এই নিয়মে আপোনাৰ ওজন দ্ৰুতভাৱে কমোৱাত সহায় কৰিব, সবিশেষ জানক…

ওজন নিয়ন্ত্ৰণ কৰিবলৈ কি কৰিব?

দেহৰ ওজন তথা চৰ্বি কমালে হৃদৰোগৰ সম্ভাৱনা কম হোৱাৰ লগতে মধুমেহ ৰোগৰ সম্ভাৱনাও ৰোধ কৰিব পাৰি। অতিৰিক্ত চৰ্বি আঁতৰাই শৰীৰটো শক্তিশালি কৰি ৰাখিব পাৰে । ইয়াৰ ফলত আপোনাৰ আত্মবিশ্বাস বৃদ্ধি হোৱাই নহয়, শক্তিৰ মাত্ৰাও বৃদ্ধি পাব। কেৱল এয়াই নহয়, চৰ্বি কমালে আপোনাৰ টোপনিও উন্নত হ’ব। বিশেষজ্ঞৰ মতে আপুনি ওজন হ্ৰাস কৰিবলৈ বা দেহৰ চৰ্বি কমাবলৈ কি উপায় গ্ৰহণ কৰিব এই প্ৰতিবেদনৰ জৰিয়তে জানক ।

ওজন হ্ৰাস বা শৰীৰৰ চৰ্বি কমাবলৈ কি উপায় গ্ৰহণ কৰিব ?

• খাদ্যাভ্যাস নিৰীক্ষণ কৰাত সহায়ক হোৱাকৈ বহুতো এপ উপলব্ধ। এনে পৰিস্থিতিত আপুনি নিয়মিতভাৱে এটা এপ ব্যৱহাৰ কৰিব লাগিব, য’ত আপোনাক কোৱা হ’ব যে কেনেকৈ অতিমাত্ৰা খাদ্যৰ পৰা হাত সাৰিব পাৰি আৰু খাদ্যৰ অতিৰিক্ত অংশ কেনেকৈ কম কৰিব পাৰি। অতিৰিক্ত চৰ্বি আঁতৰাবলৈ দৈনিক প্ৰায় ৫০০ কেলৰি জ্বলাব লাগে।
• চ’ডা, ফলৰ ৰস আৰু কফিত কেলৰি প্ৰচুৰ পৰিমাণে পোৱা যায়। ইয়াৰ উপৰিও এই পানীয়বোৰে আপোনাৰ ভোক পূৰণতো সহায় কৰে। খাদ্যত পানীয়, গ্ৰীণ টি, ক’লা কফি বা বনৌষধি চাহ অন্তৰ্ভুক্ত কৰক। এই পানীয়বোৰত অতিৰিক্ত কেলৰি যোগ নকৰাকৈয়ে নেমু,পদিনা মিহলাই ইয়াৰ সোৱাদ বৃদ্ধি কৰিব পাৰে।
• ব্য়ায়াম কৰিলে পেশী গঠনত সহায় কৰে, আনহাতে কাৰ্ডিঅ’ই কেলৰি জ্বলাই দিয়ে। ২০-৩০ মিনিট কাৰ্ডিঅ’ কৰি ওজন নিয়ন্ত্ৰণ কৰিব পাৰি, কিন্তু এই কামটো বিশেষজ্ঞৰ তত্বাৱধানতহে কৰিব লাগিব। সৰ্বাধিক ফলাফলৰ বাবে স্কুৱেট, ডেডলিফ্ট আৰু পুছ-আপৰ দৰে ব্যায়াম কৰক।
• প্ৰটিনে আপোনাৰ শৰীৰক শক্তি প্ৰদান কৰে । ইয়াৰ উপৰিও ই পেশীসমূহক সুৰক্ষা প্ৰদান কৰে আৰু বিপাকীয় ক্ৰিয়াত সহায় কৰে। কণী, কুকুৰা মাংস, মাছ,মচুৰ দাইল আৰু গ্ৰীক দৈত প্ৰচুৰ পৰিমাণে প্ৰটিন থাকে। আপুনি খোৱা প্ৰতিটো আহাৰত কমেও ২০-৩০ গ্ৰাম প্ৰটিন থকাটো নিশ্চিত কৰিবলৈ চেষ্টা কৰক।
• শাক-পাচলিত কেলৰি কম যদিও আঁহ বেছি থাকে, যাৰ ফলত পেট ভৰি থাকে। কচু, ব্ৰকলি, বিলাহী, কেপচিকামত প্ৰচুৰ পৰিমাণে আঁহ থাকে। অতিমাত্ৰা খাদ্য খোৱাৰ পৰা হাত সাৰিবলৈ আপোনাৰ প্লেটৰ আধা অংশ শাক-পাচলিৰে ভৰাই লওক।
• যদি আপুনি পৰ্যাপ্ত পৰিমাণে টোপনি নাপায় তেন্তে আপোনাৰ অসম্পূৰ্ণ টোপনিয়ে ভোকৰ হৰম’ন বৃদ্ধি কৰে আৰু চৰ্বি কমোৱাৰ গতি লেহেমীয়া কৰে। আপুনি শুবলৈ যোৱাৰ আগত কিছুমান কথাৰ ওপৰত বিশেষ যত্ন লওক। এই সময়ত মোবাইল কম ব্যৱহাৰ কৰক আৰু শোৱনি কোঠাটো আন্ধাৰ কৰি লওক । ভাল টোপনিয়ে স্বাস্থ্য উপকাৰীতা বৃদ্ধি কৰে আৰু লোভ হ্ৰাস কৰে। লগতে খোজ কঢ়ি কেলৰি জ্বলাব পাৰে আৰু সামগ্ৰিক কাৰ্যকলাপ বৃদ্ধি কৰিব পাৰে । প্ৰতিদিনে ১০ হাজাৰ খোজ খোজ কাঢ়িবলৈ চেষ্টা কৰক।