নিশা ভৰিৰ তলুৱা মালিচ কৰিলে আপোনাৰ স্বাস্থ্যৰ ওপৰত পৰিব এইকেইটা প্ৰভাৱ

সকলোৱে নিশ্চয় কোনোবা এটা সময়ত তেলেৰে মূৰত মালিচ কৰিছিল আৰু বেছিভাগ মানুহেই ইয়াৰ উপকাৰিতাৰ বিষয়েও জানে। যেনে, চুলি কোমল হোৱা, মূৰৰ ছাল আৰ্দ্ৰ হোৱা, মানসিক চাপৰ পৰা উপশম পোৱা, মূৰৰ বিষৰ পৰা উপশম পোৱা, কিন্তু আপুনি জানেনে যে যদি ভৰিৰ তলুৱা সদায় নিশা মালিচ কৰে, তেন্তে ই ইয়াৰ স্বাস্থ্যৰ বাবেও বহু উপকাৰী হিচাপে পৰিলক্ষিত হয়। ৰাতি ভৰিৰ তলুৱাত অলিভ অইল, আলমণ্ড অইল, নাৰিকল তেল বা যিকোনো আৱশ্যকীয় তেলেৰে মালিচ কৰিলে আপুনি কেৱল ভাগৰ লাগাই নহয়, আন বহুতো উপকাৰো লাভ কৰিব।

ভৰিৰ তলুৱাই আপোনাৰ স্বাস্থ্যৰ বিষয়ে বহু কথা কয়। এই কাৰণেই স্বাস্থ্য বিশেষজ্ঞসকলে ভৰিৰ তলুৱাত থকা ছালৰ ৰং, উষ্ণতা নিৰীক্ষণ কৰি স্বাস্থ্যজনিত সমস্যা ধৰা পেলায়। গতিকে প্ৰতি নিশা তলুৱা মালিচ কৰিলে স্বাস্থ্যৰ ওপৰত কি প্ৰভাৱ পৰে জানক।

মানসিক চাপ নাইকিয়া হৈ যায়

দৈনিক ভৰিৰ তলুৱা মালিচ কৰিলে দিনটোৰ ভাগৰ দূৰ হয়, যাৰ ফলত ভৰিৰ বিষ, তলুৱা ফুলা আদিৰ পৰাও উপশম পোৱা যায়। ইয়াৰ উপৰিও মানসিক চাপও নাইকিয়া হয়, যাৰ বাবে আপুনি উদ্বেগ, দুখ, খং আদি সমস্যাৰ পৰা ৰক্ষা পৰে আৰু মানসিকভাৱে ভাল অনুভৱ কৰে।

টোপনি ভাল হ’ব

ভালদৰে টোপনি নোযোৱা বহু ৰোগৰ কাৰণ হৈ পৰে। যদি আপুনিও অনিদ্ৰাৰ সমস্যাত অসুবিধা পাইছে, তেন্তে ৰাতি শুই উঠাৰ আগতে ভৰি দুখন কিছু সময় কুহুমীয়া পানীত তিয়াই লওক আৰু টাৱেলেৰে মচি দিয়াৰ পিছত কিছু তেলেৰে মালিচ কৰক। ইয়াৰ ফলত আপোনাৰ ভাল টোপনি আহিব।

ৰক্ত সঞ্চালন উন্নত হ’ব

ভৰিৰ তলুৱা মালিচ কৰিলে আপোনাৰ সামগ্ৰিক স্বাস্থ্যৰ বাবে উপকাৰী, কাৰণ ই তেজৰ সঞ্চালন উন্নত কৰে আৰু ভৰিৰ বিষৰ পৰা সকাহ দিয়াৰ লগতে শিৰাত জমা হোৱা তৰল পদাৰ্থও ওলাই আহে। একে সময়তে ভৰিৰ তলুৱা মালিচ কৰিলেও ৰক্তচাপৰ সমস্যাৰ পৰা সকাহ পোৱা যায়।

ভৰিৰ ছাল কোমল হৈ পৰিব

নিয়মিত ভৰিৰ মালিচেও ভৰিৰ ছাল কোমল কৰে, যাৰ ফলত ছালৰ লগত জড়িত সমস্যাৰ পৰা ৰক্ষা পৰে। যেনেকৈ গোৰোহা ফাটি যোৱা, ভৰিৰ তলুৱাত ছাল কঠিন হোৱা, যিকোনো ধৰণৰ সংক্ৰমণ ইত্যাদি। ইয়াৰ উপৰিও ভৰিৰ তলুৱা নিয়মিত মালিচ কৰিলেও প্লাণ্টাৰ ফেচিয়াটিছ (গোৰোহাৰ বিষ হোৱা) প্ৰতিৰোধ কৰিব পাৰি।