যদি বিমানত কোনো শিশুৰ জন্ম হয়, তেন্তে কোন ঠাইৰ পাব নাগৰিকত্ব? জানক সবিশেষ

বিমানত জন্ম হোৱা শিশুৰ জন্মস্থান কি হ’ব?

If a Baby Borns in Flight: যিকোনো দেশৰ নাগৰিকত্ব কেনেকৈ পোৱা যায়? জন্ম, পিতৃ-মাতৃৰ নাগৰিকত্ব, বংশ, পঞ্জীয়ন, দীৰ্ঘম্যাদী বাসস্থান ইত্যাদিৰ জৰিয়তে। আটাইতকৈ ডাঙৰ কথাটো হ’ল শিশুয়ে যিখন দেশত জন্ম গ্ৰহণ কৰে সেইখন দেশৰ নাগৰিকত্ব লাভ কৰে। এই নিয়ম পৃথিৱীত জন্ম লোৱাসকলৰ বাবে ঠিকেই আছে, কিন্তু আকাশত সন্তান জন্ম হ’লে কি হ’ব পাৰে আপুনি জানেনে?

অৰ্থাৎ আকাশ মাৰ্গেৰে উৰি গৈ থকা বিমানত যদি শিশুৰ জন্ম হয়, তেন্তে তেওঁৰ নাগৰিকত্ব কি হ’ব? তেওঁৰ জন্মৰ প্ৰমাণ-পত্ৰত জন্মস্থানৰ ঘৰতত কি লিখি পূৰণ কৰা হ’ব?

সাধাৰণতে গৰ্ভৱতী মহিলাই গৰ্ভাৱস্থাৰ ৯ নম্বৰ মাহত প্ৰায়ে ভ্ৰমণৰ পৰা বিৰত থাকে। এইটোও স্পষ্ট যে, ভাৰতত ৭ মাহ বা তাতকৈ অধিক মাহৰ গৰ্ভৱতী হোৱা কোনো মহিলাই বিমানেৰে যাত্ৰা কৰিবলৈ দিয়া নহয়। অৱশ্যে জৰুৰীকালীন আৰু কিছুমান বিশেষ ক্ষেত্ৰত ইয়াৰ অনুমতি দিয়া হয়।

গতিকে কল্পনা কৰকচোন, ভাৰতৰ পৰা আমেৰিকালৈ যোৱা বিমানত যদি এগৰাকী মহিলাই সন্তান জন্ম দিয়ে, তেন্তে সেই সন্তানৰ জন্মস্থান কি হ’ব? ক’ৰ পৰা পাব তেওঁ নাগৰিকত্ব? এইটো এটা ডাঙৰ প্ৰশ্ন। আহক আমি আৰু বুজিবলৈ চেষ্টা কৰোঁ।

এইদৰেই সিদ্ধান্ত লোৱা হয় সন্তানৰ জন্মস্থানৰ

বিমানবন্দৰ কৰ্তৃপক্ষত কাম কৰা এজন বিষয়াই কয় যে, এনে ক্ষেত্ৰত প্ৰথমে সীমান্ত চোৱাৰ প্ৰয়োজন। উৰি থকা সময়ত শিশু জন্ম হ’লে চাব লাগিব যে শিশুটিৰ জন্মৰ সময়ত বিমানখন কোনখন দেশৰ সীমাৰ ভিতৰত উৰি আছে। এতিয়া বিমানখন অৱতৰণ কৰাৰ পিছত সংশ্লিষ্ট দেশৰ বিমানবন্দৰ কৰ্তৃপক্ষৰ পৰা শিশুটিৰ জন্মৰ প্ৰমাণ পত্ৰ লাভ কৰিব পাৰিব।

এই সময়ছোৱাত সীমান্তৰ ওপৰেৰে উৰাজাহাজেৰে যাওঁতে শিশুটিৰ জন্ম হোৱা দেশৰ নাম শিশুটিৰ জন্মৰ প্ৰমাণ পত্ৰত লিপিবদ্ধ কৰা হ’ব। অৱশ্যে বিশেষজ্ঞসকলৰ মতে শিশুটিয়ে পিতৃ-মাতৃৰ দেশৰ নাগৰিকত্ব লাভৰ অধিকাৰো আছে।

এই উদাহৰণটোৰে বুজি লওক

ধৰি লওক যে শ্ৰীলংকাৰ পৰা আমেৰিকালৈ যোৱা এখন বিমান ভাৰতৰ সীমান্তৰ ওপৰেৰে পাৰ হৈ গৈ আছে আৰু এই বিমানৰ সময়ত এগৰাকী শ্ৰীলংকাৰ মহিলাই সন্তান জন্ম দিয়ে, তেতিয়া শিশুটিৰ জন্মস্থান ভাৰত বুলি গণ্য কৰা হ’ব। এইদৰে বিমানত জন্ম লোৱা শিশুটিয়ে ভাৰতীয় নাগৰিকত্ব লাভ কৰিব পাৰে। কিন্তু যিহেতু তেওঁৰ পিতৃ-মাতৃ শ্ৰীলংকাৰ লোক, সেয়েহে শ্ৰীলংকাৰ নাগৰিকত্ব লাভৰ অধিকাৰো তেওঁৰ আছে। কিন্তু ভাৰতত এতিয়ালৈকে দ্বৈত নাগৰিকত্বৰ কোনো ব্যৱস্থা নাই।

পূৰ্বে এনেকুৱা হৈছে নেকি?

সংবাদ মাধ্যমৰ বাতৰি অনুসৰি আমেৰিকাত কেইবছৰমান আগতে এনে এটা গোচৰ পোহৰলৈ আহিছিল। প্ৰতিবেদন অনুসৰি, নেদাৰলেণ্ডৰ ৰাজধানী আমষ্টাৰডামৰ পৰা আমেৰিকা অভিমুখে এখন বিমান উৰা মাৰিছিল। আটলাণ্টিক মহাসাগৰ অঞ্চলৰ ওপৰেৰে বিমানখন পাৰ হৈ যোৱাৰ সময়ত বিমানখনত থকা এগৰাকী মহিলাৰ প্ৰসৱ বেদনা আৰম্ভ হ’বলৈ ধৰিলে। উৰন্ত সময়ত মহিলাগৰাকীয়ে সন্তান জন্ম দিয়ে। পিছত মাতৃ আৰু সন্তানক আমেৰিকাৰ মেছাচুচেটছ জেনেৰেল হস্পিতাললৈ লৈ যোৱা হয়।

যিহেতু সন্তানৰ জন্ম আমেৰিকাৰ সীমান্তৰ ভিতৰত হৈছিল, সেয়েহে সন্তানটো আমেৰিকাৰ নাগৰিকত্ব লাভ কৰিছিল। কিন্তু তেওঁৰ পিতৃ-মাতৃ নেদাৰলেণ্ডৰ আছিল, সেয়েহে তাতো তেওঁ নাগৰিকত্ব লাভ কৰিছিল। অৰ্থাৎ সেই ছোৱালীজনীৰ আমেৰিকা আৰু নেদাৰলেণ্ড দুয়োখন দেশৰ নাগৰিকত্ব আছে। যদিও বহু দেশত উৰণৰ সময়ত জন্ম হোৱা শিশুৰ নাগৰিকত্ব সম্পৰ্কে বেলেগ বেলেগ নিয়ম আছে, তথাপিও কিছুমান দেশত এনে ব্যৱস্থা একেবাৰেই নাই।