ঘামৰ দুৰ্গন্ধৰ বাবে সমস্যাত পৰিছে নেকি? গা ধোৱা পানীত মিহলি কৰক এইসমূহ বস্তু

ঘাম ওলোৱাটো শৰীৰত এক স্বাভাৱিক প্ৰক্ৰিয়া। কিয়নো ই শৰীৰৰ পৰা বিষাক্ত পদাৰ্থবোৰ আঁতৰ কৰে। যিয়ে ছাল ভালে ৰখাৰ লগতে লগতে সু-স্বাস্থ্যৰ বাবে উপকাৰী। অৱশ্যে, ঘাম ওলোৱাৰ বাবে কিছুমান লোকৰ শৰীৰৰ পৰা অদ্ভুত গোন্ধৰ পোৱা যায়। ইয়াৰ আঁৰৰ কাৰণ ঘাম নহয়, ইয়াৰ দ্বাৰা উৎপন্ন বেক্টেৰিয়াহে। এনে ক্ষেত্ৰত ঘামৰ গোন্ধই যিকোনো লোকক লাজত পেলাব পাৰে। সেয়েহে ইয়াক পৰিত্ৰাণ পাবলৈ মানুহে বিভিন্ন প্ৰকাৰৰ ব্যয়বহুল ডিঅ’ড্ৰেণ্ট, পাৰফিউম ব্যৱহাৰ কৰে, যদি আপুনিও এনে সমস্যাত ভুগি আছে আৰু ঘামৰ বেক্টেৰিয়াৰ সৈতে মোকাবিলা কৰিব বিচাৰে, তেনেহ’লে পৰিচ্ছন্নতাৰ ক্ষেত্ৰত বিশেষ যত্ন লোৱা প্ৰয়োজন। ইয়াৰ বাহিৰেও, ডিঅ’ড্ৰেণ্টৰ সলনি কিছুমান প্ৰাকৃতিক বস্তু পানীত মিহলাই গা ধুব লাগে।

যদি আপুনি ৰাতিপুৱা গা ধোৱাৰ সময়ত পানীত কিছুমান বস্তু মিহলাই লয়, ঘামৰ গোন্ধৰ পৰা পৰিত্ৰাণ পাব আৰু আপুনি গোটেই দিনটো সতেজ অনুভৱ কৰিব। প্ৰকৃততে, এই প্ৰাকৃতিক বস্তুবোৰ বেক্টেৰিয়া-বিৰোধী আৰু লগতে ভাল সুগন্ধি প্ৰদান কৰে। ইয়াৰ বিষয়ে জানো আহক…

ফিটকিৰি

ঘামৰ ফলত ওলোৱা দুৰ্গন্ধ আঁতৰাবলৈ ফিটকিৰি হৈছে এক উৎকৃষ্ট উপাদান। গা ধোৱা পানীত অলপ ফিটকিৰি পাউডাৰ যোগ দিয় মিহলি কৰক। আপুনি সুগন্ধিৰ বাবে কেইটোপালমান অত্যাৱশ্যকীয় তেল বা গোলাপ জল যোগ দিব পাৰে। ই আপোনাক ছালৰ সংক্ৰমণৰ পৰাও সুৰক্ষিত কৰিব।

বেকিং চডা

গা ধোৱাৰ পানীত বেকিং চডাও যোগ দিব পাৰি। যদি আপোনাৰ ঘামৰ গোন্ধ বেছি অসহ্যকৰ হয়, তেনেহ’লে পানীৰে বেকিং চডাৰ পেষ্ট এটা বনাওক আৰু ইয়াক আণ্ডাৰ আৰ্মত প্ৰয়োগ কৰক। ই আপোনাক গোটেই দিনটো সতেজ অনুভৱ কৰাব আৰু ঘামৰ গোন্ধৰ পৰা ৰক্ষা কৰিব।

গ্ৰীণ টি আৰু নেমুৰ ৰস

গ্ৰীণ টি আৰু নেমু স্বাস্থ্য আৰু ছাল দুয়োটাৰে বাবে অতি উপকাৰী উপাদান। ঘামৰ ফলত অহা গোন্ধৰ পৰা পৰিত্ৰাণ পাবলৈ, আপুনি এই দুটা বস্তু গা ধোৱাৰ পানীত মিহলি কৰিব পাৰে। গ্ৰীণ টি উতলাওক আৰু ইয়াৰ পানী গা ধোৱা পানীত মিহলি কৰক। তাত এটা নেমুৰ ৰসো ব্যৱহাৰ কৰিব পাৰি। ই ছাল শুকান হোৱাৰ পৰাও ৰেহাই দিয়ে আৰু ছালৰ অন্যান্য সমস্যাও আঁতৰ কৰে।