নতুন ৰূপত আহি আছে বন্দে ভাৰত এক্সপ্ৰেছ, শুই শুই ভ্ৰমণ কৰিব পাৰিব আপুনি
বন্দে ভাৰতৰ স্লীপাৰ ট্ৰেইন নিৰ্মাণৰ কাম আৰম্ভ হৈছে । অহা বছৰ অৰ্থাৎ ২০২৬ চনত প্ৰথমখন ৰেল নিৰ্মাণ সম্পূৰ্ণ হোৱাৰ কথা । ভাৰতীয় ৰেলৱেই ৮০খন বন্দে ভাৰত স্লীপাৰ ট্ৰেইনৰ ডিজাইন আৰু নিৰ্মাণৰ দায়িত্ব তিতাগড় ৰেল চিষ্টেম আৰু ভেলক অৰ্পণ কৰিছে ।
বন্দে ভাৰত এক্সপ্ৰেছৰ জনপ্ৰিয়তাৰ কথা দুনাই কোৱাৰ প্ৰয়োজন নাই । দেশজুৰি একাধিক ৰেলপথত অহৰহ চলি আছে বন্দে ভাৰত । এতিয়া দেশবাসীয়ে অপেক্ষা কৰি আছে বন্দে ভাৰতৰ স্লীপাৰ ট্ৰেইনৰ বাবে । আৰামত দীৰ্ঘ দূৰত্বৰ ৰে’লত যাত্ৰা কৰাৰ ক্ষেত্ৰত ৰে’ল যাত্ৰীসকলৰ বাবে অন্যতম পছন্দৰ ৰে’ল হিচাপে পৰিগণিত হ’ব বন্দে ভাৰত স্লীপাৰ ট্ৰেইন । সেই ৰেলখন নিৰ্মাণৰ প্ৰস্তুতি ইতিমধ্যে আৰম্ভ হৈছে ।
পশ্চিম বংগৰ তিতাগড় ৰেল চিষ্টেমছ লিমিটেড (টি আৰ এছ এল) আৰু ভাৰত হেভি ইলেক্ট্ৰিকেলছ লিমিটেডে বন্দে ভাৰত স্লীপাৰ ৰেল নিৰ্মাণৰ বাবে একান্তভাৱে বিশেষ উৎপাদন লাইন স্থাপন কৰিছে । শেহতীয়াকৈ হুগলীৰ উত্তৰপাৰাত এই প্ৰডাকচন লাইনটো উদ্বোধন কৰা হয় ।
দ্ৰুতবেগী বন্দে ভাৰত এক্সপ্ৰেছ
ভাৰতীয় ৰেলৱেই ৮০খন বন্দে ভাৰত স্লীপাৰ ট্ৰেইনৰ ডিজাইন আৰু নিৰ্মাণৰ দায়িত্ব তিতাগড় ৰেল চিষ্টেম আৰু ভেলক অৰ্পণ কৰিছে । তাৰ পিছত এই প্ৰডাকচন লাইনটো স্থাপন কৰা হয় ।
ইতিমধ্যে উত্তৰপাৰাত বন্দে ভাৰতৰ স্লীপাৰ ট্ৰেইন নিৰ্মাণৰ কাম আৰম্ভ হৈছে । অহা বছৰ অৰ্থাৎ ২০২৬ চনত প্ৰথমখন ৰেল নিৰ্মাণ সম্পূৰ্ণ হোৱাৰ কথা । বহুতে নাজানে যে দেশৰ এইটোৱেই একমাত্ৰ কাৰখানা য’ত এলুমিনিয়াম আৰু ষ্টেইনলেছ ষ্টীলৰ ডবা নিৰ্মাণ কৰা হয় ।
বন্দে ভাৰত এক্সপ্ৰেছ
ৰে’লৱেৰ সূত্ৰ অনুসৰি বন্দে ভাৰত স্লীপাৰ ট্ৰেইনত সকলো আধুনিক সা-সুবিধা থাকিব । নিৰাপত্তাৰ পৰা আৰম্ভ কৰি আৰামলৈকে সকলোতে গুৰুত্ব দিয়া হৈছে ।
তিতাগড় ৰেল ব্যৱস্থাৰ উপাধ্যক্ষ উমেশ চৌধুৰীয়ে কয় যে এই বন্দে ভাৰত স্লীপাৰ ট্ৰেইন আত্মনিৰ্ভৰ ভাৰতৰ এক ডাঙৰ উদাহৰণ হ’বলৈ গৈ আছে । তেওঁ কয় যে তিতাগড় ৰে’ল ব্যৱস্থাত বৰ্তমান বছৰত ৩০০টা ডবা উৎপাদন কৰাৰ ক্ষমতা আছে । এই সংখ্যা ৮৫০ লৈ বৃদ্ধি কৰা হ’ব বুলিও তেওঁ কয় ।
