হৃদৰোগে মাতৃ আৰু গৰ্ভত থকা শিশুক কেনেদৰে প্ৰভাৱিত কৰে ? চিকিৎসকে কি কয় ? জানক

যদি গৰ্ভাৱস্থাত কোনো মহিলাৰ কোনো ৰোগ হয়, তেতিয়া সেই ৰোগে গৰ্ভত থকা শিশুটিকো আক্ৰান্ত কৰাৰ সম্ভাৱনা থাকে । গৰ্ভাৱস্থাত ডায়েবেটিছ, থাইৰয়ড ৰোগ সাধাৰণতে দেখা যায় । কিন্তু এই সময়ছোৱাত কিছুমান মহিলাৰ হৃদৰোগ যেনে হৃদস্পন্দন কম, কলেষ্টেৰল বেছি ইত্যাদিও হয় । কিন্তু ৰোগে গৰ্ভত থকা সন্তানকো প্ৰভাৱিত কৰাৰ সম্ভাৱনা থাকেনে ? এই সন্দৰ্ভত চিকিৎসকে কি কয় জানক ।

দিল্লীৰ ৰাজীৱ গান্ধী চিকিৎসালয়ৰ হৃদৰোগ বিশেষজ্ঞ ডাঃ অজিত জৈনে কয় যে, হৃদৰোগত আক্ৰান্ত গৰ্ভৱতী মহিলাসকলক নিয়মীয়াকৈ পৰীক্ষা আৰু বিশেষজ্ঞৰ পৰামৰ্শ অনুসৰি যত্ন লোৱাৰ প্ৰয়োজন। যদি মহিলাগৰাকীৰ কোনো গুৰুতৰ হৃদৰোগ যেনে হৃদস্পন্দন হঠাতে বৃদ্ধি বা কমি যোৱা, উচ্চ ৰক্তচাপ বা হৃদযন্ত্ৰ বন্ধ হোৱা আদি সমস্যা হয়, তেনে অৱস্থাত সেই মহিলাগৰাকীৰ গৰ্ভত থকা শিশুটিও বিপদত পৰিব পাৰে। হৃদৰোগত আক্ৰান্ত গৰ্ভৱতী মহিলাৰ অকাল প্ৰসৱৰ সম্ভাৱনা বৃদ্ধি পাব পাৰে। অকাল প্ৰসৱৰ বাবে শিশুটিয়ে স্বাস্থ্যজনিত সমস্যাৰ সন্মুখীন হ’ব পাৰে।

দিল্লী এইমছৰ শিশু চিকিৎসা বিভাগৰ ডাঃ ৰাকেশ কুমাৰে কয় যে, হৃদৰোগত আক্ৰান্ত গৰ্ভৱতী মহিলাৰ জন্মৰ সময়ত শিশুৰ ওজন কম হোৱাৰ সম্ভাৱনা বৃদ্ধি পাব পাৰে। জন্মৰ সময়ত কম ওজনৰ শিশুৱে স্বাস্থ্যজনিত সমস্যাৰ সন্মুখীন হ’ব পাৰে। হৃদৰোগ আক্ৰান্ত গৰ্ভৱতী মহিলাই অক্সিজেনৰ অভাৱ অনুভৱ কৰিব পাৰে, যাৰ ফলত শিশুৰ বিকাশ আৰু স্বাস্থ্যৰ ওপৰত প্ৰভাৱ পৰিব পাৰে। একেদৰে হৃদৰোগৰ বাবে দিয়া ঔষধে শিশুক প্ৰভাৱিত কৰিব পাৰে। গতিকে গৰ্ভৱতী মহিলাই চিকিৎসকৰ পৰামৰ্শ ল’ব লাগে আৰু সাৱধানে ঔষধ সেৱন কৰিব লাগে।

ডাঃ ৰাকেশ কুমাৰে জানিবলৈ দিছে যে, যদি এগৰাকী মহিলাৰ গৰ্ভাৱস্থাত হৃদৰোগ হয়, তেন্তে তেওঁ খাদ্যৰ পৰা আৰম্ভ কৰি জীৱনশৈলীলৈকে সকলোতে সম্পূৰ্ণ যত্ন লোৱাৰ প্ৰয়োজন। মহিলাগৰাকীয়ে চিকিৎসকৰ সৈতে নিয়মিতভাৱে যোগাযোগ ৰখাটো গুৰুত্বপূৰ্ণ।