দিনে-নিশাই গালি শুনা EDএ উদ্ধাৰ কৰিছে ২২ হেজাৰ কোটি টকাঃ WITTৰ মঞ্চত ক’লে প্ৰধানমন্ত্ৰীয়ে
নিজ ভাষণত প্ৰধানমন্ত্ৰী মোদীয়ে দিনে নিশাই দুৰ্ব্যৱহাৰৰ সন্মুখীন হোৱা কেন্দ্ৰীয় সংস্থাটোৱে এতিয়ালৈকে ২২ হাজাৰ কোটি টকা উদ্ধাৰ কৰি দেশৰ জনসাধাৰণক অধিকাৰ ঘূৰাই দিয়া বুলি মন্তব্য কৰিছে। প্ৰধানমন্ত্ৰী মোদীয়ে তেওঁৰ চৰকাৰে বিগত ১০ বছৰত বহু গুৰুত্বপূৰ্ণ সংস্কাৰ সাধন কৰিছে বুলি উল্লেখ কৰি এনে পদক্ষেপসমূহৰ বাবে দেশ প্ৰতিটো ক্ষেত্ৰতে আগবাঢ়িছে বুলিও মন্তব্য কৰে।
টিভি ৯ নেটৱৰ্কৰ উদ্যোগত আজিৰ পৰা আৰম্ভ হৈছে ‘What India Thinks Today’ শীৰ্ষক সন্মিলন। প্ৰধানমন্ত্ৰী নৰেন্দ্ৰ মোদীয়ে আজি এই সন্মিলনত অংশগ্ৰহণ কৰি নিজ ভাষণত দেশৰ অগ্ৰগতি, দুৰ্নীতিৰ বিৰুদ্ধে গ্ৰহণ কৰা পদক্ষেপ আৰু চৰকাৰৰ নীতিৰ বিষয়ে বিতং বাখ্যা আগবঢ়ায়। ভাষণত তেওঁ শেহতীয়া সময়ছোৱাত প্ৰায়ে সংবাদ শিৰোনাম দখল কৰা কেন্দ্ৰীয় সংস্থা এনফ’ৰ্চমেণ্ট ডাইৰেক্টৰেট, চমুকৈ ইডিৰ প্ৰসঙ্গও উল্লেখ কৰে। কেন্দ্ৰীয় সংস্থাটোৰ কাম-কাজৰ কথা উল্লেখ কৰি প্ৰধানমন্ত্ৰী মোদীয়ে শেহতীয়া সময়ছোৱাত ইডিয়ে লাভ কৰা সফলতাৰ তথ্য দাঙি ধৰে।
নিজ ভাষণত প্ৰধানমন্ত্ৰী মোদীয়ে দিনে নিশাই দুৰ্ব্যৱহাৰৰ সন্মুখীন হোৱা কেন্দ্ৰীয় সংস্থাটোৱে এতিয়ালৈকে ২২ হাজাৰ কোটি টকা উদ্ধাৰ কৰি দেশৰ জনসাধাৰণক অধিকাৰ ঘূৰাই দিয়া বুলি মন্তব্য কৰিছে। প্ৰধানমন্ত্ৰী মোদীয়ে তেওঁৰ চৰকাৰে বিগত ১০ বছৰত বহু গুৰুত্বপূৰ্ণ সংস্কাৰ সাধন কৰিছে বুলি উল্লেখ কৰি এনে পদক্ষেপসমূহৰ বাবে দেশ প্ৰতিটো ক্ষেত্ৰতে আগবাঢ়িছে বুলিও মন্তব্য কৰে।
প্ৰধানমন্ত্ৰী মোদীয়ে ভাষণত কয় যে তেওঁৰ চৰকাৰ জনসাধাৰণৰ ধন সুৰক্ষাৰ বাবে সম্পূৰ্ণ দায়বদ্ধ। ইডিৰ প্ৰচেষ্টাত এই পৰ্যন্ত ২২ হাজাৰ কোটি টকা উদ্ধাৰ হোৱা বুলিও তেওঁ সদৰী কৰে আৰু এই ধন পূৰ্বে দুৰ্নীতি-কেলেংকাৰীৰ জৰিয়তে জনসাধাৰণৰ পৰা কাঢ়ি লোৱা হৈছিল বুলি মন্তব্য কৰে। প্ৰধানমন্ত্ৰী মোদীয়ে লগতে কয় যে তেওঁৰ চৰকাৰে এই পৰ্যন্ত কোটি কোটি টকাৰ দুৰ্নীতিগ্ৰস্ত আৰু অবৈধ সম্পত্তি জব্দ কৰাসকলৰ বিৰুদ্ধে কঠোৰ ব্যৱস্থা গ্ৰহণ কৰিছে বুলিও দোহাৰে।
এই বিষয়ত বিৰোধীক লক্ষ্য কৰি প্ৰধানমন্ত্ৰীগৰাকীয়ে লগতে পূৰ্বে জনসাধাৰণক লুণ্ঠন কৰা সকলে এতিয়া সেই ধন ঘূৰাই দিব লগা হৈছে বুলি মন্তব্য কৰে। দুৰ্নীতিৰ বিৰুদ্ধে চৰকাৰৰ দমন অভিযান অব্যাহত আছে বুলি স্পষ্ট কৰি প্ৰধানমন্ত্ৰী মোদীয়ে লগতে তেওঁৰ চৰকাৰে দুৰ্নীতি শিপাৰ পৰা নিৰ্মূল কৰিবলৈ সম্পূৰ্ণ প্ৰতিশ্ৰুতিবদ্ধ বুলি দোহাৰে। পূৰ্বৰ চৰকাৰসমূহত দুৰ্নীতি সাধাৰণ আছিল যদিও এতিয়া কোনো আইনৰ ওপৰত নাই বুলি মোদীয়ে লগতে কয়।
WITTৰ মঞ্চত প্ৰধানমন্ত্ৰী মোদীয়েলগতে ইডি আৰু অন্যান্য তদন্তকাৰী সংস্থাসমূহে সম্পূৰ্ণ নিৰপেক্ষতাৰে কাম কৰি আছে বুলি স্পষ্ট কৰি দিয়ে আৰু দুৰ্নীতিগ্ৰস্তসকলে তেওঁলোকৰ অন্যায়ৰ শাস্তি লাভ কৰিছে বুলি দোহাৰে। অনাগত সময়তো চৰকাৰে একে কঠোৰতাৰে স্বচ্ছতা আৰু উন্নয়নক অগ্ৰাধিকাৰ দি যাব বুলি প্ৰধানমন্ত্ৰীগৰাকীয়ে লগতে প্ৰতিশ্ৰুতি দিয়ে।
ইফালে টিভি৯ নেটৱৰ্কৰ এই হোৱাট ইণ্ডিয়া থিংকছ টুডে শীৰ্ষ সন্মিলনক প্ৰশংসা কৰি প্ৰধানমন্ত্ৰী মোদীয়ে এই অনুষ্ঠানক এক গুৰুত্বপূৰ্ণ মঞ্চ আখ্যা দিয়ে। তেওঁ লগতে এই নেটৱৰ্কে ভাৰতৰ আঞ্চলিক দৰ্শকক সংযোগ কৰাই নহয়, এতিয়া বিশ্বজুৰিও সম্প্ৰসাৰিত হৈছে বুলি মন্তব্য কৰে আৰু টিভি৯ পৰিয়াল আৰু দৰ্শকক এই অনুষ্ঠানৰ বাবে শুভকামনা জনায়।
