Union Budget 2024 : নতুন পেঞ্চন আঁচনিৰ বাবে অচিৰেই সমাধানৰ প্ৰতিশ্ৰুতি বিত্তমন্ত্ৰীৰ

নতুন পেঞ্চন আঁচনিৰ বিষয়সমূহৰ সমাধান আৰু বিত্তীয় দায়ৱদ্ধতা বজাই ক্ষেত্ৰত সমাঞ্জস্য ৰক্ষা কৰিবৰ বাবে এটা প্ৰস্তাৱ বিচাৰি উলিওৱা কথা ঘোষণা কৰিছে বিত্তমন্ত্ৰী নিৰ্মলা সীতাৰমণে । মনকৰিবলগীয়া যে, যোৱা বছৰ বিত্ত মন্ত্ৰালয়ে বিত্ত সচিব টি ভি সোমানাথনৰ নেতৃত্বত এখন সমিতি গঠন কৰিছিল । ইয়াৰ লগতে চৰকাৰী কৰ্মচাৰীৰ বাবে এনপিএছ ব্যৱস্থা পৰ্যালোচনা কৰি বৰ্তমানৰ কাঠামোৰ ভিত্তিত পৰিৱৰ্তনৰ পৰামৰ্শ আগবঢ়াইছিল।

আজি বিত্তমন্ত্ৰী গৰাকীয়ে সমিতিৰ অগ্ৰগতি আৰু কেন্দ্ৰীয় চৰকাৰৰ কৰ্মচাৰীৰ বাবে যুটীয়া পৰামৰ্শদাতা যন্ত্ৰৰ ৰাষ্ট্ৰীয় পৰিষদৰ গঠনমূলক পন্থাৰ ওপৰত আলোকপাত কৰে। ইয়াৰ লগতে সাধাৰণ নাগৰিকৰ দক্ষতা সৰক্ষিত কৰাৰ লগতে এই সমাধানে নাগৰিকৰ উদ্বেগক সমাধান কৰিব বুলি আশ্বাস দিয়ে বিত্তমন্ত্ৰী গৰাকীয়ে ।

উল্লেখ্য যে, দেশৰ কিছু সংখ্যক ৰাজ্যই পুৰণি পেঞ্চন আঁচনি (OPS)লৈ ঘূৰি আহিছে । ইয়াৰ জৰিয়তে ডিএ বৃদ্ধিৰ লগত সামঞ্জস্য ৰাখি অৱসৰপ্ৰাপ্ত চৰকাৰী কৰ্মচাৰীসকলে শেষবাৰৰ বাবে উলিওৱা দৰমহাৰ ৫০% মাহেকীয়া পেঞ্চন হিচাপে লাভ কৰিছে । ইফালে আন ৰাজ্যৰ চৰকাৰী কৰ্মচাৰী সকলেও অ’পিএছলৈ ঘূৰি অহাৰ বাবে দাবী জনাইছে।

মনকৰিবলগীয়া যে, বিত্তমন্ত্ৰী নিৰ্মলা সীতাৰমণে সামাজিক সুৰক্ষাৰ বৃদ্ধিৰ বাবে এন পি এছত নিয়োগকৰ্তাৰ বৰঙণিৰ কৰ্তন কৰ্মচাৰীজনৰ দৰমহাৰ ১০%ৰ পৰা ১৪%লৈ বৃদ্ধি কৰাৰ কথা ঘোষণা কৰে। ইয়াৰ উপৰিও ব্যক্তিগত খণ্ড, ৰাজহুৱা খণ্ডৰ বেংক আৰু নতুন কৰ ব্যৱস্থা বাছি লোৱা উদ্যোগৰ কৰ্মচাৰীসকলে তেওঁলোকৰ আয়ৰ পৰা তেওঁলোকৰ দৰমহাৰ ১৪% পৰ্যন্ত কৰ্তন কৰিব পাৰিব।

ইফালে,নাবালকৰ এন পি এছ একাউণ্টত অভিভাৱকসকলে অৰিহণা যোগাব বাবে ‘এন পি এছ-বাটছাল্য’ আঁচনিৰ কথাও ঘোষণা কৰে । যেতিয়া নাবালকজন প্ৰাপ্তবয়স্ক হ’ব, তেতিয়া এই আঁচনিখন নিয়মীয়া এন পি এছ একাউণ্টলৈ ৰূপান্তৰিত কৰিব পাৰিব ।

লগতে পঢ়কঃ Union Budget 2024: অভিভাৱকসকলে শিশুৰ বাবে সঞ্চয় কৰিবলৈ এন পি এছ বাটছল্য আঁচনি ঘোষণা