ডায়েবেটিছ ৰোগীয়ে গ্ৰীষ্মকালত কি কি বস্তু খাব নালাগে? বিশেষজ্ঞৰ পৰা জানক…

ডায়েবেটিছ ৰোগীয়ে গ্ৰীষ্মকালত নিজৰ স্বাস্থ্যৰ বিশেষ যত্ন লোৱাটো প্ৰয়োজন। এই দিনবোৰত চুগাৰৰ মাত্ৰা বৃদ্ধি হোৱাৰ আশংকা থাকে। পিয়াহ বেছি অনুভৱ হোৱাৰ বাবে বহুলোকে চৰবৎ, কুঁহিয়াৰৰ ৰস আৰু শীতল পানীয় খায়। কিন্তু এইবোৰ বস্তুৱে ডায়েবেটিছ ৰোগীৰ সমস্যা বৃদ্ধি কৰিব পাৰে। ডায়েবেটিছ ৰোগীয়ে গ্ৰীষ্মকালত কি কি খাব নালাগে সেই বিষয়ে বিশেষজ্ঞসকলৰ পৰা জানো আহক।

দিল্লীৰ আৰ এম এল হাস্পতালৰ চিকিৎসা বিভাগৰ ডাঃ সুভাষ গিৰিয়ে কয় যে, গ্ৰীষ্মকালত মিঠা পানীয় যেনে শীতল পানীয়, কুঁহিয়াৰৰ ৰস আদিয়ে চুগাৰৰ মাত্ৰা দ্ৰুতগতিত বৃদ্ধি কৰিব পাৰে। গৰমৰ বতৰত ডায়েবেটিছ ৰোগীয়ে এইবোৰ বস্তুৰ পৰিৱৰ্তে চেনি নোহোৱাকৈ নেমু পানী, নাৰিকল পানী বা ভেষজ চাহ খাব লাগে।লগতে ডায়েবেটিছ ৰোগীয়ে পেকেটত ভৰাই থোৱা খাদ্য খাব নালাগে। কাৰণ তাত চেনি আৰু নিমখ বেছি পৰিমাণে থাকে, যাৰ ফলত চুগাৰৰ মাত্ৰা বৃদ্ধি পাব পাৰে। এইবোৰৰ সলনি ফলমূল, শাক-পাচলি আৰু গোটা শস্য খাব লাগে।

কোনো ধৰণৰ মদ্যপান নকৰিব

ডাঃ সুভাষে কয় যে গ্ৰীষ্মকালত বিয়েৰ খাবলৈ কিছুমানে ভাল পায়, কিন্তু যিসকলৰ চুগাৰৰ মাত্ৰা বেছি হয় তেওঁলোকে কোনো ধৰণৰ মদ খাব নালাগে। মদ্যপানে তেজৰ চুগাৰৰ মাত্ৰাত প্ৰভাৱ পেলাব পাৰে আৰু ডায়েবেটিছ ৰোগীৰ বাবে এয়া ক্ষতিকাৰক হ’ব পাৰে। এই লোকসকলক মদ্যপান কমাবলৈ বা সম্পূৰ্ণৰূপে ত্যাগ কৰিবলৈ পৰামৰ্শ দিয়া হৈছে।

কেফেইন নাখাব

কিছুমান মানুহে গৰমৰ দিনতো আবেগ নিয়ন্ত্ৰণ কৰিব নোৱাৰি চাহ-কফি খায়। ডায়েবেটিছ ৰোগীক এইবোৰ নাখাবলৈ পৰামৰ্শ দিয়া হৈছে। অত্যাধিক কেফেইন সেৱনে তেজৰ চুগাৰৰ ওপৰত প্ৰভাৱ পেলাব পাৰে। কেফেইন সেৱন কম কৰক আৰু খাদ্যত ভেষজ চাহ বা কেফেইনমুক্ত কফি অন্তৰ্ভুক্ত কৰক। ডাঃ গিৰিয়ে কয় যে. গ্ৰীষ্মকালত ডায়েবেটিছ ৰোগীয়ে খাদ্যাভ্যাসৰ প্ৰতি বিশেষ গুৰুত্ব দিব লাগে আৰু তেজৰ চেনিৰ মাত্ৰা প্ৰভাৱিত কৰিব পৰা বস্তুৰ পৰা আঁতৰি থাকিব লাগে। সুষম আৰু পুষ্টিকৰ খাদ্য গ্ৰহণ কৰিলে ডায়েবেটিছ নিয়ন্ত্ৰণত সহায়ক হ’ব পাৰে।