নিশা সঘনাই পিয়াহ লাগে নেকি? হ’ব পাৰে এই ৰোগৰ লক্ষণ…

পিয়াহ

প্ৰায়ে শোৱাৰ আগতে বা মাজনিশা পানী খোৱাটো কিছুমান লোকৰ নিয়মীয়া অভ্যাস। যাৰ বাবে টোপনিৰ পৰা উঠি বাৰে বাৰে পানী খায়। অৱশ্যে, নিশা পানী খোৱা বা ডিঙি শুকোৱাটো এটা সাধাৰণ কথা হ’ব পাৰে। কিন্তু যদি প্ৰথমবাৰৰ বাবে আপোনাৰ সৈতে এনে হৈছে, তেন্তে এয়া স্বাভাৱিক নহয়। নিশা ডিঙি শুকান হোৱাটো কিছুমান ৰোগ বা স্বাস্থ্যজনিত সমস্যাৰ লক্ষণ হ’ব পাৰে। এনে পৰিস্থিতিত, যদি আপুনি নিশা ডিঙিৰ শুকাই যোৱাৰ দৰে সমস্যাৰ সৈতে যুঁজি আছে, তেন্তে আপুনি ইয়াক উপেক্ষা কৰা উচিত নহয়।

এনে কৰিলে আপোনাৰ বাবে বিপদৰ হ’ব পাৰে। সেয়েহে, আপুনি জানিব লাগিব যে নিশা ডিঙি শুকাই যোৱাটো কি ৰোগ লক্ষণ? এই প্ৰতিবেদনত আমি আপোনাক ডিঙি শুকাই ষোৱা কিছুমান কাৰণৰ বিষয়ে ক’ম।

মধুমেহ /ডাইবেটিক

এইটো বিশ্বাস কৰা হয় যে সঘনাই পিয়াহ আৰু শুকান ডিঙি ডায়েবেটিচৰ প্ৰাৰম্ভিক লক্ষণ হ’ব পাৰে। ইয়াৰ বাহিৰেও, যদি আপুনি সঘনাই প্ৰস্ৰাৱ কৰিব গৈছে বা অতি ভাগৰুৱা অনুভৱ কৰে, তেনেহ’লে আপুনি যিমান সম্ভৱ সোনকালে ডায়েবেটিচ পৰীক্ষা কৰক।

শুকান মুখ

নিশা ডিঙি শুকান হোৱাৰ এটা কাৰণ হৈছে লেলাৱতিৰ (saliva) কম উৎপাদন হোৱা। যদি আপোনাৰ মুখত লেলাৱতি সৃষ্টি নহয়, তেন্তে মুখখন শুকান হৈ থাকে। যাৰ বাবে আপুনি বাৰে বাৰে পিয়াহ অনুভৱ কৰে। কিছুমান ঔষধৰ পাৰ্শ্বক্ৰিয়াৰ বাবেও এনে হ’ব পাৰে।

স্লিপ এপনিয়া (Sleep apnea)

যদি আপুনি শুই থাকোঁতে মুখ খোলা ৰাখি শোৱে বা আপোনাৰ নাকৰ শব্দ ওলাই, ইয়াৰ বাবেও আপুনি ডিঙি শুকান হোৱাৰ দৰে সমস্যাৰ সন্মুখীন হ’ব পাৰে। এইটো এটা গুৰুতৰ সমস্যা হ’ব পাৰে। এনে পৰিস্থিতিত, আপুনি চিকিৎসকৰ পৰামৰ্শ লোৱাৰ প্ৰয়োজন।

ডিহাইড্ৰেচন

নিশা ডিঙি শুকাই ষোৱাৰ মুখ্য কাৰণ হ’ব পাৰে শৰীৰত পানীৰ অভাৱ। যদি আপুনি দিনটোত পৰ্যাপ্ত পানী নাখায়, তেনেহ’লে আপোনাৰ শৰীৰ ডিহাইড্ৰেটেড হৈ পৰে। মানসিক চাপ আৰু উদ্বেগৰ ফলতো ডিহাইড্ৰেচন হয়। এইকাৰণেই নিশা আপোনাৰ ডিঙি বাৰে বাৰে শুকাই যায়। গতিকে গোটেই দিনটোত কমেও ৮ গিলাচ পানী খাব।

এলাৰ্জি বা ছাইনাছৰ সমস্যা

নাক বন্ধ বা এলাৰ্জিৰ বাবে মুখেৰে উশাহ লোৱাৰ ফলত নিশা সঘনাই ডিঙি শুকাই যাব পাৰে। ইয়াৰ বাহিৰেও, যেতিয়া আপোনাৰ পাকস্থলীৰ এচিড ডিঙিলৈ যায়, আপোনাৰ ডিঙি শুকান হোৱাৰ দৰে সমস্যা হ’ব পাৰে। যাৰ বাবে জ্বলনৰ দৰে সমস্যা হ’ব পাৰে। এনে পৰিস্থিতিত, আপুনি ইয়াক উপেক্ষা কৰা উচিত নহয়।