ঘন আৰু মজবুত হৈ পৰিব চুলি, প্ৰাকৃতিক উপাদানেৰে তৈয়াৰ কৰক এই সামগ্ৰী

প্ৰদূষণ, বতৰৰ পৰিৱৰ্তন, মানসিক চাপ আৰু ভুল খাদ্যাভ্যাসৰ বাবে আজিকালি বহু ধৰণৰ সমস্যা সাধাৰণ হৈ পৰিছে। ইয়াৰে এটা হ’ল চুলিৰ ক্ষতি। প্ৰদূষণ আৰু বতৰৰ পৰিৱৰ্তনে আমাৰ চুলিত প্ৰভাৱ পেলায়। এই সময়ত চুলি শুকান আৰু ফ্ৰীজী দেখাবলৈ আৰম্ভ কৰে। এনে পৰিস্থিতিত যিসকলৰ ইতিমধ্যে চুলি ফ্ৰীজী হৈ পৰিছে তেওঁলোকৰ বাবে সমস্যা আৰু বৃদ্ধি হয়। যাৰ বাবে চুলিৰ যত্ন লোৱাটো অলপ কঠিন হৈ পৰে।

চুলি কোমল আৰু চিকচিকিয়া কৰিবলৈ বহুতো ঘৰুৱা উপায় গ্ৰহণ কৰিব পাৰি। বহুতে হেয়াৰ মাস্ক লগোৱাৰ সময় নাপায়। এনে পৰিস্থিতিত তেওঁলোকে প্ৰাকৃতিক উপাদানৰ পৰা চুলিৰ টোনাৰ তৈয়াৰ কৰিব পাৰে। যিয়ে আপোনাৰ চুলিক কোমল কৰাৰ লগতে সুস্থ কৰি ৰখাত সহায় কৰিব। এইবোৰ বস্তুৰে আপুনি ঘৰতে হেয়াৰ টোনাৰ বনাব পাৰে।

তুলসী আৰু নিম টোনাৰ

তুলসী আৰু নিম দুয়োবিধেই এন্টিবেক্টেৰিয়েল আৰু এন্টিফাংগেল গুণেৰে সমৃদ্ধ। এইবোৰে চুলিক সুস্থ কৰি ৰাখে আৰু মূৰৰ ছালৰ সমস্যা যেনে উফি আৰু খজুৱতি কম কৰাত সহায় কৰিব পাৰে। এই দুয়োবিধৰে পৰা হেয়াৰ টোনাৰ বনাব পাৰি। ইয়াৰ বাবে ১০-১২ টা তুলসীৰ পাত, ১০-১২ টা নিম পাত আৰু ১ কাপ পানীৰ প্ৰয়োজন হব। এতিয়া তুলসী আৰু নিমৰ পাতবোৰ পানীত উতলাই লওক। উতলাৰ পিছত ঠাণ্ডা হ’বলৈ দিব আৰু তাৰ পিছত ফিল্টাৰ কৰি স্প্ৰে’ বটলত ভৰাই দিব। এই মিশ্ৰণটো মূৰৰ ছালত লগালে ১৫-২০ মিনিট ৰাখি তাৰ পিছত ধুই দিব।

পানী আৰু এলোভেৰা টোনাৰ

চুলিৰ বাবে এলোভেৰা এক উত্তম টোনাৰ। ইয়াৰ এন্টি-ইনফ্লেমেটৰী গুণ আছে, যিয়ে মূৰৰ ছালৰ সমস্যা দূৰ কৰাৰ লগতে কৰা আৰু চুলিৰ গুৰি মজবুত কৰাত সহায় কৰিব পাৰে। লগতে এলোভেৰাই চুলিক হাইড্ৰেট কৰি কোমল কৰি তোলাত সহায় কৰে।  পানীৰ সৈতে এলোভেৰা মিহলাই চুলিৰ বাবে টোনাৰ বনাব পাৰে। ইয়াৰ বাবে আপোনাক ২ চামুচ সতেজ এলোভেৰা জেল আৰু ১ কাপ পানীৰ প্ৰয়োজন হ’ব। সতেজ এলোভেৰা জেল পানীত ভালদৰে মিহলাই লওক। স্প্ৰে বটলত ভৰাই চুলিত লগাই ১০-১৫ মিনিটৰ পিছত চুলি ধুব।

বনৌষধিৰ টোনাৰ

আন বহু বস্তু মিহলাই টোনাৰ বনাব পাৰি। ইয়াক বনাবলৈ প্ৰয়োজন অনুসৰি ২ চামুচ ৰোজমেৰী, ১০ৰ পৰা ১৫ টা নৰসিংহৰ পাত, ২ চামুচ মেথি গুটি, ৪ৰ পৰা ৫ টা লং, ১ চামুচ কালজিৰা, ১ ইঞ্চি আদাৰ টুকুৰা আৰু পানীৰ প্ৰয়োজন হ’ব। এতিয়া ইয়াক বনাবলৈ এটাপ পাত্ৰত ১ গিলাচ পানী গৰম কৰি শুকান ৰোজমেৰী, নৰসিংহৰ পাত, মেথি গুটি, কালজিৰা, লং আৰু কুটি লোৱা আদা দি কিছু সময় উতলাই লওক। ইয়াৰ পিছত পানীখিনি ঠাণ্ডা হ’বলৈ দি স্প্ৰে’ বটলত ভৰাই ল’ব। চুলি ধোৱাৰ আগতে এই টোনাৰ লগাব লাগে।

অৱশ্যে চুলিৰ টোনাৰ লগোৱাৰ আগতে মনত ৰাখিব যে যদি এইবোৰৰ কোনো এটা বস্তুৰ প্ৰতি এলাৰ্জী আছে, সেয়া ব্যৱহাৰ নকৰে। লগতে প্ৰয়োগ কৰাৰ আগতে পেট টেষ্ট এটা কৰাই ল’ব।