চাইনাচৰ পৰা কেনেকৈ সকাহ পাব? জানক কেইটামান ঘৰুৱা উপায়
শীতকালত চাইনাচৰ সমস্যাৰ সৃষ্টি হোৱাৰ সম্ভাৱনা থাকে। এনে সময়ত দৈনিক এন্টিবায়টিক সেৱনৰ পৰিৱৰ্তে কিছুমান প্ৰাকৃতিক বস্তুৱে ইয়াক কমোৱাত সহায় কৰিব পাৰে। আজি জানো আহক কেনেকৈ সহজে চাইনাচৰ পৰা ৰক্ষা পৰিব পাৰো।
চাইনাচ এনে এক সমস্যা য’ত চাইনাচৰ কোষবোৰ ফুলি উঠে, ইয়াৰ আঁৰৰ কাৰণ হ’ব পাৰে সংক্ৰমণ বা নাকৰ হাড়ৰ অংশত চৰ্বি বৃদ্ধি, চেপটামত বক্ৰতা। ধূলি, বায়ু প্ৰদূষণ আৰু শীতকালত ঠাণ্ডা বতৰৰ ফলত বহু লোকৰ চাইনাচৰ সমস্যাৰ সৃষ্টি হয়। ইয়াত এফালে মূৰৰ বিষ, ডিঙিৰ বিষ, ভাগৰ, নাকেৰে উশাহ লোৱাত অসুবিধা হ’ব পাৰে। কিছুমান ক্ষেত্ৰত এন্টিবায়’টিক ঔষধেৰে চাইনাচ আৰোগ্য হয়। আনহাতে কিছুমান ক্ষেত্ৰত অস্ত্ৰোপচাৰৰ প্ৰয়োজন হয়। যদি এই মুহূৰ্তত চাইনাচৰ সমস্যাৰ সৃষ্টি হয়, তেন্তে কিছুমান ঘৰুৱা উপায়েৰেও সকাহ পাব পাৰে।
দীৰ্ঘদিনলৈ প্ৰতিদিনে এন্টিবায়টিক সেৱন কৰাটো ঠিক নহয়, সেয়েহে বহুতো প্ৰাকৃতিক বস্তুৱে কিছুমান স্বাস্থ্যজনিত সমস্যাৰ পৰা সকাহ দিয়াত ফলপ্ৰসূ। যদি আপুনি চাইনাচৰ সমস্যাৰ পৰা সকাহ পাব বিচাৰে তেন্তে কিছুমান ঘৰুৱা উপায়ো চেষ্টা কৰিব পাৰে।
দৈনিক গৰম পানীৰ ভাপ লওক
যদি চাইনাচৰ সমস্যাৰ সৃষ্টি হয়, তেন্তে সকাহ পোৱাৰ আটাইতকৈ উত্তম উপায় হ’ল দৈনিক কিছু সময়ৰ বাবে ভাপ লোৱাটো। ইয়াৰ ফলত মূৰ গধুৰ লগা ভাব কমি যাব আৰু কপালৰ আশে-পাশে থকা অংশৰ বিষৰ পৰাও সকাহ পাব। ইয়াৰ বাবে পানী গৰম কৰি তাত কেইটোপালমান ইউকেলিপ্টাছ অইল বা পদিনা তেল দিব। ৰাতি শুৱাৰ পূৰ্বে ভাপ লগাব লাগে।
নহৰুৱে সংক্ৰমণ হ্ৰাস কৰে
চাইনাচৰ সংক্ৰমণৰ সমস্যা হ্ৰাস কৰাত নহৰু সেৱন কৰাটো ফলপ্ৰসূ, কাৰণ ইয়াত এন্টিবেক্টেৰিয়েল গুণ আছে। প্ৰতিদিনে দুটাৰ পৰা তিনিটা কেঁচা নহৰু চোবাই খাব লাগে।
নিয়মবিলাক মানি চলক
- নিজৰ হাত দুখন সঘনাই ধোৱাৰ অভ্যাস কৰিলে বীজাণু আৰু সংক্ৰমণ কিছু পৰিমাণে ৰোধ কৰিব পৰা যায়।
- ধুম্ৰপান ত্যাগ কৰা উচিত।
- শিশুৰ নিয়মিত টিকাকৰণ কৰিব লাগে।
- ঠাণ্ডাৰ দ্বাৰা আক্ৰান্ত হ’লে বা শ্বাসনলীৰ সংক্ৰমণ হ’লে তৎক্ষণাৎ চিকিৎসাৰ ব্যৱস্থা কৰিব লাগে।
- ঠাণ্ডাৰ দিনত বিশেষ সাৱধানতা ল’ব লাগে।
- যিমান দুৰ সম্ভৱ নিজক ধুলি-মাকতি, নালাগে।
- ঋতু অনুযায়ী উৎপন্ন হোৱা ফল-মুল সেৱন কৰিব লাগে।
- ফ্ৰীজত ৰখা বস্তু, ময়দাৰ দ্বাৰা বনোৱা খাদ্য সামগ্ৰী, ফাষ্টফুড, কাৰ্বনেটেড ড্ৰিংকছ, চিগাৰেট, চকলেট , মদ্য, ব্ৰেড,
- জাংকফুড ইত্যাদি ত্যাগ কৰিব লাগে।
- নিয়মিত ব্যায়াম আৰু খোজ কাঢ়িব লাগে।
- খাদ্যত নহৰু আৰু পিঁয়াজ ব্যৱহাৰ কৰিব লাগে।
- অতি উষ্ণ বা অতি ঠাণ্ডা খাদ্য বস্তু পৰিহাৰ কৰিব লাগে।
যদি আপোনাৰ চাইনাচ আছে তেন্তে নাকৰ ভিতৰটো পৰিষ্কাৰ কৰাটো অতি প্ৰয়োজনীয়। পাত্ৰ এটা লৈ এটা নাকৰ ফুটাৰে কুহুমীয়া নিমখীয়া পানী (ছালে যিমান অনুভৱ কৰিব পাৰে) ঢালি দিব, এই পানী আনটো নাকৰ ফুটাৰ পৰা ওলাই আহিব আৰু চাইনাচৰ বেক্টেৰিয়া আৰু মলিবোৰো পৰিষ্কাৰ হ’ব, যিটোৱে আপোনাক সকাহ প্ৰদান কৰিব। কিন্তু যদি আপুনি আগতে কেতিয়াও এই প্ৰক্ৰিয়া কৰা নাই তেন্তে আপুনি এজন বিশেষজ্ঞৰ পৰামৰ্শ ল’ব পাৰে যাতে তেওঁ আপোনাক কেনেকৈ সঠিকভাৱে কৰিব লাগে ক’ব পাৰিব।
এইবোৰ বস্তু সেৱন কৰক
ঠাণ্ডা বা প্ৰদূষণৰ ফলত হোৱা চাইনাচ কম কৰিবলৈ আদা, ক’লা জলকীয়া আৰু তুলসী পিহি কাপ বনাই একাপ পানীত ভালদৰে উতলাই ফিল্টাৰ কৰাৰ পিছত এচিকুট নিমখ দি সেৱন কৰক। এই কাপেৰে শ্লেষ্মা বাহিৰ কৰি নাক খোলাত সহায় কৰিব। দিনটোত দুবাৰকৈ সেৱন কৰাটো ভাল।
