উৎসৱৰ বতৰত আপুনি গেছৰ সমস্যাত ভুগিছে নেকি? তেন্তে এই পানীয়বোৰে সকাহ দিব

ভাৰতত গণেশ পূজাৰ পিছৰে পৰা ইটোৰ পিছত সিটো উৎসৱ আহিয়েই আছে। ভাৰতীয়ই এই উৎসৱসমূহ অতি উলহ-মালহেৰে উদযাপন কৰে। দীপাৱলীৰ পিছত এইবাৰ আহি আছে ভাতৃ দ্বিতীয়া।

উৎসৱৰ সময়ত মানুহে ইজনে সিজনৰ ঘৰলৈ গৈ মিঠাই, শুভেচ্ছা আৰু উপহাৰ দিয়ে। এই সময়ছোৱাত ঘৰলৈ অহা অতিথিসকলৰ বাবে বিভিন্ন ব্যঞ্জন আৰু মিঠাই প্ৰস্তুত কৰা হয়। মানুহে ঘৰতে বিভিন্ন ধৰণৰ ব্যঞ্জন প্ৰস্তুত কৰে। এনে পৰিস্থিতিত যদি আপুনি এই সময়ছোৱাত অতিমাত্ৰা খাদ্য গ্ৰহণ কৰে বা ইয়াৰ বাবে আপুনি এচিডিটিৰ সমস্যাৰ সন্মুখীন হয়, তেন্তে এই পানীয়সমূহৰ সেৱনে আপোনাক সকাহ দিব পাৰে।

নেমু ৰস

নেমুৰ পানীয়ে পাচনতন্ত্ৰ সক্ৰিয় কৰে, যাৰ বাবে খাদ্য সোনকালে হজম হয়। যদি আপুনি দীপাৱলীৰ সময়ত এচিডিটিৰ সমস্যাৰ সন্মুখীন হৈছে তেন্তে আপুনি নেমুৰ পানীও সেৱন কৰিব পাৰে। ইয়াৰ বাবে আধা নেমুৰ ৰস এগিলাচ পানীত চেপি লওক। ৰুচি অনুসৰি নিমখ বা মৌ দিব পাৰে। ৰাতিপুৱা খালী পেটত বা খাদ্য খোৱাৰ আগত পান কৰিলে উপকাৰী। কিন্তু যদি আপোনাৰ এই সমস্যা বেছি হয় তেন্তে বিশেষজ্ঞৰ পৰা পৰামৰ্শ লোৱাটো অধিক উপকাৰী হ’ব।

তুলসীৰ পানী

অতিমাত্ৰা খাদ্য আৰু এচিডিটিৰ পৰা সকাহ পোৱাত তুলসীৰ পানী অতি উপকাৰী হ’ব পাৰে। ইয়াত থকা গুণবোৰ হজমৰ বাবে উপকাৰী বুলি প্ৰমাণিত হ’ব পাৰে। তুলসীত এন্টি-ইনফ্লেমেটৰী গুণ আছে, যিয়ে পেটৰ বিষ কমোৱাত সহায় কৰিব পাৰে। তুলসীৰ পাত কেইটামান লৈ এগিলাচ পানীত উতলাই লওক। অলপ সময় ঠাণ্ডা কৰি তাৰ পিছত ফিল্টাৰ কৰি লওক। ইচ্ছা কৰিলে সোৱাদৰ বাবে কিছু মৌ দিব পাৰে।

জিৰা আৰু পানী

জিৰা পেটৰ এচিডৰ ভাৰসাম্য ৰক্ষা কৰাত সহায় কৰে, যিয়ে এচিডিটিৰ সমস্যা হ্ৰাস কৰাত সহায় কৰিব পাৰে। আধা চামুচ জিৰা এগিলাচ কুহুমীয়া পানীৰ লগত মিহলাই খালে এচিডিটি আৰু পেট জ্বলা-পূৰা কৰা সমস্যা কমোৱাত সহায়ক হয়।

সু-স্বাস্থ্যবান কেনেকৈ হ’ব?

আমি সু স্বাস্থ্যকৰ হৈ থাকিবলৈ সুষম খাদ্য খাব লাগে। সুষম আহাৰত উপযুক্ত পৰিমাণে শৰীৰৰ পুষ্টিৰ কাৰণে প্ৰয়োজনীয় সকলো উপাদান থাকে। দৰাচলতে আমাৰ খাদ্য হ’ল কিছুমান বিশেষ বিশেষ শ্ৰেণীৰ ৰাসায়নিক যৌগ। ইয়াৰোপৰি আমি যথেষ্ঠ পৰিমানে পানী খাব লাগে। জীৱদেহত যথেষ্ট পৰিমাণে পানী থাকে। জীৱদেহৰ আৱশ্যকীয় শক্তি সৃষ্টিত পানী প্ৰত্যক্ষভাৱে জড়িত নহয়, কিন্তু বিভিন্ন বিপাকীয় কাৰ্য্য সংঘটিত হ’বলৈ পানী অতি প্ৰয়োজন। জীৱদেহৰ ওজনৰ প্ৰায় ৬০ ভাগেই পানী। জীৱদেহৰ আৱশ্যকীয় সকলো খাদ্য পদাৰ্থতে পানী থাকে। পানী নহ’লে জীৱ জীয়াই থাকিব নোৱাৰে। পানীয়ে জীৱদেহত এক অসাধাৰণ দ্ৰাৱক হিচাপে কাম কৰে। খুব সহজে ব্যাপন প্ৰক্ৰিয়াৰে পানী এটা কোষৰ পৰা আন এটা কোষলৈ ব্যাপিত হ’ব পাৰে। ইয়াৰ ফলত কোষত সামঞ্জস্য আৰু সমতা সুচাৰুৰূৰে নিয়ন্ত্ৰিত হয়।