বহু প্ৰচেষ্টাৰ পাছতো ওজন বৃদ্ধি হোৱা নাই নেকি? এই খাদ্য প্ৰণালী অনুসৰণ কৰক

দেখাত সহজ যেন লাগিলেও ওজন বৃদ্ধি কৰাটো এক  কঠিন কাম । বহুতো মানুহ এনে আছে যিসকল অতিকৈ ক্ষীণ। অত্যাধিক ক্ষীণ হোৱাৰ বাবে, বহুসময়ত মানুহে তেওঁলোকক উপহাস কৰে। যাৰ বাবে ক্ষীণ লোকসকলৰ আত্মবিশ্বাসো হ্ৰাস হয়।

এনে পৰিস্থিতিত, ক্ষীণ লোকসকলে তেওঁলোকৰ ওজন বৃদ্ধি কৰিবলৈ চেষ্টা কৰে। কিন্তু বহুসময়ত তেওঁলোকে সঠিক ফলাফল নাপায়। খাদ্যৰ পৰিমাণ বৃদ্ধি কৰিও তেওঁলোকে ওজন বৃদ্ধি কৰিব নোৱাৰে। বিশেষকৈ যিসকল লোকৰ বিপাক অতি দ্ৰুত, তেওঁলোকৰ ওজন বৃদ্ধি কৰাত প্ৰায়ে অসুবিধা হয়।

সঠিক আহাৰ আৰু ব্যায়াম কৰা স্বত্বেও বহুলোকে তেওঁলোকৰ শৰীৰৰ ওজন বৃদ্ধি কৰিবলৈ অক্ষম। যদি আপুনি তেওঁলোকৰ মাজৰ এজন, তেনেহ’লে চিন্তা কৰাৰ প্ৰয়োজন নাই। ইয়াৰ বাবে আপোনাক কেৱল আপোনাৰ আহাৰ আৰু জীৱনশৈলীত অলপ পৰিৱৰ্তনৰ প্ৰয়োজন। ওজন বৃদ্ধি কৰিবলৈ, আপুনি আপোনাৰ কেলৰিৰ পৰিমাণ বৃদ্ধি কৰাৰ প্ৰয়োজন।

ওজন বৃদ্ধিৰ বাবে খাদ্য পৰিকল্পনা

ৰাতিপুৱাৰ আহাৰ: ৰাতিপুৱা প্ৰথমে, এগিলাচ ফুল-ক্ৰীম গাখীৰৰ সৈতে ২টা পকা কল খাব। কিয়নো কল আৰু গাখীৰত কেলৰি আৰু পুষ্টি দুয়োটা থাকে। ইয়াৰ পিছত, ৩টা সিজোৱা কণী বা অমলেট খাব। তাৰ কিছু সময়ৰ পিছত ২ টুকুৰা ব্ৰেডত পীনাট বাটাৰ লগাই খাওক।

মিড মৰ্ণিং স্নেক:  ইয়াত, আপুনি গাখীৰ, কল আৰু পীনাট বাটাৰৰ চেক বনাই খাব। লগতে এবিধ ফল খাব যেনে অমিতা, আপেল বা ডালিম। ই প্ৰ’টিনও প্ৰদান কৰিব আৰু আপোনাৰ পেট অত্যাধিক গধুৰ অনুভৱ নকৰিব।

দুপৰীয়াৰ আহাৰ: দুপৰীয়াৰ আহাৰৰ বাবে একাপ বগা চাউলৰ সৈতে একাপ দাইল খাব। লগতে, ঘিউত তৈয়াৰ কৰা সেউজীয়া পাচলি খাব। ইয়াৰ সৈতে ১০০ গ্ৰাম পনীৰ বা টফু আৰু ২-৩খন ৰুটি খাব।

সন্ধিয়াৰ জলপান: আপুনি সন্ধিয়া ৫-৬টা বাদাম আৰু আখৰোট খাব পাৰে। এইবোৰে ওজন বৃদ্ধিত সহায় কৰে। লগতে চাহ বা কফি খাব। ইয়াৰ উপৰিও আপুনি মাল্টিগ্ৰেইন বিস্কুট বা সম্পূৰ্ণ শস্যৰ ক্ৰেকাৰো খাব পাৰে।

নিশাৰ আহাৰ: নিশাৰ আহাৰত ১০০-১৫০ গ্ৰাম গ্ৰিল কৰা মুৰ্গী মাংস বা মাছ খাব। ইয়াৰ সৈতে ১-২খন ৰুটি আৰু আধা কাপ চাউল খাব। লগতে চালাড আৰু দৈৰ এবাটি লওক।  দৈয়ে হজম কৰাত সহায় কৰে। অৱশেষত, নিশা শুবলৈ যোৱাৰ আগতে ১ গিলাচ গাখীৰত হালধি বা মৌ মিহলি কৰি খাব।

এই আহাৰ অনুসৰণ কৰিলে কেইসপ্তাহমানৰ ভিতৰত আপোনাৰ ওজনৰ পাৰ্থক্য অনুভৱ কৰা আৰম্ভ কৰিব। কিন্তু যদি ইয়াৰ পাছতো সমস্যাটো অব্যাহত থাকে, তেন্তে চিকিৎসকৰ পৰামৰ্শ লওঁক।