ডায়েবেটিছ ৰোগীয়ে ORS খাব পাৰেনে ? ইয়াৰ ফলত চুগাৰৰ মাত্ৰা বৃদ্ধি পায় নেকি?

শৰীৰত পানীৰ অভাৱ পূৰণৰ বাবে ORS অৰ্থাৎ Oral Rehydration Solution দিয়া হয়। যেতিয়া কোনোবাই ডায়েৰিয়া, বমি বা অত্যাধিক ঘামৰ ফলত শৰীৰত পানীৰ প্ৰয়োজন হয়, তেতিয়া চিকিৎসকে ORS গ্ৰহণ কৰিবলৈ পৰামৰ্শ দিয়ে। ইয়াত গ্লুক’জ আৰু ইলেক্ট্ৰ’লাইট থাকে, যিয়ে শৰীৰক তৎক্ষণাত শক্তি প্ৰদান কৰে আৰু দুৰ্বলতা দূৰ কৰে। এই গ্ৰীষ্মকালত চিকিৎসকে মানুহক ORS লগত ৰাখিবলৈ পৰামৰ্শ দিয়ে। কিন্তু ডায়েবেটিছ ৰোগীয়ে ORS খাব পাৰে নে নোৱাৰে? এইলৈ প্ৰায়ে চৰ্চা হয় ।

মিঠা খাদ্য খোৱা-নোখোৱাকলৈ ডায়েবেটিছ ৰোগীসকল প্ৰায়ে চিন্তিত হৈ থাকে । সাধাৰণতে বজাৰত উপলব্ধ ORSত গ্লুক’জ অৰ্থাৎ চুগাৰ থাকে, যিটো ডায়েবেটিছ ৰোগীৰ বাবে ভাল নহয়। ডায়েবেটিছ ৰোগীয়ে যদি স্বাভাৱিক ORS সেৱন কৰে তেন্তে তেওঁৰ তেজৰ চুগাৰৰ মাত্ৰা বৃদ্ধি পাব পাৰে । যাৰ ফলত তেওঁৰ স্বাস্থ্যৰ ওপৰত বেয়া প্ৰভাৱ পৰিব পাৰে।

চিকিৎসক ডাঃ অজিত কুমাৰে উল্লেখ কৰে যে, যদি কোনো ডায়েবেটিছ ৰোগীক ORSৰ প্ৰয়োজন হয় তেন্তে তেওঁ স্বাভাৱিক ORS খোৱাৰ পৰা বিৰত থাকিব লাগে। বজাৰত “চুগাৰমুক্ত” বা “ডায়েবেটিছ ফ্ৰেণ্ডলী” ORS উপলব্ধ। এনে ORS ৰ জৰিয়তে শৰীৰে প্ৰয়োজনীয় ইলেক্ট্ৰ’লাইট লাভ কৰে যদিও তেজৰ চুগাৰ বৃদ্ধি নহয়। গতিকে ডায়েবেটিছ ৰোগীয়ে এই ORS গ্ৰহণ কৰিব লাগে। ডায়েবেটিছ ৰোগীয়ে বজাৰত উপলব্ধ স্বাভাৱিক ORS গ্ৰহণ কৰিব নালাগে।

যদি ডায়েবেটিছ ORS বজাৰত উপলব্ধ নহয় তেন্তে ইয়াৰ বিকল্প ঘৰতেও প্ৰস্তুত কৰিব পাৰি। ইয়াৰ বাবে এগিলাচ পানীত কম পৰিমাণে নিমখ আৰু অলপ নেমু মিহলাই খাব পাৰে। নাৰিকল পানীও এটা ভাল বিকল্প হ’ব পাৰে, কিয়নো ইয়াত প্ৰাকৃতিক ইলেক্ট্ৰ’লাইট থাকে আৰু চুগাৰ মুক্ত।

ডায়েবেটিছ ৰোগীয়ে চিকিৎসকৰ পৰামৰ্শ নোলোৱাকৈ স্বাভাৱিক ORS গ্ৰহণ কৰিব নালাগে। যদি আপুনি অতি দুৰ্বল আৰু শৰীৰত পানীৰ প্ৰয়োজন অনুভৱ কৰিছে তেন্তে প্ৰথমে তেজৰ চুগাৰৰ মাত্ৰা পৰীক্ষা কৰক আৰু তাৰ পিছত চিকিৎসকৰ পৰামৰ্শ লওক। ঘৰতে বনোৱা দ্ৰৱ বা ডায়েবেটিছ ORS ব্যৱহাৰ কৰাটো আটাইতকৈ নিৰাপদ উপায় হ’ব পাৰে।

সাধাৰণ ORS ডায়েবেটিছ ৰোগীৰ বাবে উপযোগী নহয় । কাৰণ ইয়াত চুগাৰ থাকে যদিও প্ৰয়োজন হ’লে চুগাৰমুক্ত ORS বা ঘৰতে বনোৱা নিমখ-নেমুৰ পানী এটা ভাল বিকল্প হ’ব পাৰে।