দ্ৰুত গতিত ওজন হ্ৰাস কৰাৰ ফলত শৰীৰৰ কি কি ক্ষতি হ’ব পাৰে? সবিশেষ জানক…
Weight Loss Tips: বহু লোকে খাদ্যত শৰ্কৰা আৰু চৰ্বি ত্য়াগ কৰি সোনকালে ওজন হ্ৰাস কৰিব বিচাৰে। কিন্তু স্বাস্থ্যৰ দৃষ্টিকোণৰ পৰা কেইদিনমানৰ ভিতৰত ওজন হ্ৰাস কৰাটো সুৰক্ষিত নে? দ্ৰুতগতিত ওজন হ্ৰাস কৰি স্বাস্থ্যৰ ক্ষতি কি হ'ব পাৰে জানো আহক।
Weight Loss: ওজন হ্ৰাস কৰাটো সহজ কাম নহয়। ইয়াৰ বাবে কেইবামাহৰ সময় লাগিব পাৰে। আজিকালি ইণ্টাৰনেটৰ যুগত মানুহে কেইদিনমানৰ ভিতৰতে ওজন হ্ৰাস কৰাৰ কথা কয়। বেছিভাগ লোকে কোনো কঠোৰ পৰিশ্ৰম নকৰাকৈ তেওঁলোকৰ ওজন দ্ৰুততাৰে হ্ৰাস হোৱাটো বিচাৰে। কিন্তু আপুনি জানেনে দ্ৰুত ওজন হ্ৰাসে স্বাস্থ্যক কিমান প্ৰভাৱিত কৰে?
ডায়েটিচিয়ান মোহিনী ডংৰেৰ মতে কম সময়ৰ ভিতৰতে অধিক ওজন হ্ৰাস কৰাৰ ফলত স্বাস্থ্যৰ ওপৰত বহুতো নেতিবাচক প্ৰভাৱ পৰিব পাৰে। অৱশ্যে, ওজন হ্ৰাস এক স্বাস্থ্যকৰ জীৱনশৈলীৰ ৰুটিনৰ অংশ হ’ব পাৰে। কিন্তু অতি সোনকালে ওজন হ্ৰাস কৰিলে শৰীৰৰ বহুতো ক্ষতি হয়।
পুষ্টিৰ অভাৱ
যেতিয়া মানুহে দ্ৰুতগতিত ওজন হ্ৰাস কৰে, তেওঁলোকে কম কেলৰিযুক্ত আহাৰ গ্ৰহণ কৰে। এনে আহাৰত প্ৰ’টিন, ভিটামিন, খনিজ আৰু আঁহৰ অভাৱ হ’ব পাৰে। যাব ফলত শৰীৰে প্ৰয়োজনীয় শক্তি আৰু পুষ্টি নাপায়। যিয়ে দুৰ্বলতা, ভাগৰ ৰোগ প্ৰতিৰোধ ক্ষমতাক প্ৰভাৱিত কৰে।
মাংসপেশীৰ ওপৰত প্ৰভাৱ
মাংসপেশীবোৰে কেলৰি দহন কৰাত সহায় কৰে। যেতিয়া আমি দ্ৰুতগতিত ওজন হ্ৰাস কৰোঁ, ই কেৱল চৰ্বিৰ ওপৰতেই নহয় কিন্তু শৰীৰৰ পেশীৰ ওপৰতো বেয়া প্ৰভাৱ পেলায়। যিয়ে বিপাক ক্ৰিয়াও ক্ষতিগ্ৰস্ত কৰে।
হৰমনৰ ভাৰসাম্যহীনতা
দ্ৰুত ওজন হ্ৰাসৰ ফলত শৰীৰত হৰমনৰ ভাৰসাম্যহীনতা হ’ব পাৰে। বিশেষকৈ মহিলাৰ ক্ষেত্ৰত, হৰমনৰ ভাৰসাম্যহীনতাৰ বাবে বহুতো সমস্যাই দেখা দিব পাৰে। হৰমনৰ ভাৰসাম্যহীনতাই মানসিক স্থিতিৰ ওপৰতো প্ৰভাৱ পেলোৱাৰ সম্ভাৱনা থাকে। ইয়াৰ ফলত চাপ আৰু খিংখিঙীয়া হোৱাৰ দৰে সমস্যা হ’ব পাৰে।
ভাগৰ আৰু দুৰ্বলতা
পুষ্টি নথকা খাদ্য খোৱাৰ ফলত শৰীৰত শক্তিৰ স্তৰ হ্ৰাস হ’ব পাৰে। ইয়াৰ ফলত এজন ব্যক্তিৰ মূৰ ঘূৰোৱা, মুৰৰ বিষ আৰু ভাগৰ আদিয়ে দেখা দিব। লগতে অলসতা আৰু দুৰ্বলতাৰ বাবে, দৈনন্দিন কামবোৰ কৰাটো আপোনাৰ বাবে কঠিন হৈ পৰিব পাৰে।
এনে পৰিস্থিতিত, দ্ৰুত ওজন হ্ৰাসৰ চেষ্টা নকৰিব। ওজন হ্ৰাস কৰা যাত্ৰাটোত অলপ সময় দিয়ক, যাতে স্বাস্থ্যৰ কোনো ক্ষতি নহয়। আপোনাৰ আহাৰত প্ৰ’টিন আৰু আঁহৰ পৰিমাণ উপযুক্ত পৰিমাণত ৰাখিব।
