Treadmill Tunning : ট্ৰেডমিলত দৌৰাৰ সুবিধা আৰু অসুবিধা কি কি? জানক

আজিৰ দিনত প্ৰতিজন লোকক স্বাস্থ্যৰ প্ৰতি অধিক সচেতন হোৱা দেখায় । সুস্বাস্থ্য বজাই ৰাখিবৰ বাবে প্ৰত্যেকজন লোকেই খাদ্যাভ্যাসত গুৰুত্ব দিয়াৰ লগতে শৰীৰ চৰ্চা, যেনে-ব্যায়াম, যোগাসন,জিম আদি অভ্যাস কৰে । একে সময়তে বেছিভাগ মানুহেই নিজৰ শৰীৰটো ফিট আৰু সুস্থ কৰি ৰাখিবলৈ ট্ৰেডমিলত দৌৰাৰ অভ্য়াস কৰে । বৰ্তমান সময়ত দৌৰাৰ বাবে ট্ৰেডমিল মানুহৰ মাজত অতি জনপ্ৰিয় হৈ পৰিছে।

যিসকল লোকে দৌৰিবলৈ ওলাই যাবলৈ সময় নাপায় তেওঁলোকৰ বাবে ট্ৰেডমিল অধিক উপকাৰী। অৱশ্যে ট্ৰেডমিলত দৌৰাটো অতি উপকাৰী যদিও ইয়াৰ কিছু সমস্যাও আছে। ট্ৰেডমিলত দৌৰাৰ সুবিধা আৰু অসুবিধা কি হ’ব পাৰে জানো আহক।

ট্ৰেডমিলত দৌৰাৰ উপকাৰিতাৰ

ট্ৰেডমিলত দৌৰাৰ আটাইতকৈ ডাঙৰ সুবিধাটো হ’ল-সময় । ব্য়স্ততা জীৱনৰ পৰাৰ সুবিধা অনুসৰি যিকোনো সময়তে দৌৰিব পাৰে। শীতকালেই হওক বা গ্ৰীষ্মকালেই হওক, ট্ৰেডমিল ঘৰৰ ভিতৰৰ মেচিন। এনে পৰিস্থিতিত আপুনি আপোনাৰ সুবিধা আৰু সময় অনুসৰি যিকোনো সময়তে দৌৰিব পাৰে।

যিসকলৰ আঁঠু, গোৰোহা বা কলাফুলৰ বিষৰ সমস্যা আছে তেওঁলোকৰ বাবে ট্ৰেডমিল এক উত্তম বিকল্প। ইয়াৰ লগতে আপুনি আপোনাৰ সুবিধা অনুসৰি ট্ৰেডমিলৰ গতি সহজে নিয়ন্ত্ৰণ কৰিব পাৰে। ইয়াৰ জৰিয়তে আপুনি আপোনাৰ ফিটনেছ লেভেল অনুসৰি দৌৰিব পাৰে।

ট্ৰেডমিলত দৌৰাৰ সমস্যা

দীৰ্ঘ সময় ট্ৰেডমিলত দৌৰিলে আপোনাৰ মনত আমনিদায়ক এটা ভাব সৃষ্টি হ’ব পাৰে। ট্ৰেডমিলত বেছি বেগেৰে দৌৰিলে গাঁঠি আৰু পেশীত বিষ হ’ব পাৰে। এনে পৰিস্থিতিত আঁঠু আৰু কঁকালৰ বিষৰ দৰে সমস্যাৰ সৃষ্টি হ’ব পাৰে।

আটাইতকৈ ডাঙৰ কথাটো হ’ল ট্ৰেডমিলত দৌৰিলে শৰীৰৰ স্বাভাৱিক দৌৰাৰ ৰূপ সলনি হ’ব পাৰে। মাটিত দৌৰাৰ তুলনাত ট্ৰেডমিলৰ বেল্টটে ভৰিখন পিছলৈ টানি আনে। ইয়াৰ ফলত শৰীৰৰ স্বাভাৱিক গতিবিধি নষ্ট হ’ব পাৰে।

উল্লেখ্য যে, মেচিনৰ সহায় লোৱাতকৈ আমি খেলপথাৰ বা পুৱা সোনকালে উঠি ৰাস্তাত দৌৰাৰ অভ্যাস কৰাটো অতি প্ৰয়োজন । বহুলোকক দেখা যায় যে, তেওঁলোকে ট্ৰেডমিলত দৌৰাৰ সমান্তৰালভাৱে ফিল্ডত দৌৰাৰ অভ্য়াস কৰে । গতিকে আপুনি ট্ৰেডমিলত দৌৰাৰ লগতে সময় উলিয়াই খেলপথাৰতো দৌৰিব পাৰে । যিয়ে দৌৰ প্ৰণালীৰ স্বাভাৱিকতা বজাই ৰাখিব ।