বেঙেনা খায় ভাল পায় নে ? জানক এই পাচলি বিধৰ উপকাৰিতা আৰু অপকাৰিতা কি ?

শীতকালত বেঙেনাই বজাৰ ভৰি পৰে । এই সময়ছোৱা বেঙেনাৰ খেতিৰ উপযুক্ত সময় । শীতকাল অহাৰ লগে লগে অসমীয়া থলুৱা খেতিয়কসকলে অন্যান্য় খেতিৰ লগতে বেঙেনা খেতি আৰম্ভ কৰে । ডিচেম্বৰৰ পৰা অসমীয়া থলুৱা খেতিয়কে উৎপাদন কৰা বেঙেনা বজাৰত উপলব্ধ হয় ।

অসমীয়া লোকসকলে প্ৰায়ে বেঙেনা খায় ভাল প্ৰায় । অসমীয়া আঞ্জাত প্ৰায়ে বেঙেনা ব্যৱহাৰ কৰা হয় । আপুনিও বেঙেনা খাই ভাল পায় নে ? আজি এই প্ৰতিবেদনৰ জৰিয়তে জানোঁ আহত বেঙেনা খোৱাৰ উপকাৰিতা আৰু অপকাৰিতা কি ?

বেঙেনাৰ উপকাৰিতা

• বেঙেনাত প্ৰচুৰ পৰিমানে ভিটামিন A থাকে । ভিটামিন A চকুৰ বাবে অতি উপকাৰী । গতিকে বেঙেনাই চকুৰ সকলো ৰোগৰ বিৰুদ্ধে যুঁজ দিয়াত সহায় কৰাৰ লগতে চকুৰ দৃষ্টিশক্তিও উন্নত কৰে।
• বেঙেনাত প্ৰচুৰ পৰিমাণে ভিটামিন E আৰু ভিটামিন K থাকে। বেঙেনাত থকা এই উপাদানে শৰীৰত তেজ জমা হোৱাৰ পৰা ৰক্ষা কৰে । গতিকে বেঙেনাই তেজ চলাচল নিয়ন্ত্ৰণত ৰাখে ।
• বেঙেনাত প্ৰচুৰ পৰিমানে আঁহ থাকে। যিয়ে খাদ্য হজম কৰাত সহায় কৰে আৰু লগতে কোষ্ঠকাঠিন্য দূৰ কৰাত সহায় কৰে।
• কলেষ্টেৰলৰ বাবেও বেঙেনা উপকাৰী। বেঙেনাই ক্ষতিকাৰক কলেষ্টেৰল নিয়ন্ত্ৰণ কৰি শৰীৰক সুস্থ কৰি ৰাখে।

বেঙেনাৰ অপকাৰিতা

• এলাৰ্জীত আক্ৰান্ত লোকৰ বাবে বেঙেনা ভয়ংকৰ হ’ব পাৰে। বেঙেনাই শৰীৰৰ এলাৰ্জীৰ সংক্ৰমণ বৃদ্ধি কৰে।
• বেঙেনাত পটাছিয়ামৰ পৰিমাণ বেছি। পটাছিয়াম শৰীৰৰ বাবে ভাল কিন্তু অত্যাধিক পটাছিয়াম শৰীৰ বাবে ক্ষতিকাৰক হ’ব পাৰে । বেঙেনা বেছিকৈ সেৱন কৰিলে বমি হ’ব পাৰে।
• বেঙেনাত প্ৰচুৰ পৰিমাণে অক্সালেট পোৱা যায়। যদি অত্যধিক অক্সালেট শৰীৰত প্ৰৱেশ কৰে তেন্তে পিত্তাশয়ত পাথৰ হোৱাৰ আশংকা থাকে।