আজি শাওণৰ প্ৰথম সোমবাৰঃ এই কেইবিধ বস্তু আগবঢ়ালে শিৱ হ’ব সন্তুষ্ট, পূৰ্ণ কৰিব মনৰ ইচ্ছা

আজি শাওণ মাহৰ প্ৰথমটো সোমবাৰ। ইয়াৰ লগে লগে আৰম্ভ হ’ল ব’ল ব’ম যাত্ৰা। দেশৰ বিভিন্ন স্থানত শিৱ ভক্তই ব’ল ব’ম যাত্ৰাৰে শিৱক জলাভিষেক কৰে। শাওণ মাহ পবিত্ৰ আৰু ভগৱানৰ শিৱৰ বুলি গন্য কৰা হয়। মান্যতা অনুসৰি শাওণ মাহত শিৱক পূজা কৰিলে সকলো মনৰ কামনা পূৰ্ণ হয়। শাওণ মাহত প্ৰতি সোমবাৰে ব্ৰত ৰখা ভাল বুলি কোৱা হয়। যাৰ বাবে বহুতে বিধি অনুযায়ী এই ব্ৰত পালন কৰে।

কোৱা হয়, ভগৱান শিৱ অতি শীঘ্ৰেই ভক্তৰ দ্বাৰা সন্তুষ্ট হয়। এই মাহত শিৱ ভক্তসকলে মহাদেৱৰ নামত উপবাসে থাকি তেওঁৰ ভক্তিত নিমগ্ন হৈ থাকে। কোৱা হয় যে শাওণ মাহত  যদি যিকোনো ভক্তই সঁচা ভক্তিৰে মহাদেৱক পূজা কৰে, তেওঁৰ সকলো বিপদ, বাধা আৰু বিপদ নোহোৱা হৈ যায়। যদি এই শাওণ মাহত আপুনিও শিৱৰ ভক্তি কৰিব বিচাৰিছে তেন্তে এই বিশেষ বস্তু অৰ্পন কৰিলে পাব পাৰে সুফল।

শিৱক কি আগবঢ়াব

বেলপাতঃ  যদি আপুনি যিকোনো ধৰণৰ অসুবিধাৰ সন্মুখীন হৈছে তেন্তে এই সমস্যাৰ পৰা মুক্তি পাবলৈ শাওণৰ সোমবাৰক সৰ্বোত্তম দিন বুলি গণ্য কৰা হয়। এই দিনটোত শিৱলিংগত ১১ টা বেল পাত আগবঢ়াই ভগৱান শিৱৰ ওচৰত সুখ আৰু সমৃদ্ধি বৃদ্ধিৰ বাবে প্ৰাৰ্থনা কৰক। ইয়াৰ ফলত সমস্যা নাইকীয়া হয় বুলি বিশ্বাস আছে।

চন্দনঃ  শিৱপুৰণৰ মতে শিৱলিংগৰ জলাধৰাৰ স্থানক অশোক সুন্দৰীৰ স্থান বুলি কোৱা হয়।  এই ঠাইৰ পানী ৰোগত আক্ৰান্ত ঠাইত লগাওক আৰু  পিছত হাত ধুই অশোক সুন্দৰীত চন্দন লগাওক। বিশ্বাস কৰা হয় যে এনে কৰিলে ব্যক্তিয়ে সকলো ৰোগৰ পৰা সকাহ পায়।

গংগা পানীঃ যুৱতীসকলে ভাল দৰা পাবলৈ শাওণৰ মাহত ভগৱান শিৱক পূজা কৰা অন্যতম বুলি গণ্য কৰা হয়। সোমবাৰে গংগা পানীৰে শিৱক জলাভিষেক কৰিব পাৰে।

চাউলঃ যদি বাঢ়ি যোৱা ঋণৰ পৰিমাণৰ বাবে আপুনি সমস্যাত পৰিছে তেন্তে সোমবাৰে শিৱ মন্দিৰ অথবা ঘৰত বিধি অনুসৰি মহাদেৱৰ পূজা কৰিব পাৰে।  ইয়াৰ বাবে পানী বা চাউল শিৱক অৰ্পন কৰিব পাৰে। শিৱলিংগক চাউল অৰ্পন কৰিলে ঋণৰ সমস্যা দূৰ হয় আৰু আৰ্থিক উন্নতি হয় বুলি কয়।

কেশৰ গাখীৰঃ শাওণ মাহৰ সোমবাৰে পুৱা গা ধুই তাৰ পিছত সূৰ্য্য ভগৱানক পানী আগবঢ়াওক। ইয়াৰ পিছত গাখীৰত কেশৰ  দি শিৱলিংগক আগবঢ়াওক। লগতে এই সময়ত  ‘ওমঃনমঃ শিৱায়’ মন্ত্ৰ জপ কৰক। ইয়াৰ দ্বাৰা এজন ব্যক্তিয়ে নিজৰ সকলো কামতে সফলতা লাভ কৰে বুলি বিশ্বাস কৰা হয়।