সঘনাই ৰীলছ চাই নেকি? তেন্তে হ’ব পাৰে চকুৰ এই গুৰুতৰ সমস্যা, জানক চিকিৎসকে কি কয়…

ৰীলছ

আজিকালি বহু লোক ৰীলছ চোৱাত অভ্যস্ত হৈ পৰিছে। ইনষ্টাগ্ৰাম,, ফেচবুক, ইউটিউব আদি ছ’চিয়েল মিডিয়া প্লেটফৰ্মত ভিডিঅ’ চোৱাৰ প্ৰৱণতা বৃদ্ধি পাইছে। কিন্তু এই অভ্যাস মানসিক স্বাস্থ্যৰ ক্ষেত্ৰতে নহয়, চকুৰ বাবেও বিপদজনক।চিকিৎসকে কয় যে বেছি সময়ত ধৰি ৰীলছ চাই থকাৰ ফলত ‘ৰীল ইন্ডিউছ’ অৰ্থাৎ চকুৰ লগত জড়িত গুৰুতৰ সমস্যা বৃদ্ধি পাইছে। বিশেষকৈ যুৱক-যুৱতী আৰু শিশুসকল ইয়াৰ দ্বাৰা আটাইতকৈ বেছি ক্ষতিগ্ৰস্ত হৈছে।

দিল্লীত অনুষ্ঠিত এছিয়া পেচিফিক একাডেমী অৱ অফথালম’লজি আৰু অল ইণ্ডিয়া অফথালম’লজিকেল ছ’চাইটিৰ বৈঠকত বিশেষজ্ঞসকলে এই বিষয়ত আলোচনা কৰে। এছিয়া পেচিফিক একাডেমী অৱ অফথালম’লজিৰ সভাপতি ডাঃ ললিত বৰ্মাই কয় যে, বহু সময় ধৰি স্ত্ৰীণ চাই থকাৰ ফলত ড্ৰাই আই চিন্ড্ৰোম, মায়পিয়া (দৃষ্টিশক্তি কমা), চকু জ্বলা-পোৰা, মূৰৰ বিষ, টোপনিৰ সমস্যা, চকু টিপিয়াই থকা আদি সমস্যা হ’ব পাৰে।

ৰীলছৰ ফলত বৃদ্ধি চকুৰ ৰোগ

অল ইণ্ডিয়া অফথালম’লজিকেল ছ’চাইটিৰ প্ৰাক্তন সভাপতি তথা আয়োজক সমিতিৰ অধ্যক্ষ ডাঃ হৰবংশ লালে কয় যে, ৰীলসমূহ এনেধৰণে ডিজাইন কৰা হয়, যাতে তাৰ প্ৰতি মানুহ আকৰ্ষিত হয় আৰু বহু সময় ধৰি চাই থাকে। ইয়াৰ ফলত মানুহে নিটিপিয়াই এই ৰীলছ যায়। যাৰ ফলত চকুৰ টিপটিপনিৰ হাৰ ৫০ শতাংশ হ্ৰাস পায়। ইয়াৰ ফলত চকু শুকান, দৃষ্টিশক্তি দুৰ্বল, মূৰৰ বিষ আদি সমস্যা হ’ব পাৰে।

বিশেষজ্ঞসকলৰ মতে যদিহে এই অভ্যাস নিয়ন্ত্ৰণ কৰা নহয় তেন্তে চকুৰ দৃষ্টিশক্তি স্থায়ীভাৱে কমি যাব। ইয়াৰোপৰি শিশুসকল  কম বয়সতে মাইঅ’পিয়াত আক্ৰান্ত হ’ব পাৰে।

২০৫০ চনলৈ মায়পিয়া বৃদ্ধি

ছচাইটিৰ প্ৰাক্তন সভাপতি তথা আয়োজক সমিতিৰ অধ্যক্ষ ডাঃ হৰবংশ লালে এক গৱেষণাৰ উদ্ধৃতি দি কয় যে ২০৫০ চনৰ ভিতৰত বিশ্বৰ ৫০% জনসংখ্যা মাইঅ’পিয়াত আক্ৰান্ত হ’ব পাৰে। কাৰ্যালয়ত কাম কৰা পেছাদাৰী আৰু ছাত্ৰ-ছাত্ৰীৰ মাজত চকুৰ লগত জড়িত সমস্যা অধিক বৃদ্ধি পাইছে ইয়াৰ ফলত জীৱনত বহু নেতিবাচক প্ৰভাৱ পৰে।

ৰীলছ চোৱাৰ ফলত সমস্যা

অল ইণ্ডিয়া অফথালম’লজিকেল ছ’চাইটিৰ সভাপতি ডাঃ সমৰ বাছাকে কয় যে মানুহে ৰীলছ চোৱাত ইমানেই ব্যস্ত হৈ পৰিছে যে বাস্তৱ জীৱনৰ কথা পাহৰি যায়। ইয়াৰোপৰি সামাজিক সম্পৰ্ক আওকান কৰে। আনকি ছাত্ৰ-ছাত্ৰীসকলে পঢ়া-শুনাত মনোনিবেশ কৰিব নোৱাৰে।

পৰামৰ্শ

আজি শিশুৰ পৰা আৰম্ভ কৰি বৃদ্ধলৈকে অত্যাধিক ৰীলছ চোৱাৰ প্ৰৱণতা বৃদ্ধি পাইছে। চকুৰ সুৰক্ষাৰ বাবে তলত দিয়া পৰামৰ্শসমূহ অৱলম্বন কৰিব পাৰে-

• ২০-২০-২০ নিয়ম মানি চলক – প্ৰতি ২০ মিনিটৰ মূৰে মূৰে ২০ ছেকেণ্ডৰ বাবে ২০ ফুট দূৰলৈ চাওক, ইয়াৰ দ্বাৰা চকুক সকাহ পাব
• চকু টিপিয়াই থকাৰ অভ্যাস কৰক – স্ক্ৰীণত চাই থকাৰ সময়ত চকু টিপোৱাৰ অভ্যাস কৰক। ইয়াৰ ফলত চকু শুকান নহয়।
• পৰ্দাৰ সময় হ্ৰাস কৰক- আপুনি ৰীলছ চোৱা সময় হ্ৰাস কৰক।
• ডিজিটেল ডিটক্স কৰক – সপ্তাহত অন্ততঃ এদিন মোবাইল, লেপটপ বা টিভিৰ পৰা আঁতৰি থাকক। ইয়াৰ ফলত আপোনাৰ চকু আৰু মন শান্ত হব।
• ব্লু লাইট- আপোনাৰ স্মাৰ্টফোন বা কম্পিউটাৰত ব্লু লাইট ফিল্টাৰ অন কৰক, বা এণ্টি-গ্লেয়াৰ চশমা পিন্ধক।
• নিশা মোবাইল কম ব্যৱহাৰ কৰক-নিশা শুৱাৰ আগতে স্ক্ৰীণ চোৱাৰ পৰা বিৰত থাকক। ইয়াৰ  ফলত চকুত চাপ কম হয় আৰু সঠিকভাৱে শুব পাৰে।