ভয়ংকৰ দৃশ্য! চলন্ত ট্ৰেইনৰ খিৰিকীত উলমি ৰৈছে এজন যুৱক
ভিডিঅ'টোত দেখা গৈছে, এখন হাতেৰে ট্ৰেইনৰ চীটত পৰি থকা খাদ্য বস্তুও তুলি খাইছে যুৱকজনে । ট্ৰেইনৰ দবাটোত যাত্ৰা কৰা বহুতেই যুৱকজনৰ এই কাণ্ডৰ ভিডিঅ' কৰে । আশ্বৰ্যজনক কথা যে কোনেও চেইন টানি ট্ৰেইনখন ৰখাই যুৱকজনক সহায়ৰ চেষ্টা কৰা দেখা নগ'ল ।
চলন্ত ট্ৰেইনৰ খিৰিকীত উলমি ৰৈছে এজন যুৱক
সামাজিক মাধ্যমত ভাইৰেল হোৱা এক ভিডিঅ’ । যিটো ভিডিঅ’ই আচৰিত কৰি তুলিব আপোনাক । এখন চলন্ত ট্ৰেইনৰ খিৰিকীত উলমি ৰৈছে এজন যুৱক । কিয় এইদৰে চলন্ত ট্ৰেইনৰ খিৰিকীত ওলমি যাত্ৰা কৰিছে যুৱকজনে ?
যিজন ব্যক্তিয়ে এই ভিডিঅ’ সামাজিক মাধ্যমত আপলোড কৰিছিল তেওঁ দাবীকৰা মতে যুৱকজন চোৰ । বিপৰীত দিশৰ পৰা অহা এখন ট্ৰেইনৰ পৰা জপিয়াই এই ট্ৰেইনখনৰ খিৰিকীত ওলমি ৰৈছে যুৱকজন । ভিডিঅ’ত উল্লেখ কৰা মতে প্ৰায় এঘন্টা সময় ধৰি এইদৰেই ট্ৰেইনৰ খিৰিকীত ওলমি যাত্ৰা কৰে যুৱকজনে । এজন ব্যক্তিয়ে উল্লেখ কৰা মতে, যুৱকজন কানপুৰৰ বাসিন্দা ।
ভিডিঅ’টোত দেখা গৈছে, এখন হাতেৰে ট্ৰেইনৰ চীটত পৰি থকা খাদ্য বস্তুও তুলি খাইছে যুৱকজনে । ট্ৰেইনৰ দবাটোত যাত্ৰা কৰা বহুতেই যুৱকজনৰ এই কাণ্ডৰ ভিডিঅ’ কৰে । আশ্বৰ্যজনক কথা যে কোনেও চেইন টানি ট্ৰেইনখন ৰখাই যুৱকজনক সহায়ৰ চেষ্টা কৰা দেখা নগ’ল ।
এই ভিডিঅ’টো শ্বেয়াৰ কৰা হৈছে ডিজিটেল কন্টেন্ট ক্ৰিয়েটৰ ট্ৰেভেল উইথ আহমদ-০ ৰ ইনষ্টাগ্ৰাম একাউন্টৰ পৰা । ভিডিঅ’ৰ শিৰোনামত লিখিছে, জিন্দেগী সে প্যাৰ নেহী হ্যে । কোনো কোনোৱে ভিডিঅ’টোত আশ্বৰ্য প্ৰকাশ কৰিছে ।
একাংশই আকৌ ট্ৰেইনৰ চেইন টানি যুৱকজনক উদ্ধাৰ নকৰাৰ বাবে যাত্ৰীসকলক সমালোচনা কৰিছে । এজন সামাজিক মাধ্যম ব্যৱহাৰকাৰীয়ে লিখিছে- “কি হৈছে আপোনালোকৰ? আপোনালোকে ভিডিঅ’ কৰিছে, অথচ চেইনডাল টনা নাই ?” উল্লেখ্য যে ২০২২ চনত এইদৰেই ফোন চুৰি কৰি পলায়নৰ চেষ্টা কৰোতেই শেষত বিহাৰত গ্ৰেপ্তাৰ হৈছিল সেই চোৰটো ।