গৰমত বৃদ্ধি পায় এই তিনিটা ৰোগৰ আশংকা ? নিজকে কেনেকৈ ৰক্ষা কৰিব ? জানক

আৰম্ভ হৈছে গ্ৰীষ্মকাল । এই গৰমৰ দিন কেইটাত কিছুমান ৰোগৰ আশংকা বৃদ্ধি পায় । এই সময়ত শৰীৰৰ উষ্ণতা বহুত বাঢ়ি যায় আৰু শৰীৰৰ ভাৰসাম্য বিঘ্নিত হয়। ইয়াৰ ফলত মূৰ ঘূৰোৱা, মূৰৰ বিষ, বমিৰ দৰে অনুভৱ আৰু দুৰ্বলতা আদি সমস্যা আৰম্ভ হয়। ইয়াৰ পৰা হাত সাৰিবলৈ সৰ্বোত্তম উপায় হ’ল-দুপৰীয়া ১২ বজাৰ পৰা ৪ বজাৰ ভিতৰত বাহিৰলৈ ওলাই নোযোৱা । বাহিৰলৈ যাবলৈ প্ৰয়োজন হ’লে ছাতি এটা লৈ যাব লাগে । প্ৰচুৰ পৰিমাণে পানী খাব লাগে ।

ডিহাইড্ৰেচন মানে শৰীৰত পানীৰ অভাৱ । গ্ৰীষ্মকালত ঘামচি ওলায়, যাৰ ফলত শৰীৰত পানী আৰু নিমখৰ অভাৱ হয়। ইয়াৰ প্ৰভাৱ হ’ল মানুহৰ সঘনাই পিয়াহ লাগে, মুখ শুকাই যায় আৰু মূৰ ঘূৰোৱা আৰম্ভ হয়। কেতিয়াবা প্ৰস্ৰাৱৰ ৰং ক’লা হৈ পৰে বা প্ৰস্ৰাৱৰ পৰিমাণ কমি যায়। এই সমস্যাৰ পৰা হাত সাৰিবলৈ পিয়াহ নাথাকিলেও দিনটোত অলপ অলপকৈ পানী খাই থাকিব লাগে । ইয়াৰ উপৰিও মাখন, নাৰিকল পানী, তৰমুজ আদি খাদ্য খালে শৰীৰত পানী অভাৱ দূৰ হোৱাৰ লগতে শৰীৰটো ঠাণ্ডা কৰি ৰাখে।

এই বতৰত খাদ্য বিষক্ৰিয়াৰ সম্ভাৱনাও অতি বেছি, কাৰণ গৰমত খাদ্য সোনকালে নষ্ট হৈ যায় আৰু বেক্টেৰিয়া দ্ৰুতগতিত বিয়পে। বাহিৰৰ খাদ্য বা মুকলি ঠাইত ৰখা খাদ্য খোৱাৰ ফলত পেটৰ বিষ হ’ব পাৰে। ইয়াৰ ফলত বমি, ডায়েৰিয়া আৰু পেটৰ বিষ আদি সমস্যাৰ সৃষ্টি হয়। গতিকে গ্ৰীষ্মকালত সতেজ ঘৰুৱা খাদ্যহে খাবলৈ চেষ্টা কৰক আৰু ভালদৰে ধুই শাক-পাচলি আৰু ফল-মূল খোৱাৰ বাবে ব্যৱহাৰ কৰক। ফ্ৰীজত ৰখা পুৰণি খাদ্য খোৱাৰ পৰা বিৰত থাকক।

অলপ সাৱধানে এই সমস্যাবোৰৰ পৰা হাত সাৰিব পাৰি । দিনত পানী প্ৰচুৰ পৰিমাণে খাব লাগে, বাহিৰলৈ ওলাই যোৱাৰ পৰা বিৰত থাকক আৰু পৰিষ্কাৰ-পৰিচ্ছন্নতাৰ বজাই ৰাখক । লঘু খাদ্য খাওক আৰু শৰীৰক বিশ্ৰাম দিয়ক। শিশু আৰু বৃদ্ধসকলৰ বিশেষ যত্ন লওক, কাৰণ তেওঁলোক সোনকালে বেমাৰত পৰিব পাৰে।