Aloe Vera and Vitamin E Benefits : এলোভেৰা-ভিটামিন ই কেপচুলৰ মিশ্ৰণে ছালৰ বহু সমস্যা দূৰ কৰে, জানক ইয়াৰ উপকাৰিতা কি ?

এলোভেৰা আৰু ভিটামিন ই কেপচুলৰ উপকাৰিতা

এলোভেৰা ছালৰ বাবে অতি উপকাৰী । এলোভেৰাত থকা উপাদানে ছালখনক হাইড্ৰেট কৰাৰ লগতে ছালৰ বহু সমস্যা দূৰ কৰে । ইয়াৰ উপৰিও ছালখন সুস্থ কৰি ৰাখিবলৈ ভিটামিন ইৰ প্ৰয়োজন। গতিকে ভিটামিন ই সমৃদ্ধ খাদ্য তালিকাত অন্তৰ্ভুক্ত কৰাটো প্ৰয়োজনীয়। ভিটামিন ই কেপচুল পোৱা যায় যিবোৰ আমাৰ ছালত প্ৰয়োগ কৰিব পাৰি । উল্লেখ্য যে, এলোভেৰা আৰু ভিটামিন ইৰ সংমিশ্ৰণেও ছালৰ বহু সমস্যা দূৰ কৰে ।

এলোভেৰাৰ পাত লৈ ইয়াৰ জেল উলিয়াই তাত ভিটামিন ই কেপচুল এটা দিব। দুয়োটা বস্তু ভালদৰে মিহলাই মুখৰ পৰা ডিঙিলৈকে লগাব। এই মিশ্ৰণ লগোৱাৰ ২০ৰ পৰা ২৫ মিনিটৰ পাছত মুখখন ধুব। এই পেকটো ৰাতি লগালে বহুত উপকাৰ পোৱা যায় । গতিকে ইয়াৰ দ্বাৰা ছালৰ কোনবোৰ সমস্যাৰ দূৰ কৰিব পাৰি জানোঁ আহক ।

ইয়াৰ উপকাৰিতা কি ?

এলোভেৰা আৰু ভিটামিন ই কেপচুল মিহলাই সপ্তাহত দুবাৰকৈ প্ৰয়োগ কৰিলে আপুনি অতি সোনকালে ফলাফল লাভ কৰিব । শুকান ছালৰ লোকসকলে এই পেক ব্যৱহাৰ কৰিব পাৰে । শীতকালত মুখৰ ছাল প্ৰায়ে শুকান হোৱা দেখা যায় । এনে পৰিস্থিতিত এই পেকে ছালখনক হাইড্ৰেট কৰি কোমল কৰি ৰখাত সহায় কৰিব।

ভিটামিন ই কেপচুল আৰু এলোভেৰা জেলৰ মিশ্ৰণ প্ৰয়োগ কৰিলে মুখৰ দাগ আঁতৰ কৰাত সহায় কৰিব । এই মিশ্ৰণ মুখত প্ৰয়োগ কৰাৰ ফলত মুখখন পৰিষ্কাৰ হয় আৰু লগতে মুখৰ ছাল শুকান হোৱা সমস্যা দূৰ হয় আৰু ছালত প্ৰাকৃতিক গ্লো বৃদ্ধি পায়। এলোভেৰা আৰু ভিটামিন ইৰ মিশ্ৰণে মুখমণ্ডললৈ হেৰুৱা গ্লো ঘূৰাই অনাত আৰু ছালখন সতেজ কৰি ৰখাত সহায় কৰে।

ভিটামিন ই আৰু এলোভেৰাৰ মিশ্ৰণ প্ৰয়োগ কৰিলে মুখৰ পিম্পলছৰ সমস্যাৰ পৰা সকাহ পোৱা যায়। ইয়াৰ উপৰিও এই দুয়োটা উপাদানে ছালৰ সমস্যা যেনে ফোঁহা, খজুৱতি আৰু জ্বলা-পোৰা আদিৰ পৰাও সকাহ দিয়ে ।