ৱাকফ আইনৰ কাৰ্যকৰীকৰণত স্থগিতাদেশ! উচ্চতম ন্যায়ালয়ে দিলে অন্তৱৰ্তীকালীন ৰায়…

উচ্চতম ন্যায়ালয়

ৱাকফ আইন সন্দৰ্ভত দাখিল কৰা আবেদনৰ শুনানি আজি দ্বিতীয় দিন। অৰ্থাৎ বৃহস্পতিবাৰে উচ্চতম ন্যায়ালয়ত ৱাকফ আইন সন্দৰ্ভত শুনানি গ্ৰহণ কৰা হয়। শুনানিৰ অন্তত উচ্চতম ন্যায়ালয়ে কেন্দ্ৰীয় চৰকাৰক উত্তৰ দিবলৈ ৭ দিনৰ সময় দিয়ে। কিন্তু একে সময়তে আদালতে কৈছে যে ৱাকফৰ সম্পত্তিৰ কোনো পৰিৱৰ্তন নহ’ব। অৰ্থাৎ ৱাকফৰ মৰ্যাদা একেই থাকিব। ৫ মে’ত হ’ব এই গোচৰৰ পৰৱৰ্তী শুনানি।

চিজেআই সঞ্জীৱ খান্নাই কয় যে, চৰকাৰে ৭ দিনৰ ভিতৰত উত্তৰ দাখিল কৰিব লাগে আৰু আগন্তুক ৫ দিনৰ ভিতৰত তাৰে প্ৰত্যুত্তৰ দাখিল কৰিব লাগে। চিজেআইয়ে লগতে কয়, “পৰৱৰ্তী শুনানিৰ পৰা আদালতত মাত্ৰ ৫ জন ৰিট আবেদনকাৰীহে উপস্থিত থাকিব। আমি ইয়াত মাত্ৰ ৫ জন বিচাৰো। আন কিছুমানক হয় আবেদন হিচাপে গণ্য কৰা হ’ব নহয় নিষ্কাশন কৰা হ’ব। আমি নাম উল্লেখ নকৰো”।

চৰকাৰে কি আশ্বাস দিলে?

ইয়াৰ পূৰ্বে এছ জি তুষাৰ মেহতাই উত্তৰ দিবলৈ ৭ দিনৰ সময় বিচাৰিছিল। মেহতাই কয় যে, উত্তৰদাতা চৰকাৰে ৭ দিনৰ ভিতৰত চমু উত্তৰ দাখিল কৰাৰ মনস্থ কৰিছে আৰু পৰৱৰ্তী তাৰিখলৈকে ব’ৰ্ড আৰু পৰিষদত কোনো নিযুক্তি নহ’ব বুলি আশ্বাস দিয়ে। ইতিমধ্যে অধিসূচনা বা ৰাজপত্ৰৰ জৰিয়তে ঘোষণা কৰা ব্যৱহাৰকাৰীৰ দ্বাৰা ৱাকফকে ধৰি ৱাকফৰ স্থিতিত কোনো পৰিৱৰ্তন নহ’ব বুলিও তেওঁ আশ্বাস দিয়ে। লগতে এই আইনখনৰ বিধানসমূহ এতিয়া কাৰ্যকৰী নহ’ব বুলি আশ্বাস দিছে চৰকাৰে।

উল্লেখ্য যে মুখ্য ন্যায়াধীশ সঞ্জীৱ খান্না, ন্যায়াধীশ সঞ্জয় কুমাৰ আৰু ন্যায়াধীশ কে ভি বিশ্বনাথনৰ বিচাৰপীঠে ৭৩খন আৱেদনৰ শুনানি গ্ৰহণ কৰে। কেন্দ্ৰৰ হৈ ছলিচিটৰ জেনেৰেল তুষাৰ মেহতাই যুক্তি আগবঢ়ায়। কপিল ছিব্বাল, ৰাজীৱ ধৱন, অভিষেক সিংভি, চি ইউ সিঙে আদালতত মুছলমান সংস্থা আৰু ব্যক্তিগত আবেদনকাৰীৰ হৈ যুক্তি আগবঢ়ায়। কালি অৰ্থাৎ বুধবাৰেও এই বিষয়ে শুনানি হৈছিল। কেন্দ্ৰীয় ৱাকফ পৰিষদ আৰু ব’ৰ্ডত অমুছলমানক অন্তৰ্ভুক্ত কৰাক লৈ বিচাৰপীঠে অসন্তুষ্টি প্ৰকাশ কৰি কেন্দ্ৰক প্ৰশ্ন কৰিছিল যে হিন্দু ধৰ্মীয় ট্ৰাষ্টত মুছলমানক অন্তৰ্ভুক্ত কৰিবলৈ সাজু নেকি?

আজি (বৃহস্পতিবাৰ) আদালতত কি হ’ল?

1. আজিৰ শুনানিত এছ জি তুষাৰ মেহতাই কয়, “যদিও এয়া এক কঠোৰ পদক্ষেপ। কিছু নথি-পত্ৰৰ সৈতে প্ৰাৰম্ভিক উত্তৰ দাখিল কৰিবলৈ মোক এসপ্তাহৰ সময় দিয়ক। এইটো এনেকুৱা বিষয় নহয় যিটো এইদৰে বিবেচনা কৰিব পাৰি। চিজেআইয়ে কয় যে, “আমি কৈছিলোঁ যে আইনখনত কিছুমান ইতিবাচক কথা আছে। আমি কৈছো যে সম্পূৰ্ণ নিষেধাজ্ঞা আৰোপ কৰিব নোৱাৰি, কিন্তু আমিও নিবিচাৰো যে বৰ্তমানৰ পৰিস্থিতি সলনি হওক যাতে ইয়াৰ প্ৰভাৱ পৰে। ইছলামৰ ৫ বছৰৰ পিছৰ দৰে আমি ইয়াক নিষিদ্ধ কৰা নাই। কিন্তু কিছুমান ধাৰা আছে।
2. চিজেআইয়ে কয়, “ইয়াৰ দুটা বিকল্প আছে। আপুনি কালি কৈছিল যে পঞ্জীয়ন হ’ব। এছজিয়ে ক’লে যে প্ৰথমে তেওঁক নথি-পত্ৰ দাখিল কৰিবলৈ দিয়ক। এসপ্তাহত একো নহ’ব৷”
3. উচ্চতম ন্যায়ালয়ে কয় যে আমি সিদ্ধান্ত দিয়া নাই। এয়া হ’ব অন্তৱৰ্তীকালীন আদেশ। চিজেআইয়ে কয়, “আমি আমাৰ সন্মুখত থকা পৰিস্থিতিৰ ওপৰত ভিত্তি কৰি আগবাঢ়িছো। পৰিস্থিতি সম্পূর্ণৰূপে সলনি হোৱাটো আমি নিবিচাৰো৷ আমি আইনখন বন্ধ কৰা নাই।”
4. এছ জি তুষাৰ মেহতাই কয়, “মই সন্মান আৰু চিন্তাৰে কিবা এটা ক’ব বিচাৰিছো। এই আদালতে প্ৰত্যক্ষ বা পৰোক্ষভাৱে স্থগিতাদেশৰ কথা বিবেচনা কৰিছে, যিটো বিৰল। এছ জিয়ে কয় যে প্ৰাইমা ফেচি, কিছুমান ছেকচন ৰখা উচিত, এইটো বহু দূৰলৈ যোৱা হ’ব। চৰকাৰ আৰু সংসদে ৰাইজৰ ওচৰত উত্তৰ দিয়াটো বাধ্যতামূলক। ব্যক্তিগত সম্পত্তি আৰু গাঁও ৱাকফৰ সম্পত্তিত পৰিণত হৈছে। সেইবাবেই এই আইনখন অনা হৈছে।”

আদালতৰ নিৰ্দেশত কি ক’লে ওৱাইচিয়ে?

আদালতৰ অন্তৱৰ্তীকালীন নিৰ্দেশ সন্দৰ্ভত AIMIM ৰ মুৰব্বী ওৱাইচিয়ে কয়, “ৱাকফ ব’ৰ্ড গঠনৰ ক্ষেত্ৰত স্থগিতাদেশ আৰোপ কৰা হৈছে। মই জেপিচিৰ সদস্য আছিলোঁ। মই বিধেয়কখনৰ বিৰোধিতা কৰিছিলোঁ। আমি আইনখনৰ বিৰোধী। এয়া আমাৰ অধিকাৰৰ ওপৰত আক্ৰমণ। এয়া সংবিধানৰ বিৰুদ্ধে। আমি ভৱিষ্যতেও ইয়াৰ বিৰোধিতা কৰি যাম।”