Rongali Bihu Wishes : এইদৰে আপোনজনলৈ প্ৰেৰণ কৰক ৰঙালী বিহু আৰু অসমীয়া নৱবৰ্ষৰ শুভেচ্ছা…
কৃষি সংস্কৃতিৰ আৰম্ভনিৰ পৰাই অসমীয়া জনসাধাৰণে কৃষিৰ লগত সংগতি ৰাখি ৰঙালী বিহু উদযাপন কৰি আহিছে। চ’তৰ সংক্রান্তিৰ পৰা আৰম্ভ হৈ ব’হাগৰ ছয় দিনলৈ পালন কৰা হয় ব’হাগ বিহু বা ৰঙালী বিহু। ইয়াক সাত বিহু বুলিও জনা যায়। এইবাৰৰ ৰঙালী বিহুটি অধিক বিশেষ কৰি তুলিবলৈ বন্ধু অথবা পৰিয়ালৰ লোকক জনাব পাৰে বিহু আৰু নৱবৰ্ষৰ শুভেচ্ছা।
ব’হাগ মানেই ৰং, আনন্দ। সেয়ে ব’হাগ বিহুক ৰঙালী বিহু বুলিও কোৱা হয়। বছৰৰ ভিন ভিন সময়ত অসমীয়াই পালন কৰে তিনিটা বিহু । এই তিনিটা হ’ল-ব’হাগ বিহু বা ৰঙালী বিহু, কাতি বিহু বা কঙালী বিহু আৰু মাঘ বিহু বা ভোগালী বিহু। কৃষি সংস্কৃতিৰ আৰম্ভনিৰ পৰাই অসমীয়া জনসাধাৰণে কৃষিৰ লগত সংগতি ৰাখি ৰঙালী বিহু উদযাপন কৰি আহিছে। ব’হাগ বিহু বা ৰঙালী বিহু তিনিওটা বিহুৰ ভিতৰত প্রধান।ব’হাগ বিহুৰ লগত ৰং-তামাচা, নৃত্য-গীতৰ লগতে বহুতো ৰীতি-নীতি, লোকাচাৰ আৰু জনবিশ্বাস জড়িত হৈ আছে।চ’তৰ সংক্রান্তিৰ পৰা আৰম্ভ হৈ ব’হাগৰ ছয় দিনলৈ পালন কৰা হয় ব’হাগ বিহু বা ৰঙালী বিহু। ইয়াক সাত বিহু বুলিও জনা যায়।
কেতিয়া পালন কৰা হ’ব ৰঙালী বিহু ২০২৫?
ৰঙালী বা ব’হাগ বিহু এপ্ৰিল মাহত উদযাপন কৰা হয় আৰু উদযাপন সাত দিন ধৰি চলি থাকে। এই সাতদিন ‘গৰু বিহু’, ‘মানুহ বিহু’, ‘গোসাঁই বিহু’, ‘তাতোৰ বিহু’, ‘নাঙলৰ বিহু’, ‘জীয়ৰী বা চেনেহী বিহু’, আৰু ‘চেৰা বিহু’। চ’তৰ সংক্রান্তিৰ দিনাৰ পৰা আৰম্ভ হোৱা বিহু শেষ হয় ব’হাগ মাহৰ ৬ তাৰিখে। অৰ্থাৎ এইবাৰ ১৪ এপ্ৰিলৰ পৰা ২০ এপ্ৰিললৈ পালন কৰা হ’ব ৰঙালী বা ব’হাগ বিহু।
ৰঙালী বিহু আৰু অসমীয়া নৱবৰ্ষৰ শুভেচ্ছা
- সকলোলৈ বাপতিসাহোন ৰঙালী বিহু আৰু অসমীয়া নৱবৰ্ষৰ হিয়াভৰা প্ৰীতি আৰু শুভেচ্ছা জনালোঁ।
- ৰঙালীৰ ৰঙে জীৱনলৈ কঢ়িয়াই আনক ৰঙৰ বতৰা, আপোনালৈ অসমীয়া বাপোতিসাহোন ৰঙালী বিহুৰ আন্তৰিক শুভেচ্ছা।
- ৰঙালীৰ ৰঙে ৰঙীন কৰি তোলক আৰু আপোনাৰ আপোনাৰ জীৱন, ৰঙালী বিহুৰ শুভেচ্ছা।
- ব’হাগৰ সুকীয়া পৰিৱেশে সকলোৰে জীৱনলৈ কঢ়িয়াই আনক সুখৰ বতৰা, সকলোৰে বাবে আনন্দময় হওঁক আদৰৰ ৰঙালী বিহুটি।
- ৰঙালীৰ আগমণে সকলোৰে জীৱনৰ দুখ-কষ্ট আঁতৰ কৰি আনি দিয়ক সুখ, শান্তি, সমৃদ্ধিৰ বতৰা। ৰঙালী বিহুৰ শুভকামনা।
- ৰঙালীৰ ৰঙেৰে উপচি পৰক আপোনাৰ জীৱন,তাৰেই কামনা কৰিলোঁ।
- ব’হাগৰ বিহুটিয়ে শান্তি, সম্প্ৰীতি, সমন্বয়ৰ এনাজৰীডাল সুদৃঢ় কৰি সমাজলৈ কঢ়িয়াই আনক সমৃদ্ধি আৰু আনন্দৰ নতুন বতৰা।
- ব’হাগৰ আগমনত নতুন ৰূপেৰে জিলিকি উঠিছে প্ৰকৃতি। সেইদৰেই উজ্বলি উঠক আপুনি, তাৰেই কামনা…
- অসমৰ জাতীয় জীৱনৰ জীৱন্ত প্ৰতীক- হেঁপাহৰ ৰঙালীৰ ৰঙেৰে সকলোৰে জীৱন ৰঙীন হৈ উঠক তাৰে কামনা কৰিছোঁ।
- নতুন সূৰুজ, নতুন প্রাণ। নতুন সুৰ, নতুন গান। নতুন পোহৰ, নতুন প্ৰভাত। সকলোকে অসমীয়া নৱবর্ষৰ শুভেচ্ছা জনালো।
- ব’হাগে কঢ়িয়াই আনক সাহস আৰু সৃষ্টিৰ অন্তহীন প্রেৰণা। সকলোকে বহাগ বিহুৰ আন্তৰিক শুভেচ্ছা জ্ঞাপন কৰিলোঁ।
- নতুন অসমীয়া বছৰে সুখ শান্তিৰে পাৰ হয় তাৰ কামনা কৰিলো। ৰঙালী বিহু আৰু অসমীয়া নৱবৰ্ষৰ শুভেচ্ছা।
- নতুন বছৰটো হৈ পৰক ৰঙালীৰ দৰেই ৰঙীণ আৰু সুখ শান্তিৰে পৰিপূৰ্ণ,তাৰেই আন্তৰিক কামনাৰে সকলোকে ৰঙালী বিহুৰ শুভেচ্ছা জনালোঁ।
