মাইগ্ৰেইনৰ বিষ কিয় হয়? ইয়াৰ প্ৰতিৰোধৰ বাবে কি কি কৰিব লাগে জানক

মাইগ্ৰেইন

মাইগ্ৰেইন হৈছে মূৰৰ এফালে হোৱা প্ৰচণ্ড বিষ। এই বিষ ভয়ংকৰ যন্ত্ৰণাতকৈ অধিক আমনিদায়ক। ইয়াৰ বাবে ভুক্তভোগীয়ে কেইবাদিনো বিচনাত থাকিবলগীয়া হ’ব পাৰে। সূৰ্যৰ পোহৰত এই মাত্ৰা আৰু অধিক বৃদ্ধি পায়। সাধাৰণতে মাইগ্ৰেইন কেইঘণ্টামানৰ পৰা এসপ্তাহলৈকে থাকিব পাৰে। মাইগ্ৰেইনৰ সময়ত এজন খিংখিঙীয়া হৈ পৰে আৰু একো কৰিবলৈ মন নাযায়। এই সময়ত উচ্চ শব্দ আৰু পোহৰে সমস্যা আৰু বৃদ্ধি কৰে। ইয়াৰ পৰা মুক্তি পোৱাটো সহজ নহয়।

স্নায়ুতন্ত্ৰ আৰু ধমনীৰ মাজত অস্বাভাৱিক কাৰ্য্যকলাপৰ ফলত মাইগ্ৰেইন হয়। ইয়াৰ ফলত ফুলা আৰু তেজৰ সোঁতৰ পৰিৱৰ্তন হ’ব পাৰে। মাইগ্ৰেইন প্ৰতিজন ব্যক্তিয়ে বেলেগ বেলেগ ধৰণে অনুভৱ কৰিব পাৰে। ইয়াত মূৰৰ এটা ফালে বিষ হয় আৰু ই আনটো ফালেও যাব পাৰে। কেতিয়াবা চকু, মুখ, চাইনাছ, গাল আৰু ডিঙিতো বিষ অনুভৱ কৰিব পাৰে।

লক্ষণ আৰু কাৰণ

মাইগ্ৰেইনৰ সঠিক কাৰণ এতিয়াও জানিব পৰা হোৱা নাই। অৱশ্যে জিনীয় কাৰকৰ ভূমিকা নিশ্চিতভাৱে স্পষ্ট। মূৰৰ বিষ হ’লে ৰক্তবাহী নলীত উপস্থিত থকা বিশেষ স্নায়ুবোৰে মগজুলৈ বিষৰ সংকেত প্ৰেৰণ কৰে। ইয়াৰ ফলত আপোনাৰ মূৰৰ স্নায়ু আৰু ৰক্তবাহী নলীত প্ৰদাহ সৃষ্টি কৰা পদাৰ্থ নিৰ্গত হয়। অৱশ্যে স্নায়ুবোৰে কিয় এনে কৰে সেয়া এতিয়াও স্পষ্ট হোৱা নাই। মাইগ্ৰেইনৰ বাবে কিছুমান নিৰ্দিষ্ট উৎস আছে। য’ত মানসিক চাপ মূল। ইয়াৰ উপৰিও হৰম’নৰ পৰিৱৰ্তন, টোপনিৰ পৰিৱৰ্তন, বতৰৰ পৰিৱৰ্তন, উজ্জ্বল পোহৰ, অত্যধিক কঠোৰ পৰিশ্ৰম, কেফেইন বা ধঁপাত, প্ৰবল দুৰ্গন্ধ আদি অন্তৰ্ভুক্ত।

এইদৰে নিজকে ৰক্ষা কৰক

মাইগ্ৰেইনৰ পৰা হাত সাৰিবলৈ মানসিক চাপৰ পৰা আঁতৰি থাকক। ইয়াৰ লগতে ৭ৰ পৰা ৯ ঘণ্টা শোৱাটো নিশ্চিত কৰক। মাইগ্ৰেইনৰ উৎসৰ প্ৰতি মনোযোগ দিয়ক; এইবোৰ অৱস্থা বা খাদ্যৰ সৈতে জড়িত হ’ব পাৰে। নিয়মিতভাৱে ব্যায়াম কৰক আৰু যোগ আৰু ধ্যান-ধাৰণাৰ সহায় লওক। সুষম খাদ্য গ্ৰহণ কৰক, সময়মতে খাদ্য গ্ৰহণ কৰক আৰু নিজকে হাইড্ৰেটেড কৰি ৰাখক। উজ্জ্বল পোহৰ, প্ৰচণ্ড দুৰ্গন্ধ, তীব্ৰ সূৰ্যৰ পোহৰ আৰু প্ৰচণ্ড শব্দৰ পৰা আঁতৰি থাকক। প্ৰতিজন ৰোগীৰে মাইগ্ৰেইনৰ অৱস্থা বেলেগ বেলেগ। কিছুমান মানুহে জীৱনশৈলীৰ পৰিৱৰ্তন কৰি ইয়াক প্ৰতিৰোধ কৰিব পাৰে আৰু কিছুমান লোকক ঔষধৰ প্ৰয়োজন হয়।