Holi 2025 : মুখৰ পৰা ফাকুৱাৰ ৰং আঁতৰাবলৈ এনেদৰে ঘৰতে বনাওক পেষ্ট

হিন্দু ধৰ্মৰ লোকসকলে সকলোৱে অতি উৎসাহেৰে পালন কৰে হোলী উৎসৱ। মানুহে ইজনে সিজনৰ ওপৰত ৰং লগায়। বজাৰত বিভিন্ন ধৰণৰ হোলীৰ ৰং উপলব্ধ। কিন্তু কিছুমান এনে ৰং আছে যিবোৰ হোলী শেষ হোৱাৰ পিছতো যিমান ধুলেও সম্পূৰ্ণৰূপে নোহোৱা নহয়। একে সময়তে বহু ৰং আঁতৰোৱাটো অলপ কঠিন হৈ পৰে। বহু কষ্টৰ পিছতো হোলীৰ এই ৰংবোৰ সহজে গুচি নাযায়।

এনে ক্ষেত্ৰত ঘৰত উপলব্ধ বহু বস্তুৰ সহায়ত আপোনাৰ ছালৰ পৰা এনে ৰঙবোৰ আঁতৰাই পেলাব পাৰে। কিছুমান প্ৰাকৃতিক বস্তুৱে এই ৰংবোৰ আঁতৰোৱাত সহায় কৰিব পাৰে। সেইবোৰ বস্তু মিহলাই কোমল পেষ্ট বনাই মুখত লগাব পাৰে। ইয়াৰ ফলত ৰং আঁতৰ কৰাত সহায়ক হ’ব পাৰে।

চাউলৰ গুৰি

চাউলৰ গুৰিয়ে প্ৰাকৃতিক স্ক্ৰাবৰ দৰে কাম কৰে। ইয়াৰ দ্বাৰা ছালৰ মৃত কোষবোৰ আঁতৰোৱাত সহায়ক হ’ব পাৰে। একে লাগি ধৰা ৰং পাতল কৰাতো উপকাৰী হ’ব পাৰে। ইয়াৰ বাবে চাউলৰ গুৰি কৰি তাৰ পিছত তাত মৌ মিহলাই লওক। ইয়াৰ পিছত এই পেষ্ট ফেচ পেকৰ দৰে মুখ আৰু ডিঙিত লগাব। ১০ৰ পৰা ১৫ মিনিটৰ পিছত পানীৰে পৰিষ্কাৰ কৰি লওক।

বেচন

বেচন ছালৰ বাবে অতি উপকাৰী বুলি গণ্য কৰা হয়। ই প্ৰাকৃতিক ক্লিনজাৰ হিচাপে কাম কৰাৰ লগতে ছালখন উজ্জ্বল কৰাত সহায় কৰে। মুখৰ দাগ আঁতৰ কৰাতো ই উপকাৰী হ’ব পাৰে। ইয়াৰ বাবে গাখীৰ,হালধি আৰু বেচনৰ পেষ্ট বনাই লওক।এতিয়া গা ধুওঁতে প্ৰথমে চাবোনেৰে ৰঙবোৰ আঁতৰাই পেলাওক, তাৰ পিছত এই পেষ্ট লগাই হাতেৰে ঘঁহি পানীৰে পৰিষ্কাৰ কৰক।

কেঁচা অমিতা আৰু গাখীৰ

অমিতা আৰু গাখীৰ দুয়োটা ছালৰ বাবে উপকাৰী। কেঁচা অমিতাত পেপেইন এনজাইম পোৱা যায়। যিয়ে ছালৰ মৃত কোষবোৰ আঁতৰাই ছাল উজ্জ্বল কৰে। এনে অৱস্থাত কেঁচা অমিতা গুৰি কৰি তাত গাখীৰ মিহলাই লওক। তাত মুলতানি মিটি আৰু অলপ আলমণ্ড অইল দিব পাৰে। এই পেষ্ট ১৫ৰ পৰা ২০ মিনিট মুখত লগাই তাৰ পিছত মুখখন ধুব।

কিন্তু মনত ৰাখিব যে যদি আপোনাৰ যিকোনো বস্তুৰ প্ৰতি এলাৰ্জী হয় তেন্তে সেইটো প্ৰয়োগ কৰাটো পৰিহাৰ কৰক। ইয়াৰ বাহিৰেও এই পেষ্টটো মুখ বা ছালত বেছি জোৰেৰে ঘঁহিব নালাগে কাৰণ ই ছালৰ ক্ষতি কৰিব পাৰে আৰু ৰঙা পৰাৰ দৰে সমস্যাও দেখা যায়।গতিকে প্ৰথমে পেচ টেষ্ট কৰক। যদি আপুনি সেইবোৰ প্ৰয়োগ কৰাৰ পিছত খজুৱতি বা জ্বলা-পোৰাৰ দৰে সমস্যাৰ সন্মুখীন হয়। তেন্তে লগে লগে পানীৰে পৰিষ্কাৰ কৰি ক্ৰীম লগাওক।