TV9 নেটৱৰ্কৰ WITT মহামঞ্চৰ আয়োজন, উপস্থিত থাকিব প্ৰধানমন্ত্ৰী মোদীকে ধৰি অসমৰ মুখ্যমন্ত্ৰী হিমন্ত বিশ্ব শৰ্মা

দেশৰ সৰ্ববৃহৎ সংবাদ নেটৱৰ্ক টিভি ৯ য়ে পুনৰবাৰ আয়োজন কৰিবলৈ ওলাইছে “ৱাট ইণ্ডিয়া থিংকছ টুডে” (What India Thinks Today Global Summit 2025)ৰ তৃতীয় সংস্কৰণ।  পুনৰবাৰ দেশৰ ৰাজধানী দিল্লীত অনুষ্ঠিত হ’ব এই মহামন্থৰৰ। প্ৰধানমন্ত্ৰী নৰেন্দ্ৰ মোদীকে ধৰি দেশ আৰু বিশ্বৰ বহু বিশিষ্ট ব্যক্তিয়ে শোভা বঢ়াব এই দুদিনীয়া কাৰ্যসূচীৰ। ধৰ্মীয় গুৰু ধীৰেন্দ্ৰ শাস্ত্ৰী আৰু আৰ এছ এছৰ প্ৰচাৰ মুৰব্বী সুনীল আম্বেকাৰেও তেওঁলোকৰ মতামত দাঙি ধৰিব।

দিল্লীৰ বিখ্যাত ভাৰত মণ্ডপামত আয়োজন কৰা হ’ব What India Thinks Today 2025 ৰ এই মহামঞ্চ। এই অনুষ্ঠান ২৮ আৰু ২৯ মাৰ্চত অনুষ্ঠিত হ’ব। ৰাষ্ট্ৰীয় আৰু বিশ্ব ৰাজনীতিৰ বাহিৰেওWhat India Thinks Todayৰ মঞ্চত মনোৰঞ্জন, অৰ্থনীতি, স্বাস্থ্য, সংস্কৃতি আৰু ক্ৰীড়া আদি বহু গুৰুত্বপূৰ্ণ বিষয়ৰ ওপৰত আলোচনা হ’ব।

ভাৰত মণ্ডপৰ ১ নং অডিটৰিয়ামত ৰাষ্ট্ৰীয় কাৰ্যসূচী অনুষ্ঠিত হোৱাৰ বিপৰীতে শীৰ্ষ সন্মিলন কক্ষত নিউজ নাইন গ্ল’বেল ছামিট ব্যৱসায় আৰু অৰ্থনীতিৰ বিষয়ে আলোচনা কৰা হ’ব। ৰাষ্ট্ৰীয় কাৰ্যসূচীৰ অধীনত প্ৰি লাঞ্চ ছেচনত ৫খন অধিৱেশন অনুষ্ঠিত হোৱাৰ বিপৰীতে পোষ্ট লাঞ্চ ছেচনত ৮ খন অধিৱেশন ৰখা হৈছে। নিউজ নাইন গ্ল’বেল ছামিট বিজনেছ এণ্ড ইকনমিৰ অধীনত গ্ল’বেল চেলিব্ৰিটিসকলে প্লেটফৰ্মত ১০ খন অধিৱেশনৰ জৰিয়তে নিজৰ মতামত প্ৰকাশ কৰিব।

এই অনুষ্ঠানত প্ৰধানমন্ত্ৰী নৰেন্দ্ৰ মোদীৰ উপৰি ১১ জন কেন্দ্ৰীয় মন্ত্ৰীয়েও অংশগ্ৰহণ কৰিব।কেন্দ্ৰীয় প্ৰতি ৰক্ষা মন্ত্ৰী ৰাজনাথ সিং, কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰী, গ্ৰামোন্নয়ন, কৃষি আৰু কৃষক কল্যাণ মন্ত্ৰী শিৱৰাজ সিং চৌহান, কেন্দ্ৰীয় বাণিজ্য মন্ত্ৰী পীয়ুষ গোৱাল, শিক্ষা মন্ত্ৰী ধৰ্মেন্দ্ৰ প্ৰধান, কেন্দ্ৰীয় ৰেলৱে মন্ত্ৰী অশ্বিনী বৈষ্ণৱ আৰু কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰী অনুপ্ৰিয়া পেটেলেও অংশগ্ৰহণ কৰিব। যোৱা বছৰো প্ৰধানমন্ত্ৰী মোদী ‘What India Thinks Today’ৰ অংশ হৈছিল। WITT ৰ গ্ল’বেল ছামিটত প্ৰধানমন্ত্ৰী মোদীয়ে নিজৰ মতামত দাঙি ধৰিছিল।

ইয়াৰ উপৰিও ৫ খন ৰাজ্যৰ মুখ্যমন্ত্ৰীয়েও মঞ্চত নিজৰ মতামত দাঙি ধৰিব। মধ্যপ্ৰদেশৰ মুখ্যমন্ত্ৰী মোহন যাদৱ, দিল্লীৰ মুখ্যমন্ত্ৰী ৰেখা গুপ্তা, পঞ্জাৱৰ মুখ্যমন্ত্ৰী ভগৱন্ত মান, অসমৰ মুখ্যমন্ত্ৰী হিমন্ত বিশ্ব শৰ্মা আৰু উত্তৰাখণ্ডৰ মুখ্যমন্ত্ৰী পুষ্কৰ সিং ধামীয়ে নিজৰ নিজৰ ৰাজ্যৰ ভৱিষ্যতৰ ৰোডমেপ সম্পৰ্কে টিভি৯ নেটৱৰ্কৰ মঞ্চত তথ্য প্ৰদান কৰিব।

লগতে টিভি৯ৰ এই মঞ্চত উত্তৰ প্ৰদেশৰ প্ৰাক্তন মুখ্যমন্ত্ৰী তথা সমাজবাদী পাৰ্টিৰ নেতা অখিলেশ যাদৱ, কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খৰ্গে, বিহাৰৰ প্ৰাক্তন উপ-মুখ্যমন্ত্ৰী তেজস্বী যাদৱ আৰু কংগ্ৰেছৰ সাংসদ কেচি ভেনুগোপালে কেন্দ্ৰীয় চৰকাৰৰ নীতি আৰু দেশৰ সাম্প্ৰতিক পৰিস্থিতিৰ ওপৰত নিজৰ মতামত ব্যক্ত কৰিব।

ৱাট ইণ্ডিয়া থিংকছ টুডে ২০২৫ সন্দৰ্ভত টিভি৯ নেটৱৰ্কৰ এমডি তথা চিইঅ’ বৰুণ দাসে কয় যে, ‘ভাৰত সদায় নতুন বিশ্বব্যৱস্থাৰ দিশত আগবাঢ়ি আহিছে, য’ত যুদ্ধৰ বিকল্প নাই বা বিশ্বৰ গ্ৰাহকৰ বাবে বাধাৰ সৃষ্টি কৰা কোনো অৰ্থনৈতিক জাতীয়তাবাদ নাই।’ তেওঁ কয়, ‘দেশক প্ৰথম স্থানত ৰখাৰ ভাৰতৰ আহ্বানে বিশ্বজুৰি প্ৰতিধ্বনিত্ব হৈছে। প্ৰধানমন্ত্ৰী নৰেন্দ্ৰ মোদীৰ নেতৃত্বত ভাৰতে নিজৰ সভ্যতাৰ ঐতিহ্য ব্যৱহাৰ কৰি বিশ্বৰ স্থিতিশীলতাৰ ক্ষেত্ৰত নিৰ্ণায়ক ভূমিকা গ্ৰহণ কৰিব বিচাৰে।

তেওঁ আৰু কয়, ‘অহা দশকটো ভাৰতৰ বাবে অতি গুৰুত্বপূৰ্ণ হ’ব কাৰণ আমি ঘৰুৱা প্ৰত্যাহ্বান আৰু বিশ্বব্যাপী সুযোগসমূহৰ সৈতে মোকাবিলা কৰাৰ লগতে ২০৪৭ চনৰ ভিতৰত এখন বিকশিত ৰাষ্ট্ৰ হোৱাৰ আমাৰ লক্ষ্যক বাস্তৱায়িত কৰাৰ লগতে এই উপাদানসমূহৰ মাজত ভাৰসাম্য ৰক্ষা কৰিবলৈ চেষ্টা কৰিম।’

এই অনুষ্ঠানত UNGAৰ প্ৰাক্তন সভাপতি আব্দুল্লা শ্বাহিদ, ইজৰাইলৰ ৰাষ্ট্ৰদূত ৰিউভেন আজাৰ আৰু ৰাষ্ট্ৰসংঘৰ ভাৰতৰ আৱাসী সমন্বয়ক শ্বোম্বি শ্বাৰ্প উপস্থিত থাকিব। লগতে বিশ্বৰ ব্যৱসায় জগতৰ বহু ডাঙৰ ব্যক্তিয়েও অংশগ্ৰহণ কৰিব।

ভেণ্ডাটা কোম্পানীৰ প্ৰতিষ্ঠাপক তথা মুখ্য কাৰ্যবাহী বিষয়া অনিল আগৰৱালৰ লগতে ভাৰত চৰকাৰৰ মুখ্য অৰ্থনৈতিক উপদেষ্টা ভি অনন্ত নাগেশ্বৰন, নাছকমৰ অধ্যক্ষ ৰাজেশ নাম্বিয়াৰ, কোটক মহিন্দ্ৰা এচেট মেনেজমেণ্ট কোম্পানীৰ এম ডি নীলেশ শ্বাহ আৰু মেদান্তৰ এম ডি আৰু অধ্যক্ষ ড০ নৰেশ ট্ৰেহানেও দেশৰ উন্নয়নৰ পথত নিজৰ মতামত দাঙি ধৰিব। ৰাষ্ট্ৰীয় স্বয়ংসেৱক সংঘৰ সুনীল আম্বেকাৰেও মঞ্চ শোভা বঢ়াব আৰু ধৰ্মীয় গুৰু ধীৰেন্দ্ৰ শাস্ত্ৰীয়েও ধৰ্ম আৰু আধ্যাত্মিকতাৰ ওপৰত নিজৰ মতামত দাঙি ধৰিব। অভিনেতা অমিত সাধ আৰু জিম সৰভেও তেওঁলোকৰ উপস্থিতি চিহ্নিত কৰিব।