শৰীৰত প্ৰ’টিনৰ অভাৱ হ’লে কি হ’ব? এই লক্ষণবোৰক নকৰিব উপেক্ষা…
Protein Deficiency: প্ৰ'টিন হৈছে আমাৰ শৰীৰৰ বাবে এক অত্যাৱশ্যকীয় পুষ্টি। যিয়ে পেশী, কোষ আৰু হাড় শক্তিশালী কৰি ৰখাত সহায় কৰে। যেতিয়া শৰীৰত প্ৰ'টিনৰ অভাৱ হয়, কিছুমান লক্ষণ দেখা দিবলৈ আৰম্ভ কৰে। যিবোৰক উপেক্ষা কৰিব নালাগে।
Protein Deficiency: প্ৰ’টিন হৈছে শৰীৰৰ বাবে এক অত্যন্ত গুৰুত্বপূৰ্ণ পুষ্টি। যি শৰীৰৰ বিভিন্ন কাৰ্য মসৃণভাৱে চলোৱাত সহায় কৰে। পেশী, হাড়, ছাল, চুলি আৰু নখৰ বাবে প্ৰ’টিন অত্যাৱশ্যকীয়। ইয়াৰ লগতে প্ৰ’টিনে এনজাইম আৰু হৰমন গঠনত অৰিহণা যোগায়।প্ৰ’টিনৰ অভাৱৰ ফলত শৰীৰত বহুতো সমস্যা হ’ব পাৰে।
হেল্থলাইনৰ প্ৰতিবেদন অনুসৰি, যদি শৰীৰত প্ৰ’টিনৰ অভাৱ হয়, তেন্তে হাড়বোৰ দুৰ্বল হ’বলৈ আৰম্ভ কৰে। আকৌ যদি শিশুৰ শৰীৰত প্ৰ’টিনৰ অভাৱ হয়, তেওঁলোকৰ বিকাশত বাধা আহিব পাৰে। ইণ্টাৰ্ণেল মেডিচিন বিশেষজ্ঞ ডাঃ পংকজ বাৰ্মাই কয় যে যেতিয়া প্ৰ’টিনৰ অভাৱ হয়, তেতিয়া শৰীৰত বহুতো লক্ষণে দেখা দিয়ে। কিন্তু কেতিয়াবা মানুহে এনেকুৱা লক্ষণবোৰক উপেক্ষা কৰা আৰম্ভ কৰে। শৰীৰত প্ৰ’টিনৰ অভাৱ হ’লে কি হয় জানো আহক।
পেশীৰ দুৰ্বলতা
প্ৰ’টিনৰ অভাৱৰ বাবে, শৰীৰত পেশীৰ দুৰ্বলতা আহে। ই শৰীৰক ভাগৰুৱা অনুভৱ কৰাব পাৰে। দীৰ্ঘম্যাদী প্ৰ’টিনৰ অভাৱৰ ফলত পেশীৰ বিকাশ হ্ৰাস হ’ব পাৰে।
চুলি আৰু নখ দুৰ্বল হোৱা
প্ৰ’টিন অবিহনে, চুলি আৰু নখ সঠিকভাৱে গঠন নহয়। যদি আপোনাৰ চুলি সৰি আছে বা দীঘল হোৱা নাই, নখবোৰ বাৰে বাৰে ভাঙি আছে – ই প্ৰ’টিনৰ অভাৱৰ বাবেও হ’ব পাৰে। প্ৰ’টিন অবিহনে, চুলি দুৰ্বল আৰু নিষ্প্ৰাণ হৈ পৰে।
ছালৰ সমস্যা
প্ৰ’টিনৰ অভাৱে ছালকো প্ৰভাৱিত কৰিব পাৰে। ইয়াৰ ফলত ছাল শুকান হোৱাৰ উপৰিও নিষ্প্ৰাণ আৰু উজ্জ্বলতা কম হ’বলৈ আৰম্ভ কৰে। ইয়াৰ উপৰিও ছালত দাগ, পোৰা বা ঘাঁ আদি হয়। ছালৰ যত্ন ল’বলৈ প্ৰ’টিন প্ৰয়োজনীয়।
ভোক নোহোৱা
সম্ভৱতঃ খুব কম মানুহে জানে যে প্ৰ’টিনৰ অভাৱৰ ফলত ভোক নলগা সমস্যাও হ’ব পাৰে। ই শৰীৰত শক্তিৰ স্তৰ হ্ৰাস কৰে। ইয়াৰ ফলত ওজন হ্ৰাস হয়।
দৈনিক কিমান প্ৰ’টিনৰ প্ৰয়োজন?
হেল্থলাইনৰ মতে, মহিলাসকলে দৈনিক খাদ্যত ৪৬ গ্ৰাম প্ৰ’টিন আৰু পুৰুষে দৈনিক ৫২ৰ পৰা ৫৬ গ্ৰাম প্ৰ’টিন অন্তৰ্ভুক্ত কৰিব লাগে। প্ৰ’টিনৰ অভাৱ পূৰণ কৰিবলৈ আপুনি কণী, দাইল, শুকান ফল আৰু কম চৰ্বিযুক্ত দুগ্ধজাত সামগ্ৰী খাব পাৰে।
