দুপৰীয়াৰ আহাৰ খোৱাৰ পাছত টোপনি লাগে নেকি? বিশেষজ্ঞৰ এই ৪টা সহজ টিপছ অনুসৰণ কৰক…

প্ৰায়ে দুপৰীয়াৰ আহাৰ খোৱাৰ পিছত মানুহৰ টোপনি লাগিবলৈ আৰম্ভ কৰে। দুপৰীয়াৰ আহাৰ খোৱাৰ পিছত কিছুসময় শুব মন যায়। কিছুমান মানুহৰ এক নিৰ্দিষ্ট ৰুটিন থাকে যে তেওঁলোকে দুপৰীয়াৰ আহাৰ গ্ৰহণৰ পিছত টোপনি যাব লাগে। এই অৱস্থাক ফুড ক’মা বুলি কোৱা হয়। কিন্তু খোৱাৰ লগে লগে আমাৰ টোপনি কিয় লাগে জানেনে?

এই বিষয়ে স্বাস্থ্য বিশেষজ্ঞ ৰমিতা কৌৰে কয় যে, খাদ্য খোৱাৰ পিছত আমাৰ শৰীৰত ইনচুলিনৰ মাত্ৰা বৃদ্ধি পায়। ইয়াৰ বাবে মগজুত চেৰ’টনিন আৰু মেলাটনিন নামৰ হৰম’নবোৰ নিৰ্গত হ’বলৈ আৰম্ভ কৰে, যাৰ বাবে আমি টোপনি অনুভৱ কৰো। কিন্তু ইয়াৰ পৰা হাত সাৰিবলৈ আপুনি কিছুমান ঘৰুৱা উপায় মানি চলিব পাৰে।

আপেল চাইডাৰ ভিনেগাৰ খাওক

বিশেষজ্ঞসকলে কয় যে যেতিয়াই দুপৰীয়াৰ আহাৰ গ্ৰহণ কৰে তেতিয়াই তাৰ আগতে আপেল চাইডাৰ ভিনেগাৰ খাব লাগে। ভিনেগাৰ খালে তেজত চেনিৰ মাত্ৰা নিয়ন্ত্ৰণত থাকে। ইয়াৰ ফলত ইনচুলিনৰ মাত্ৰাও বৃদ্ধি নহয়। খাদ্য খোৱাৰ ২০ মিনিট আগতে এগিলাচ পানীত এচামুচ ভিনেগাৰ মিহলাই খাব পাৰে।

খোজ কাঢ়িব লাগে

দুপৰীয়াৰ আহাৰ খোৱাৰ পিছত অলপ খোজ কঢ়াটো লাভজনক। ১০-১৫ মিনিট খোজ কঢ়াৰ দৰে লঘু ব্যায়ামে শৰীৰক শক্তি প্ৰদান কৰে। ইয়াৰ ফলত শৰীৰৰ ৰক্ত সঞ্চালন উন্নত হয় আৰু আপুনি সতেজ অনুভৱ কৰিব।

দেশী ঘিউ খাব

স্বাস্থ্য বিশেষজ্ঞসকলেও কয় যে, আপুনি আপোনাৰ খাদ্য তালিকাত দেশী ঘিউ অন্তৰ্ভুক্ত কৰিব লাগে। ইয়াত স্বাস্থ্যকৰ চৰ্বি পোৱা যায়। দেশী ঘিউয়ে ইনচুলিন বৃদ্ধি হোৱাতো বাধা দিয়ে। ইয়াৰ ফলত হজম শক্তি সঠিকভাৱে বজাই ৰখাত সহায় হয়। ঘিউ ৰুটি বা দালিৰ লগত মিহলাই খাব পাৰে।

চালাড খাব

দুপৰীয়াৰ আহাৰত চালাড নিশ্চয় খাব। ইয়াত থকা আঁহে শৰীৰৰ পাচন প্ৰক্ৰিয়া লেহেমীয়া কৰে। চালাডে ইনচুলিনৰ স্পাইক নিয়ন্ত্ৰণ কৰে। সেউজীয়া পাতযুক্ত শাক-পাচলি আৰু কেঁচা শাক-পাচলিয়ে তেজৰ চেনি নিয়ন্ত্ৰণত ৰাখে। উচ্চ আঁহযুক্ত খাদ্য খালে টোপনিৰ সমস্যা নহ’ব।