স্বামীয়ে ১০ লাখ টকাত বিক্ৰী কৰিলে কিডনী, টকা লৈ প্ৰেমিকৰ সৈতে পলাল পত্নী! এই ঘটনাই আচৰিত কৰিব আপোনাক …

এইখন দেশতে সংঘটিত হৈছে এটা আচৰিত ঘটনা। য’ত এগৰাকী মহিলাই তেওঁৰ স্বামীক কিডনী বিক্ৰী কৰিবলৈ বাধ্য কৰিছিল। পত্নীৰ কথামতে স্বামী যেতিয়া ১০ লাখ টকাত তেওঁৰ কিডনী বিক্ৰী কৰে।  কিডনী বিক্ৰী কৰি পোৱা টকাখিনি মহিলাগৰাকীয়ে নিজৰ লগত ৰাখিছিল।  দাবী কৰিছিল যে এই টকা তেওঁলোকৰ কন্যাৰ শিক্ষাৰ বাবে ব্যৱহাৰ কৰা হ’ব। তাৰ পিছত হঠাতে এদিন নিশা মহিলাগৰাকী নিৰুদ্দেশ হয়। খবৰ পোৱা গৈছিল যে মহিলাগৰাকী তেওঁৰ প্ৰেমিকৰ সৈতে পলাই গৈছিল। তাৰ পাছত অসহায় স্বামীয়ে মহিলাগৰাকীৰ বিৰুদ্ধে আৰক্ষী থানাত গোচৰ ৰুজু কৰে।

ঘটনাটো পশ্চিমবংগৰ হাওৰা জিলাৰ চানক্ৰেইলৰ। তাত পত্নী আৰু এগৰাকী ১০ বছৰীয়া কন্যাৰ সৈতে এজন চিত্ৰশিল্পী বাস কৰি আছিল। তেওঁৰ উপাৰ্জন কন্যাৰ শিক্ষাৰ খৰচ পূৰণ কৰিবলৈ পৰ্যাপ্ত নাছিল। সেয়েহে, পত্নীয়ে তেওঁৰ স্বামীক কিডনী বিক্ৰী কৰিবলৈ কৈছিল। যিয়ে তেওঁলোকৰ বিত্তীয় সমস্যা সমাধান কৰিব। স্বামীয়ে উত্তৰ দিছিল যে যদিও এই মুহূৰ্তত তেওঁলোকৰ উপাৰ্জন পৰ্যাপ্ত নহয়, পিছত সকলো ঠিক হৈ যাব।

কিন্তু পত্নীয়ে তেওঁক এটা কিডনী বিক্ৰী কৰিবলৈ নিৰন্তৰভাৱে হেঁচা দি আছিল। মহিলাগৰাকীয়ে স্বামী কৈছিল, “আপুনি এটা কিডনীৰে চলিব পাৰিব। কিন্তু যদি আমাৰ ছোৱালীৰ ভৱিষ্যত ধনৰ বাবে আপোচ কৰা হয়, ই আপোনাৰ দোষ হ’ব। আমাৰ ছোৱালীৰ ভৱিষ্যত নষ্ট কৰাৰ বাবে আপুনি দায়বদ্ধ হ’ব।”  স্বামীয়ে নাজানিছিল যে তেওঁৰ পত্নীৰ প্ৰকৃত উদ্দেশ্য কি আছিল। অৱশেষত তেওঁলোকৰ কন্যাৰ ভৱিষ্যতৰ কথা চিন্তা কৰি, তেওঁ এটা কিডনী বিক্ৰী কৰিবলৈ সন্মত হৈছিল।

তেওঁ এমাহ ধৰি বাবে এজন কিডনী ক্ৰেতাৰ সন্ধান কৰি আছিল। এমাহৰ পিছত, তেওঁৰ কিডনী এটা ১০ লাখ টকাত বিক্ৰী কৰা হয়। তেওঁলোক দুয়ো ক্ৰেতাৰ ওচৰলৈ গৈ টকাখিনি আনিছিল। তাৰ পিছত, পত্নীয়ে ক’লে, “মোক এই টকাখিনি দিয়ক। মই ৰাতিপুৱা প্ৰথমে বেংকত এই ধন জমা কৰিম।” স্বামী এই কথাত সন্মত হ’ল। তেওঁ টকাখিনি পত্নীক দিলে। কিন্তু পত্নীয়ে নিশা টকাখিনি লৈ ঘৰৰ পৰা পলাই যায়। কেইদিনমান পিছত শুকুৰবাৰে, যেতিয়া স্বামীয়ে গম পালে যে তেওঁৰ পত্নী বাৰেকপুৰৰ সুভাষ কলনীত ৰবিদাস নামৰ এজন ব্যক্তিৰ সৈতে বাস কৰি আছে, তেওঁ পৰিয়ালৰ সৈতে তালৈ গৈছিল।

কিন্তু মহিলাগৰাকীয়ে দুৱাৰখন খোলা নাছিল। মহিলাগৰাকীয়ে কয়, যি মন যায় কৰক। মই বিবাহ বিচ্ছেদৰ কাগজ পঠাই দিম। আনকি ১০ বছৰীয়া ছোৱালীজনীৰ প্ৰতিও তেওঁৰ দয়া উপজা নাছিল। এতিয়া চিত্ৰশিল্পীজনে ৰবিদাস আৰু তেওঁৰ পত্নীৰ বিৰুদ্ধে গোচৰ ৰুজু কৰিছে। এই ক্ষেত্ৰত পৰৱৰ্তী সময়ত কি হ’ব আৰক্ষীৰ তদন্তৰ অন্ততহে জানিব পৰা যাব।