিবা এটা থকাৰ কথা পোহৰলৈ আহিল। ইয়াৰ পিছত ডাক্তৰে তেওঁৰ চিকিৎসা আৰম্ভ কৰিলে।

পেটৰ পৰা আঁতৰালে মোবাইলটো

নয়ডা আৰক্ষীয়ে কয়দীজনক চিকিৎসাৰ বাবে দিল্লীৰ গুৰু টেগ বাহাদুৰ (জিটিবি) চিকিৎসালয়ত ভৰ্তি কৰাইছিল। চিকিৎসালয়খনৰ চিকিৎসক হিমাংশু আগৰৱালা, ডাঃ নীলাঞ্জনা, ডাঃ নীতু আৰু ডাঃ হিমাংশু তনৱাৰৰ দলটোৱে কাৰাবন্দী ৰোগীজনৰ সফলতাৰে অস্ত্ৰোপচাৰ কৰে। কয়দীৰ পেটৰ পৰা দুটুকুৰা কৰি মোবাইলটো উলিয়াই আনিলে। চিকিৎসকসকলে প্ৰথমে এণ্ড’স্ক’পিক আৰু অন্যান্য চিকিৎসাৰ জৰিয়তে ইয়াক আঁতৰোৱাৰ বিষয়ে আলোচনা কৰিছিল। কিন্তু পিছত অস্ত্ৰোপচাৰৰ জৰিয়তে আঁতৰাই পেলোৱা হয়।