শীতকালত ভ্ৰমণৰ পৰিকল্পনা কৰিছে নেকি? অসুস্থ নহ’বলৈ এইবোৰ কথা মনত ৰাখক

Winter Travelling: শীতকালৰ বতৰটো বৰ মনোৰম। বেছিভাগ মানুহে এই বতৰ ভাল পায়। প্ৰায়ে মানুহে এই  সময়ত ভ্ৰমণলৈ যোৱাৰ পৰিকল্পনা কৰে। বহুলোকে তুষাৰপাতৰ দৃশ্য চাবলৈ হিল ষ্টেচনলৈ যায়। কিন্তু ভ্ৰমণৰ লগতে  আপোনাৰ স্বাস্থ্যৰ যত্ন লোৱাটোও গুৰুত্বপূৰ্ণ। শীতকালত দুৰ্বল ৰোগ প্ৰতিৰোধ ক্ষমতাৰ বাবে ৰোগৰ আশংকা অধিক হয়।

শীতকালত ভ্ৰমণ কৰাটো এক আকৰ্ষণীয় অভিজ্ঞতা হ’ব পাৰে, কিন্তু ঠাণ্ডা বতৰত বিশেষ সাৱধানতা অৱলম্বন কৰাটো গুৰুত্বপূৰ্ণ। শীতকালত শৰীৰত শক্তিৰ অভাৱ হ’ব পাৰে আৰু হঠাতে উষ্ণতাৰ পৰিৱৰ্তনৰ ফলত স্বাস্থ্যজনিত সমস্যাও হ’ব পাৰে। গতিকে যদি এই সময়ত আপুনি কৰবালৈ যোৱাৰ পৰিকল্পনা কৰি আছে, তেন্তে কিছুমান কথা মনত ৰখাটো প্ৰয়োজনীয়।

সঠিক কাপোৰ পিন্ধিব

শীতকালত ঠাণ্ডাৰ পৰা শৰীৰক সুৰক্ষা দিবলৈ সঠিক কাপোৰ পিন্ধিব।এই ক্ষেত্ৰত শীতকালত আপুনি লেয়াৰিং পদ্ধতি গ্ৰহণ কৰা উচিত। অৰ্থাৎ আপুনি একাধিক পাতল কাপোৰ একেলগে পিন্ধিব পাৰে। যদি আপুনি বৰফৰ ঠাই ভ্ৰমণ কৰিব বিচাৰিছে, তেন্তে ৱাটাৰপ্ৰুফ জোতাৰ লগতে হাতমোজাও পিন্ধিব। যিয়ে আপোনাৰ হাত আৰু ভৰিক ঠাণ্ডাৰ পৰা সুৰক্ষিত ৰাখিব।

নিজকে হাইড্ৰেটেড ৰাখিব

শীতকালত আমাৰ পিয়াহ কমকৈ লাগে , কিন্তু ইয়াৰ অৰ্থ এইটো নহয় যে শৰীৰক পানীৰ প্ৰয়োজন নহয়। শীতকালতো শৰীৰক হাইড্ৰেটেড কৰি ৰখাটো অতি গুৰুত্বপূৰ্ণ। ঠাণ্ডা বতৰতো শৰীৰত পানীৰ অভাৱ হ’ব পাৰে। গতিকে আপুনি গৰম পানী, ভেষজ চাহ বা চুপ খাব পাৰে।

স্বাস্থ্য পৰীক্ষা

শীতকালত ভ্ৰমণ কৰাৰ আগতে, আপুনি আপোনাৰ স্বাস্থ্য পৰীক্ষা কৰাটো গুৰুত্বপূৰ্ণ। যদি আপুনি হাপানি, মধুমেহ বা হৃদৰোগৰ দৰে যিকোনো দীৰ্ঘম্যাদী ৰোগত ভুগি আছে, তেনেহ’লে চিকিৎসকৰ পৰামৰ্শ লওঁক। লগতে, যাত্ৰাৰ সময়ত লগত ঔষধ নিবলৈ নাপাহৰিব।

আহাৰৰ প্ৰতি মনোযোগ দিব

শীতকালত সতেজ ফল, সেউজীয়া পাচলি আৰু পাতল আহাৰ খাব। আহাৰত ভিটামিন চি সমৃদ্ধ ফল যেনে কমলা, মধুৰিআম, কিৱি অন্তৰ্ভুক্ত কৰিব পাৰে। ইয়াৰ বাহিৰেও, আপুনি পাতল আৰু গৰম বস্তু যেনে চুপ, ডালিয়া, খিচিৰি খাব পাৰে। যিয়ে আপোনাৰ শৰীৰ গৰম কৰি ৰখাত সহায় কৰিব।