Modi 3.0 Budget 2024 LIVE: চকী বচোৱাৰ বাবে এইবাৰৰ বাজেটঃ ৰাহুল

বাজেট সন্দৰ্ভত মন্তব্য প্ৰদান কৰি কংগ্ৰেছ নেতা ৰাহুল গান্ধীয়ে কয় যে- এইবাৰৰ বাজেট চকী বচাও বাজেট। লগতে কংগ্ৰেছৰ ইস্তাহাৰ আৰু পূৰ্বৰ বাজেট কপি পেষ্ট কৰা বুলি কয়।

বাজেট দাখিল কৰাৰ পাছতেই কেন্দ্ৰীয় চৰকাৰক তীব্ৰ কটাক্ষ কৰে কংগ্ৰেছ সাংসদ গৌৰৱ গগৈয়ে। তেওঁ কয় যে,২০২৪-২৫ বৰ্ষৰ বাজেট মোদী চৰকাৰৰ চকী বচাবলৈ। কিন্তু ঘনিষ্ঠ কোটিপতিসকল লাভান্বিত হ’ব।

বাজেট ২০২৪ সন্দৰ্ভত ছচিয়েল মিডিয়াত পোষ্ট কৰে প্ৰতিৰক্ষা মন্ত্ৰী ৰাজনাথ সিঙে। পূৰ্ণাংগ বাজেট দাখিল কৰাকলৈ  বিত্তমন্ত্ৰীক শুভেচ্ছা জ্ঞাপন কৰে।

কংগ্ৰেছৰ অধ্যক্ষ মালিকাৰ্জুন খাৰ্গে কয় যে, এই বাজেখন মিছা বাজেট। মোদী চৰকাৰে মিত্ৰ দলত ঠগিবৰ বাবে এই বাজেট তৈয়াৰ কৰিছে। দেশৰ উন্নতিৰ বাবে নহয়, এই বাজেট মোদী চৰকাৰৰ বাবে।

কেন্দ্ৰীয় সংসদীয় পৰিক্ৰমা মন্ত্ৰী কিৰেন ৰিজিজুৱে কয় যে এয়া সকলোৰে সপোনৰ বাজেট। প্ৰতিটো শিতানৰ বাবে আৰু বিশেষকৈ যুৱক-যুৱতী আৰু মহিলাৰ বাবে এই বাজেট। এই বাজেটৰ ফলত বিহাৰ, ঝাৰখণ্ড, অন্ধ্ৰপ্ৰদেশ আৰু উত্তৰ-পূৰ্বাঞ্চলৰ দৰে আৰ্থিকভাৱে পিছপৰা ৰাজ্যসমূহ আগবাঢ়িব।

বাজেট সন্দৰ্ভত প্ৰধানমন্ত্ৰী নৰেন্দ্ৰ মোদীয়ে কয় যে, এই বাজেটে সমাজৰ প্ৰতিটো শ্ৰেণীক শক্তি প্ৰদান কৰিব।  এই বাজেটখনে গাঁও, দৰিদ্ৰ আৰু কৃষকক সমৃদ্ধিৰ পথত লৈ যাব। যোৱা ১০ বছৰত ২৫ কোটি লোক দৰিদ্ৰতাৰ পৰা ওলাই আহিছে।

কৃষক নেতা ৰাকেশ টিকৈটে কয় যে এই বাজেটখনৰ ফলত ভূমি পৰ্যয়াৰ কৃষকসকল লাভান্বিত নহ’ব। চৰকাৰে শস্যৰ দাম দি, বিনামূলীয়া বিদ্যুৎ, সস্তীয়া সাৰ, খেতিৰ সঁজুলিৰ জি এছ টি হ্ৰাস কৰিব লাগিছিল।

যুৱক-যুৱতীসকলে এতিয়া আত্মসংস্থাপনৰ বাবে ২০ লাখ টকা পৰ্যন্ত মুদ্ৰা ঋণ ল’ব পাৰিব। বৰ্তমান ইয়াৰ সীমা আছিল মাত্ৰ ১০ লাখ টকা।

বিএছপি মুৰব্বী মায়াবতী  কয় যে আজিৰ বাজেট ধনী লোকৰ বাবে।  ভাল দিনৰ আশা  কৰা হৈছিল যদিও এনে নহ’ল।

বাজেট ঘোষণা হোৱাৰ পাছতেই ইয়াৰ প্ৰভাৱ পৰে শ্বেয়াৰ মাৰ্কেটত।  শ্বেয়াৰ মাৰ্কেট  ৪৭২.২৩ পইণ্ট হ্ৰাস পাইছে। বৰ্তমান ইয়াৰ ট্ৰেণ্ডিং হৈছে ৮০ হাজাৰ টকা।

টিএমচিৰ সাংসদ কল্যাণ বেনাৰ্জীয়ে কয় যে এয়া দেশৰ বাজেট নহয়। এই বাজেটখনে চৰকাৰ আৰু তেওঁলকোৰ ক্ষমতা ৰক্ষা কৰা সকলৰ বাবে । পশ্চিম বংগক এই বাজেটত একো দিয়া নাই।

৩-৭ লাখ টকালৈ আয় কৰ ৫ শতাংশ। ৭ ৰ পৰা ১০ লাখলৈ আয়কৰ  ১০ শতাংশ, ১০ ৰ পৰা ১২ লাখ টকালৈ আয় কৰ ১৫ শতাংশ, ১৫ লাখৰ ওপৰত আয় কৰ ৩০ শতাংশ। ৭.৭৫ টকালৈ কৰ ৰেহাইৰ সুবিধা।

কৰ্কট ৰোগৰ তিনিটা ঔষধ কাষ্টম ড্যুটি ফ্ৰী কৰা হৈছে। অৰ্থাৎ এই তিনিটা ঔষধ সস্তা হ’ব।

বাজেটত ঘোষণা কৰে যে, মোবাইল ফোন আৰু চাৰ্জাৰ সস্তা হ’ব। মাছৰ লগতে চামৰাৰে তৈয়াৰী বস্তুৰ দাম কমিব। সোণৰ দাম কমিব।

কেন্দ্ৰই অসমৰ বান নিয়ন্ত্ৰণৰ কাম-কাজৰ বাবে আৰ্থিক সহায় আগবঢ়াব।

• যদিহে দৰমহা ১ লাখ টকাৰ কম হয়, তেন্তে প্ৰথমবাৰৰ বাবে ইপিএফঅ’ত পঞ্জীয়ন কৰা লোকসকলে তিনি কিস্তিত ১৫ হাজাৰ টকাৰ সাহায্য লাভ কৰিব।
• কৃষক, যুৱক-যুৱতী, মহিলা আৰু দৰিদ্ৰ লোকৰ উন্নয়নৰ বাবে বিভিন্ন আঁচনি।
• ৬ কোটি কৃষকৰ তথ্য ভূমি পঞ্জীয়নলৈ অনা হ’ব।
• ৫খন ৰাজ্যত নতুন কিষাণ ক্ৰেডিট কাৰ্ড প্ৰদান কৰা হ’ব

বাজেট ২০২৪ ত মহিলাৰ বিকাশৰ বাবে ৩ লাখ কোটিৰো অধিক টকাৰ আৱন্টন। লগতে ঔদ্যোগিক শ্ৰমিকসকলে ছাত্ৰাবাসত থকাৰ সুবিধা লাভ কৰিব।

চৰকাৰে এমাহৰ পি এফ দি চাকৰিত প্ৰৱেশ কৰা ৩০ লাখ যুৱকক উৎসাহিত কৰিব।

• উত্তৰ-পূবৰ ৰাজ্যসমূহত ইণ্ডিয়া পোষ্ট পেমেণ্টছ বেংকৰ ১০০ৰো অধিক শাখা স্থাপন কৰা হ’ব।
• বিহাৰ, ঝাৰখণ্ড, পশ্চিম বংগ, ওড়িশা আৰু অন্ধ্ৰপ্ৰদেশৰ সৰ্বাংগীন উন্নয়নৰ বাবে প্ৰস্তুত কৰা হ’ব পূৰ্বোদয়া আঁচনি।
• দেশৰ সামগ্ৰিক উন্নয়নৰ বাবে ৰাষ্ট্ৰীয় সহযোগিতা নীতি
• গ্ৰাম্য উন্নয়নৰ বাবে ২.৬৬ লাখ কোটি টকা
• অন্ধ্ৰ প্ৰদেশক ১৫ হাজাৰ কোটি টকাৰ আৰ্থিক সাহায্য
• নিযুক্তিৰ বাবে ৩ টা নতুন আঁচনি
• পূব অঞ্চলত ঔদ্যোগিক কৰিডৰ নিৰ্মাণৰ প্ৰস্তাৱ
• ইপিএফঅ’ত প্ৰথমবাৰৰ বাবে পঞ্জীয়ন কৰা কৰ্মচাৰীসকলক প্ৰত্যক্ষ সুবিধা স্থানান্তৰৰ অধীনত ১৫ হাজাৰ টকা পৰ্যন্ত এমাহৰ দৰমহা ৩ কিস্তিত দিয়া হ’ব।

বাজেটত অন্ধ্ৰ প্ৰদেশ আৰু বিহাৰৰ বাবে চৰকাৰে ডাঙৰ ঘোষণা কৰিছে। অন্ধ্ৰ প্ৰদেশক অতিৰিক্ত ৫০ হাজাৰ কোটি টকা দিয়াৰ লগতে বিহাৰত নিৰ্মাণ হ’ব এক্সপ্ৰেছ ৱে।

কেন্দ্ৰীয় বাজেট ২০২৪-২৫ত প্ৰতি বছৰে ২৫ হাজাৰ ছাত্ৰ-ছাত্ৰীক সহায় কৰিবলৈ আৰ্হি দক্ষতা ঋণ আঁচনি সংশোধন কৰাৰ প্ৰস্তাৱ দিয়া হৈছে। ইয়াৰ অধীনত প্ৰতি বছৰে ১ লাখ ছাত্ৰ-ছাত্ৰীক দেশৰ শিক্ষানুষ্ঠানত উচ্চ শিক্ষাৰ বাবে পোনপটীয়াকৈ ১০ লাখ টকা বাৰ্ষিক ৩% সুতত প্ৰদান কৰা হ’ব।

এইবাৰ বাজেটত ৯ টা অগ্ৰাধিকাৰৰ ওপৰত জোৰ দিয়া হ’ব। সেই কেইটা- কৃষি উৎপাদন ক্ষমতা বৃদ্ধি, সামগ্ৰিক বিকাশ, নিয়োগ আৰু দক্ষতা বিকাশ, মেনুফেকচৰিং আৰু সেৱা খণ্ড, নগৰ উন্নয়ন, আন্তঃগাঁথনি উন্নয়ন, উদ্ভাৱণ, গৱেষণা উন্নয়ন, নতুন প্ৰজন্মৰ সংস্কাৰ. মানৱ সম্পদৰ উন্নয়ন আৰু সামাজিক ন্যায়।

বিত্তমন্ত্ৰীগৰাকীয়ে কয় যে এই বাজেটত আমি বিশেষভাৱে নিয়োগ, দক্ষতা, এম এছ এম ই আৰু মধ্যবিত্ত শ্ৰেণীৰ ওপৰত গুৰুত্ব আৰোপ কৰিছো। ২ লাখ কোটি টকাৰ কেন্দ্ৰীয় ব্যয়ৰে ৫ বছৰৰ ভিতৰত ৪.১ কোটি যুৱক-যুৱতীৰ বাবে নিয়োগ, দক্ষতা আৰু অন্যান্য সুযোগৰ সুবিধাৰ বাবে ৫ খন আঁচনি আৰু পদক্ষেপৰ প্ৰধানমন্ত্ৰীৰ পেকেজ। নি আৰু পদক্ষেপৰ প্ৰধানমন্ত্ৰীৰ পেকেজ। আৰু অন্যান্য সুযোগৰ সুবিধাৰ বাবে ৫ খন আঁচনি আৰু পদক্ষেপৰ প্ৰধানমন্ত্ৰীৰ পেকেজ ঘোষণা কৰি সুখী হৈছো।

ভাষণৰ আৰম্ভণিতে বিত্তমন্ত্ৰী নিৰ্মলা সীতাৰমণে কয় যে, ভাৰতত মুদ্ৰাস্ফীতিৰ হাৰ প্ৰায় ৪ শতাংশ। ৰাইজে চৰকাৰৰ প্ৰতি আস্থা প্ৰকাশ কৰিছে। চৰকাৰী নীতিৰ ওপৰত বিশ্বাস কৰে জনসাধাৰণে।

মোদী কেবিনেটে বাজেটত অনুমোদন জনাইছে। অলপ সময় পাছতেই সংসদত দাখিল কৰা হ’ব মোদী চৰকাৰৰ তৃতীয় কাৰ্যকালৰ প্ৰথমখন বাজেট।

ৰাষ্ট্ৰপতি- বিত্তমন্ত্ৰী

বাজেট দাখিলৰ পূৰ্বে ৰাষ্ট্ৰপতি দ্ৰৌপদী মূৰ্মুক সাক্ষাত কৰে কেন্দ্ৰীয় বিত্ত মন্ত্ৰী নিৰ্মলা সীতাৰমণে।

বাজেট দাখিলৰ পূৰ্বে কংগ্ৰেছে মোদী চৰকাৰক লৈ কটাক্ষ কৰি মন্তব্য কৰে। কংগ্ৰেছৰ সাংসদ গৌৰৱ গগৈয়ে কয়, বাজেটৰ জৰিয়তে প্ৰধানমন্ত্ৰীয়ে তেওঁৰ ঘনিষ্ঠ সেই ‘কোটিপতি’সকলক সহায় কৰিব। ইয়াৰ পৰা মধ্যবিত্তসকলে একো লাভ নকৰে।

নিৰ্মলা সীতাৰমণ

প্ৰতিনিধি দলৰ সৈতে সংসদ ভৱনত উপস্থিত বিত্তমন্ত্ৰী নিৰ্মলা সীতাৰমণ। দিনৰ ১১ বজাত সদনত দাখিল কৰিব মোদী ৩.০ চৰকাৰৰ পূৰ্ণাংগ বাজেট।

নিৰ্মলা সীতাৰমণ

বিত্ত মন্ত্ৰনালয়ত উপস্থিত হৈ নিৰ্মলা সীতাৰমণে ফটো উঠে।

বিত্তমন্ত্ৰীয়ে পুৱা ঘৰৰ পৰা ওলাই ৯ বজাত বিষয়াসকলক লগ কৰিব। পুৱা ৯.২০ বজাৰ পৰা ৯.৩০ বজাৰ ভিতৰত ৰাষ্ট্ৰপতি ভৱনত উপস্থিত হ’ব। পুৱা ১১ বজাত সংসদত বাজেট দাখিল কৰিব বিত্তমন্ত্ৰীয়ে। তেওঁৰ ভাষণ প্ৰায় ৪৫ মিনিটৰ পৰা ১ ঘণ্টাৰ হ’ব।

লোকসভা নিৰ্বাচনৰ প্ৰচাৰৰ সময়ত মোদীয়ে বয়স্ক লোকসকলক আয়ুস্মান আঁচনিৰ লগত অন্তৰ্ভুক্ত কৰাৰ কথা কৈছিল। গতিকে এই ক্ষেত্ৰত কিবা ব্যৱস্থা গ্ৰহণ কৰিব পাৰে বাজেটত।

আজি বিত্তমন্ত্ৰী নিৰ্মলা সীতাৰমণে দাখিল কৰিব সাধাৰণ বাজেট। পুৱা ১১ বজাত সংসদত দাখিল কৰিব  বাজেট।  সপ্তমবাৰৰ বাবে নিৰ্মলা সীতাৰমণে দাখিল কৰিব বাজেট। ইয়াৰোপৰি এয়া মোদী ৩.০ চৰকাৰৰ প্ৰথমখন পূৰ্ণাংগ বাজেট।

বাজেট দাখিলৰ পূৰ্বে সোমবাৰে সদনত চৰকাৰে দাখিল কৰে আৰ্থিক জৰীপ।  সেই অনুসৰি GDP ৬.৫ৰ পৰা ৭%ৰ ভিতৰত হ’ব বুলি আশা কৰা হৈছে ৷ লগতে মূল্যবৃদ্ধি ৰোধৰ ওপৰতো গুৰুত্ব আৰোপ কৰা হ’ব।