Magh Bihu Wishes: মাঘ বিহুত আপোনজনলৈ প্ৰেৰণ কৰক বিশেষ শুভেচ্ছাবাৰ্তা
Magh Bihu 2025: কাইলৈ উৰুকা, মঙলবাৰে মাঘ বিহু। উৰুকালৈ সাজু হৈছে চহা অসমীয়া। উৰুকাৰ নিশা হাঁহে-মাহে, লগে-ভাগে এসাঁজ খোৱাৰ প্ৰস্তুতি চলাইছে ৰাইজে। ইতিমধ্যে ঘৰমুৱা হৈছে কৰ্মমুখী অসমীয়া। মাঘ বিহুৰ দিনা কাহিলীপুৱাতেই মেজিত অগ্নিসংযাগ কৰে অসমীয়া ৰাইজে ৷
মাঘ বিহু
ভোগৰ উৎসৱ ভোগালীক আদৰিবলৈ সাজু হৈছে অসমীয়া। গাঁৱৰ যুৱকসকল ব্যস্ত হৈ পৰিছে ভেলাঘৰ নিৰ্মাণত৷ গাঁৱৰ পৰিৱেশ আৰ্হিত, মঠ মন্দিৰৰ আৰ্হিত নিৰ্মাণ কৰা হৈছে ভেলাঘৰ। যুৱতী-মহিলাসকল ব্যস্ত হৈ পৰিছে পিঠা-পনা প্ৰস্তুতত৷ উজনি-নামনিৰ গাঁৱে গাঁৱে ঢেঁকীৰ গুমগুমনি। ভোগালীৰ সামগ্ৰীৰে ভৰিছে ৰাজ্যৰ বজাৰ।
কাইলৈ উৰুকা, মঙলবাৰে মাঘ বিহু। উৰুকালৈ সাজু হৈছে চহা অসমীয়া। উৰুকাৰ নিশা হাঁহে-মাহে, লগে-ভাগে এসাঁজ খোৱাৰ প্ৰস্তুতি চলাইছে ৰাইজে। ইতিমধ্যে ঘৰমুৱা হৈছে কৰ্মমুখী অসমীয়া। মাঘ বিহুৰ দিনা কাহিলীপুৱাতেই মেজিত অগ্নিসংযাগ কৰে অসমীয়া ৰাইজে ৷ তামোল-পাণ, মাহজাতীয় শস্য, চাউল, ঘিউ আৰু পিঠাৰ নৈবদ্য দি সূৰ্য-দেৱতাক সেৱা জনোৱা হয়। মেজিৰ জুইয়ে সকলো অসূয়া-অশান্তি দহি সুখ-সমৃদ্ধি কঢ়িয়াই আনে বুলি বিশ্বাস কৰে প্ৰতিজন অসমীয়াই। মাঘ বিহুৰ এই শুভ ক্ষণত আপোনকজনক প্ৰেৰণ কৰক বিশেষ শুভেচ্ছাবাৰ্তা…
- ভোগালী বিহুৰ শুভেচ্ছা । আহক সকলোয়ে মিলি ভোগালীৰ ভোজ খাও।
- ভোগালী বিহুয়ে সকলোৰে জীৱনলৈ সূখ সমৃদ্ধি কঢ়িয়াই আনক। ভাতৃত্ববোধৰ এনাজৰী ডাল আৰু সুদৃঢ় কৰক।
- মেজিৰ অগ্নিশিখাই সমাজৰ পৰা সকলো অপশক্তি বিনাশ কৰি শুভ শক্তি সঞ্চাৰেৰে কঢ়িয়াই আনক অনাবিল সুখ-শান্তি আৰু অপৰিসীম সমৃদ্ধিৰ মধুৰ বাৰ্তা।
- ভোগালীৰ প্ৰাচুৰ্য আৰু পূৰ্ণতাই সকলোৰে মাজৰ সমন্বয়ৰ এনাজৰীডাল অধিক শক্তিশালী কৰক, তাৰেই কামনা।
- ভোগালীৰ ভোগে আনক শান্তি-সমৃদ্ধিৰ বতৰা। আপোনাৰ লগতে পৰিয়ালৰ প্ৰতিজন সদস্যলৈ ভোগালী বিহুৰ আন্তৰিক শুভেচ্ছা ।
- অসমীয়াৰ বাপতি সাহোন, জাতিৰ প্ৰাণস্পন্দন, ভোগ, প্ৰাচুৰ্য্য আৰু অসমীয়াৰ সামূহিকতাৰ প্ৰতীক ভোগালী বিহুৰ আন্তৰিক শুভেচ্ছা জনাইছোঁ।
- ভোগালীৰ ভোগেৰে উপচি পৰক অনাগত দিনবোৰ। তাৰেই শুভকামনাৰে মাঘ বিহুৰ শুভকামনা।
- ভোগালীৰ মেজিৰ জুইয়ে দাহ কৰক অসূয়া, অপ্ৰীতি, হিংসা, দুৰ্নীতি আৰু মেজিৰ জুইৰ তাপত উন্মেষিত হওক জাতিৰ সোণোৱালী সময়। অসমবাসীলৈ ভোগালী বিহুৰ শুভেচ্ছা।
- এই ভোগালীয়ে অসম আৰু অসমীয়াৰ জীৱনলৈ কঢ়িয়াই আনক শান্তি, প্ৰগতি আৰু সম্প্ৰীতিৰ বতৰা।
- ভোগালীৰ উছাহ-আনন্দই উজ্জীৱিত কৰি তোলক প্রতিজন অসমীয়াৰ মন-প্ৰাণ। নতুন উদ্যামেৰে অংশীদাৰ হওক কৰ্মমুখী জীৱন যাত্ৰাৰ। ভোগালীৰ শুভেচ্ছা।
- ভোগালীয়ে সকলোৰে জীৱনলৈ কঢ়িয়াই আনক একতা, শান্তি আৰু ভাতৃত্ববোধ, তাৰে কামনাৰে শুভ মাঘ বিহু।
লগতে পঢ়ক: ৰাজপথৰ গাঁত নোহোৱা কৰিবলৈ বনোৱা হ’ব বিশেষ এপ: ক’লে মুখ্যমন্ত্ৰীয়ে…