মন্দিৰৰ ভিতৰত কেক কাটি জন্মদিন উদযাপন কৰিলে মহিলাই, ভাইৰেল ভিডিঅ’ক লৈ চৰ্চা…

কেক কাটি মন্দিৰৰ ভিতৰত জন্মদিন উদযাপন কৰিলে মহিলাই

সামাজিক মাধ্যমত ভাইৰেল হৈ পৰিছে এগৰাকী মহিলাৰ কেক কাটি থকা ভিডিঅ’। য’ত মন্দিৰৰ গৰ্ভগৃহত কেক কাটি জন্মদিন উদযাপন কৰা দেখা গৈছে মহিলাগৰাকীক। ভিডিঅ’টো ৩৯ ছেকেণ্ড দীঘল। য’ত এগৰাকী মহিলাই মন্দিৰৰ ভিতৰত কেক কাটি থকা দেখা গৈছে। ভিডিঅ’টো ভাইৰেল হোৱাৰ পিছত বহুলোকে আপত্তি দৰ্শাই। ইফালে, স্থানীয় সংগঠনেও এই ভিডিঅ’টোক লৈ আপত্তি কৰিছে। এই সন্দৰ্ভত কাল ভৈৰৱ মন্দিৰত উপস্থিত থকা মহন্তলৈ বিদ্বান পৰিষদৰ পৰা জাননী প্ৰেৰণ কৰাৰ প্ৰস্তুতি চলাইছে।

ভাইৰেল হোৱা ভিডিঅ’টো কাল ভৈৰৱ মন্দিৰৰ। এই ভিডিঅ’টোত মহিলাগৰাকীক মন্দিৰৰ ভিতৰত কেক কাটি থকা দেখা গৈছে।সামাজিক মাধ্যমত ভাইৰেল হৈ পৰিছে এই ভিডিঅ’টো। গৰ্ভগৃহত কেক কাটি থকা ভিডিঅ’ পোহৰলৈ অহাৰ পিছত, অসন্তুষ্টি প্ৰকাশ কৰিছে বহুলোকে। খবৰ অনুসৰি মহিলাগৰাকীয়ে শুকুৰবাৰে তেওঁৰ জন্মদিন উদযাপন কৰিবলৈ বাবা কাল ভৈৰৱ মন্দিৰ দৰ্শন কৰিছিল।

জন্মদিনৰ কেকটো মন্দিৰৰ গৰ্ভগৃহত কাটিছিল মহিলাগৰাকীয়ে । মন্দিৰত উপস্থিত হোৱাৰ পিছত মহিলাগৰাকীয়ে প্ৰথমে প্ৰাৰ্থনা কৰিছিল আৰু তাৰ পিছত কেকটো কাটিছিল। এই সময়ছোৱাত, তেওঁ এটা ভিডিঅ’ ৰেকৰ্ড কৰিছিল, যিটো আজি ছ’চিয়েল মিডিয়াত ভাইৰেল হৈ পৰিছে। আশ্চৰ্যজনকভাৱে, মন্দিৰৰ প্ৰধান পুৰোহিত আৰু দায়িত্বশীল ব্যক্তিসকলে মহিলাগৰাকীক কেক কাটিবলৈ বাধা দিয়া নাছিল। ৩৯ ছেকেণ্ডৰ ভাইৰেল ভিডিঅ’টোত মহিলাগৰাকীক কাল ভৈৰৱ মন্দিৰলৈ গৈ গৰ্ভগৃহৰ সন্মুখত কেক কটাৰ পিছত মন্দিৰৰ পৰা উভতি অহা দেখা গৈছে।

ইয়াক লৈএতিয়া অসন্তুষ্টি প্ৰকাশ কৰিছে বহুলোকে। তেওঁলোকে কয় যে কাশীৰ কোতৱালৰ সন্মুখত এনেদৰে কাম কৰাটো বৰ দুখজনক। যেতিয়া এই ঘটনাটো কাল ভৈৰৱ মন্দিৰৰ গৰ্ভগৃহৰ সন্মুখত সংঘটিত হৈছিল। সেই সময়ত মন্দিৰৰ পুৰোহিতো তাত উপস্থিত আছিল। এতিয়া এই সন্দৰ্ভত প্ৰতিক্ৰিয়া প্ৰকাশ কৰি মন্দিৰৰ মহন্তই কৈছে যে, সেই লোকসকলক কেক কাটি ভিডিঅ’ বনাবলৈ বাধা প্ৰদান কৰা হৈছিল, কিন্তু তেওঁলোকে শুনা নাছিল।

 জাননী প্ৰেৰণ কৰাৰ প্ৰস্তুতি

ইয়াৰ পাছতে স্থানীয় সংগঠনে বিষয়টো গুৰুত্বসহকাৰে লৈছে, লগতে ইয়াক শাস্ত্ৰীয় আইনৰ উলংঘন বুলি কোৱা হৈছে। সংগঠনটোৰ সাধাৰণ সম্পাদক ৰাম নাৰায়ণ দ্বিবেদীয়ে সেই সময়ত মন্দিৰত থকা মহন্তলৈ জাননী প্ৰেৰণ কৰাৰ সিদ্ধান্ত লৈছে। মন্দিৰ প্ৰশাসনে এতিয়া মন্দিৰত ভিডিঅ’ ৰেকৰ্ডিং আৰু ফটোগ্ৰাফী নিষিদ্ধ কৰা বুলি উল্লেখ কৰিছে।