প্ৰধানমন্ত্ৰী মোদী বিশ্বৰ আটাইতকৈ সন্মানীয় আৰু প্ৰভাৱশালী নেতা: WITTৰ মঞ্চত এই মন্তব্য TV9ৰ CEO-MD বৰুণ দাসৰ
WITT: আজি টিভি9 নেটৱৰ্কৰ 'হোৱাট ইণ্ডিয়া থিংকছ টুডে'ৰ মহামঞ্চত অংশগ্ৰহণ কৰে প্ৰধানমন্ত্ৰী নৰেন্দ্ৰ মোদীয়ে। প্ৰধানমন্ত্ৰীৰ উপস্থিতিত টিভি9 নেটৱৰ্কৰ মুখ্য কাৰ্যবাহী বিষয়া বৰুণ দাসে তেওঁৰ মতামত দাঙি ধৰে। বৰুণ দাসে নৰেন্দ্ৰ মোদী আৰু মাই হোম গ্ৰুপৰ অধ্যক্ষ ড০ ৰামেশ্বৰ ৰাওক সম্ভাষণ জনাই ভাষণৰ আৰম্ভণি কৰে। ইয়াৰ উপৰিও বৰুণে ভাৰত আৰু বিশ্বৰ সকলো বিশেষ অতিথি আৰু যুৱক-যুৱতীক আদৰণি জনায়।
আজিৰে পৰা দিল্লীত আৰম্ভ হৈছে টিভি9 নেটৱৰ্কৰ মেগা ইভেণ্ট ‘হোৱাট ইণ্ডিয়া থিংকছ টুডে’ৰ তৃতীয় সংস্কৰণ। দুদিনীয়া কাৰ্যসূচীৰে দিল্লীৰ ভাৰত মণ্ডপামত অনুষ্ঠিত হৈছে বিশেষ অনুষ্ঠান। প্ৰধানমন্ত্ৰী নৰেন্দ্ৰ মোদীৰ উপস্থিতিত এই মহান মঞ্চ উদ্বোধন কৰা হয়। প্ৰধানমন্ত্ৰী মোডীৰ উষ্ম আদৰণিৰ অন্তত টিভি9 নেটৱৰ্কৰ চিইঅ’ তথা এমডি বৰুণ দাসে তেওঁৰ মতামত দাঙি ধৰে। বৰুণ দাসে প্ৰধানমন্ত্ৰী নৰেন্দ্ৰ মোদী আৰু মাই হোম গ্ৰুপৰ অধ্যক্ষ ড০ ৰামেশ্বৰ ৰাওক সম্ভাষণ জনাই ভাষণৰ আৰম্ভণি কৰে। তদুপৰি এই অনুষ্ঠানত অংশগ্ৰহণ কৰা ভাৰত-বিদেশৰ সকলো বিশেষ অতিথি আৰু যুৱক-যুৱতীকো তেওঁ আদৰণি জনায়।
টিভি৯ নেটৱৰ্কৰ চিইঅ’ তথা এমডি বৰুণ দাসে কয়, “টিভি9ৰ তৃতীয় ‘হোৱাট ইণ্ডিয়া থিংকছ টুডে’ শীৰ্ষ সন্মিলনত আপোনালোক সকলোকে আদৰণি জনোৱাতো মোৰ বাবে এক সন্মান। আমি সকলোৱে জনা মতে মোদীজীৰ দৃষ্টিভংগীৰ মূল মন্ত্ৰ হ’ল – ‘ইণ্ডিয়া ফাৰ্ষ্ট’। ‘বিকশিত ভাৰত ২০৪৭’ৰ লক্ষ্যত উপনীত হ’বলৈ প্ৰধানমন্ত্ৰী মোদীয়ে ভাৰতৰ যুৱক-যুৱতী, ভাৰতৰ মহিলা শক্তি আৰু প্ৰবাসী ভাৰতীয়সকলকে ধৰি তিনিটা বৃহৎ শিতানৰ প্ৰতি বিশেষ মনোযোগ দিছে।”
প্ৰবাসী ভাৰতীয়ৰ ওপৰত টিভি9ৰ গুৰুত্ব
বিকাশিত ভাৰত ২০৪৭ৰ সংকল্প সোঁৱৰাই বৰুণ দাসে কয়, “মই সদায় বিশ্বাস কৰোঁ যে মহিলাৰ সৱলীকৰণ আৰু তেওঁলোকৰ নেতৃত্বই সমাজৰ প্ৰগতিৰ ভেটি হ’ব লাগে। সেয়েহে আজি আমি বাকী থকা দুটা শিতান – যুৱক-যুৱতী আৰু প্ৰবাসী ভাৰতীয়ৰ ওপৰত গুৰুত্ব দিছো। প্ৰবাসী ভাৰতীয়ৰ কথা কওঁতে টিভি৯ নেটৱৰ্কে যোৱা বছৰ জাৰ্মানীৰ ষ্টুটগাৰ্টত ‘নিউজ9 গ্ল’বেল ছামিট’ৰ আয়োজন কৰি এই দিশত এখোজ আগুৱাই লৈ গৈছিল। চলিত বছৰত এই অনুষ্ঠানটো আৰু ডাঙৰ হৈ আহিছে।”
টিভি9ৰ আন্তঃৰাষ্ট্ৰীয় সম্প্ৰসাৰণ
টিভি9 নেটৱৰ্কৰ চিইঅ’ তথা এমডি বৰুণ দাসে কয় যে, এইবাৰ তেওঁৰ এজেণ্ডাত আৰু দুখন দেশ, ইউএই আৰু আমেৰিকা, য’ত গ্ল’বেল ছামিটৰ আয়োজন কৰা হ’ব। বৰুণ দাসে কয়, “আমাৰ অধ্যক্ষ ড° ৰামেশ্বৰ ৰাওৰ নিৰ্দেশনাত টিভি9ৰ আন্তঃৰাষ্ট্ৰীয় পৰ্যায়ত সম্প্ৰসাৰণ ঘটিছে। আজি আমাৰ মঞ্চৰ জৰিয়তে প্ৰধানমন্ত্ৰী মোদীৰ ঐতিহাসিক ভাষণ লণ্ডন, আবুধাবি, পেৰিছ, মিউনিখ আৰু মেলবৰ্ণত লাইভ উপভোগ কৰিছে।”
ভাৰতৰ যুৱক-যুৱতীক লৈ বৰুণ দাসে কয়, “মই দেখিছোঁ যে প্ৰধানমন্ত্ৰীয়ে যেতিয়াই যুৱক-যুৱতীসকলৰ সৈতে কথা পাতে তেতিয়াই এক সুকীয়া শক্তিৰ সৃষ্টি হয়। এই কথা দেখি মই সদায় অনুভৱ কৰো যে মোদীজীক যুৱক-যুৱতীয়ে বেছি ভাল পায় নে মোদীজীয়ে যুৱক-যুৱতীসকলৰ প্ৰতি অধিক আকৰ্ষিত? আজি আপোনালোক সকলোৱে নিজেই এই অনন্য সম্পৰ্ক অনুভৱ কৰিলে। ‘ইণ্ডিয়া ফাৰ্ষ্ট’ বুলি ক’লে ইয়াৰ অৰ্থ ‘কেৱল ভাৰত’ নহয়।”
টিভি9 নেটৱৰ্কৰ চিইঅ’ তথা এমডি বৰুণ দাসে শেহতীয়াকৈ প্ৰধানমন্ত্ৰী মোদীয়ে লেক্স ফ্ৰাইডমেনৰ সৈতে হোৱা সাক্ষাৎকাৰৰ কথা উল্লেখ কৰে। তেওঁ কয়, “সেই সাক্ষাৎকাৰটো গভীৰতা আৰু বিষয়ৰ বৈচিত্ৰ্যৰ ক্ষেত্ৰত অতিকৈ সুন্দৰ আছিল যদিও মোৰ বাবে ই আছিল জীৱন আৰু নেতৃত্বৰ এক মাষ্টাৰ ক্লাছ। মোদীজীৰ কথা শুনি থাকোঁতে মোৰ মনত পৰিল স্বামী বিবেকানন্দৰ কথা, যিয়ে বিশ্বৰ সৈতে ইমান স্পষ্ট আৰু সংবেদনাৰ সৈতে যোগাযোগ কৰিছিল।”
মহান ব্যক্তিত্বৰ মাজত ৩ টা ডাঙৰ কথা
ইয়াৰ উপৰিও তেওঁৰ ভাষণত টিভি9 নেটৱৰ্কৰ চিইঅ’ তথা এমডি বৰুণ দাসে কয়, ” এই তিনিটা কথা বিশ্বৰ মহান ব্যক্তিত্বৰ বাবে গুৰুত্বপূৰ্ণ। প্ৰথম-তেওঁলোকৰ অনন্য চিন্তাধাৰা, যিয়ে তেওঁলোকক বৰ্তমান আৰু অতীত বিশ্লেষণ কৰি ভৱিষ্যতৰ আগজাননী দিবলৈ সহায় কৰে। দ্বিতীয়- তেওঁ অন্তৰৰ পৰা কথা কয়, আৰু তেওঁৰ কণ্ঠৰ ইমানেই প্ৰভাৱ পৰে যে তেওঁৰ কথাই সমগ্ৰ বিশ্বৰ মাজলৈ যায়। তৃতীয়- তেওঁলোকে নিজৰ কামত এটা ডাঙৰ উদ্দেশ্য ৰাখে আৰু সেয়াই সমগ্ৰ বিশ্বৰ কল্যাণ।” বৰুণ দাসে কয় যে, প্ৰধানমন্ত্ৰীৰ কথা শুনিলে বিশ্বজনীন সমৃদ্ধি আৰু সকলোৰে বাবে উন্নয়নৰ চিন্তা তেওঁৰ কথাত বাৰে বাৰে দেখা যায়।
বৰুণ দাসে লগতে কয়, “আজি সমগ্ৰ বিশ্বই ভাৰতক ‘বিশ্ববন্ধু’ অৰ্থাৎ ‘গ্ল’বেল ফ্ৰেণ্ড’ হিচাপে চাইছে আৰু প্ৰধানমন্ত্ৰী নৰেন্দ্ৰ মোদী যে আজি বিশ্বৰ আটাইতকৈ প্ৰভাৱশালী আৰু সন্মানীয় ৰাজনীতিবিদ, তাত কোনো সন্দেহ নাই। নেপোলিয়ন বোনাপাৰ্টে কৈছিল, ‘এজন ৰাজনীতিবিদৰ হৃদয় তেওঁৰ মগজুত থাকিব লাগে’। প্ৰধানমন্ত্ৰীয়ে এই কথা প্ৰমাণ কৰিছে আৰু সমগ্ৰ বিশ্বই আপোনাৰ নেতৃত্বক অতি মনোযোগেৰে চাই আছে। আজি এই সন্মিলনলৈ আহি আপুনি ইয়াক গৌৰৱান্বিত কৰি তোলাৰ বাবে আমি কৃতজ্ঞ।”
লগতে পঢ়ক: WITT: মানৱতাক সৰ্বোচ্চ অগ্ৰাধিকাৰ দিছে ভাৰতে: টিভি9ৰ মঞ্চত প্ৰধানমন্ত্ৰী মোদীৰ ভাষণ
