Winter Diet Tips : ডায়েবেটিছ ৰোগীয়ে শীতকালত কেনেধৰণৰ খাদ্য গ্ৰহণ কৰিব লাগে ? জানক

ডায়েবেটিছ ৰোগীয়ে কেনেকুৱা ধৰণৰ খাদ্য খাব লাগে

শীতকালত ডায়েবেটিছৰ সম্ভাৱনা অধিক বৃদ্ধি পায় । এই সময়ছোৱাত তেজত চুগাৰৰ মাত্ৰা বৃদ্ধি পোৱাৰ সম্ভাৱনা অধিক থাকে। এনে পৰিস্থিতিত স্বাস্থ্যৰ বিশেষ যত্ন লোৱাটো প্ৰয়োজনীয়। ডায়েবেটিছ ৰোগীয়ে শীতকালত খাদ্যৰ প্ৰতি বিশেষ যত্ন লোৱা উচিত । কিয়নো সঠিক খাদ্যাভ্যাস আৰু জীৱনশৈলী গ্ৰহণ কৰি ডায়েবেটিছ নিয়ন্ত্ৰণ কৰিব পাৰি। গতিকে এই সময়ছোৱাত ডায়েবেটিছ ৰোগীয়ে কেনেকুৱা ধৰণৰ খাদ্য খাব লাগে জানক।

দিল্লীৰ জিটিবি হাস্পতালৰ চিকিৎসা বিভাগৰ ডাঃ অজিত কুমাৰে কয় যে, শীতকালত চুগাৰৰ মাত্ৰা বৃদ্ধিৰ আশংকা বেছি। শাৰীৰিক পৰিশ্ৰম কম হোৱাৰ লগতে স্বাস্থ্যকৰ খাদ্যাভ্যাস গ্ৰহণ নকৰাৰ বাবে এই সমস্যা বাঢ়িবলৈ আৰম্ভ কৰে। ভাল খাদ্যাভ্যাস আৰু সঠিক জীৱনশৈলীৰে চুগাৰৰ মাত্ৰা নিয়ন্ত্ৰণ কৰিব পাৰে। এই সময়ছোৱাত আঁহযুক্ত খাদ্য খাব লাগে। কাৰণ আঁহে তেজৰ চুগাৰ নিয়ন্ত্ৰণত ৰখাত সহায় কৰে আৰু হজম শক্তি উন্নত কৰে। ৰোগীয়ে গোটা শস্যৰ প্ৰতি বিশেষ গুৰুত্ব দিব লাগে।

সেউজীয়া শাক-পাচলি

ডায়েবেটিছ ৰোগত আক্ৰান্ত লোকে সেউজীয়া শাক-পাচলি খাব লাগে। ইয়াৰ উপৰিও মানুহে বতৰৰ ফল-মূলো খাব লাগে। ইয়াত প্ৰচুৰ পৰিমাণে পুষ্টিকৰ উপাদান আৰু এন্টিঅক্সিডেন্ট থাকে। কমলা, আমলখি, আপেল, নাচপতি আদি কম গ্লাইচেমিক ইনডেক্স থকা ফল খালে চুগাৰ নিয়ন্ত্ৰণত থাকিব। মিঠা ফলক আওকাণ কৰিব লাগে।

প্ৰটিন সমৃদ্ধ খাদ্য

প্ৰটিন সমৃদ্ধ খাদ্য যেনে দাইল, কণী, মাছ, কুকুৰা মাংস আৰু পনিৰ আদিও খাদ্য তালিকাত অন্তৰ্ভুক্ত কৰিব লাগে। শীতকালত শৰীৰক অধিক প্ৰটিনৰ প্ৰয়োজন হয় ।

গৰম আৰু পুষ্টিকৰ পানীয় খাব লাগে

শীতকালত সেউজীয়া চাহ, বনৌষধি চাহ বা হালধি গাখীৰও খাব লাগে। এইবোৰে ৰোগ প্ৰতিৰোধ ক্ষমতা বৃদ্ধি আৰু শৰীৰক গৰম কৰি ৰখাত সহায় কৰে। ইয়াৰ বাহিৰেও অধিক পৰিমাণৰ কুহুমীয়া গৰম পানী খাব লাগে।

ঘৰতে ৰন্ধা খাদ্য খাব

ডায়েবেটিছ ৰোগীয়ে কেৱল সতেজ আৰু ঘৰতে ৰন্ধা খাদ্যহে খাব লাগে। খাদ্যত তেলৰ পৰিমাণ কম হ’ব লাগে। লগতে ভজা আৰু প্ৰচেছড খাদ্য পৰিহাৰ কৰিব লাগে।

ব্যায়াম

ঠাণ্ডা বতৰত শাৰীৰিক পৰিশ্ৰম কম হোৱাৰ বাবে ওজন বৃদ্ধি হ’ব পাৰে। গতিকে খোজ কঢ়া, যোগাসন বা লঘু ব্যায়াম নিয়মিতভাৱে ৩০-৪০ মিনিটৰ বাবে কৰিব লাগে। কিন্তু ডায়েবেটিছ ৰোগীয়ে খাদ্যাভ্যাসৰ পৰিৱৰ্তন কৰাৰ আগতে চিকিৎসকৰ পৰামৰ্শ ল’ব লাগে।