Winter Skin Care Tips : শীতকালত ছালৰ আদ্ৰতা ধৰি ৰাখিবলৈ এলোভেৰা জেল কেনেকৈ ব্যৱহাৰ কৰিব ? জানক

শীতকালত আমাৰ ছালত বহু পৰিৱৰ্তন দেখা যায় । শীতকালত প্ৰায়ে ছালখন শুকান হোৱাৰ সমস্যা সৃষ্টি হয় । এই সময়ছোৱাত ছালখন শুকান হোৱাৰ বাবে বিভিন্ন ছালৰ সমস্যা হোৱা দেখা যায় । গতিকে এই সময়ছোৱাত ছালৰ যত্ন লোৱাৰ অতি প্ৰয়োজন । ছালখন সতেজ কৰি ৰাখিবলৈ সঠিক যত্ন লোৱাৰ লগতে খাদ্যাভ্যাসৰ ওপৰতো গুৰুত্ব দিয়াটো অতি প্ৰয়োজন ।

ঠাণ্ডা বতৰত ছালত আৰ্দ্ৰতা বজাই ৰাখিবলৈ এলোভেৰা জেল প্ৰয়োগ কৰিব পাৰি। এন্টিঅক্সিডেন্টৰ লগতে ইয়াৰ এন্টি-ইনফ্লেমেটৰী আৰু এন্টি-ফাংগেল গুণো আছে। গতিকে ইয়াৰ ব্যৱহাৰে ছালৰ লগত জড়িত সমস্যাৰ সম্ভাৱনাও হ্ৰাস কৰে। কিন্তু শীতকালত এলোভেৰা জেল কেনেকৈ ব্যৱহাৰ কৰা উচিত? সতেজ ছালৰ বাবে এলোভেৰা জেলৰ সৈতে কি কি বস্তু মিহলাই ল’ব লাগে জানো আহক ।

আলমণ্ড অইল আৰু এলোভেৰা

এলোভেৰা আৰু আলমণ্ড অইলৰ মিশ্ৰণ প্ৰয়োগ কৰিলে ক’লা দাগ কম হয়। আলমণ্ড অইলত এন্টিঅক্সিডেন্ট আৰু ভিটামিন ই থাকে, যিয়ে ছালখনক উজ্জ্বল কৰি তোলাত সহায় কৰে। অলপ এলোভেৰা জেলত আলমণ্ড অইল মিহলাই শুই উঠাৰ আগতে লগাব। ইয়াৰ দ্বাৰা যথেষ্ট লাভ হ’ব।

নাৰিকল তেলৰ সৈতে

এলোভেৰা আৰু নাৰিকল তেলও সতেজ ছালৰ বাবে উপকাৰী। নাৰিকল তেলত এন্টিঅক্সিডেন্ট আৰু ভিটামিন ইৰ লগতে বহুতো খনিজ পদাৰ্থ থাকে। এই দুয়োটা মিশ্ৰণ প্ৰয়োগ কৰিলে ছাল শুকান নহয় । শীতকালত এই মিশ্ৰণ ডিঙিত আৰু হাত-ভৰিতো লগাব পাৰে।

এলোভেৰা আৰু হালধি

এলোভেৰা জেলত হালধি মিহলাই মুখত লগাব পাৰে। হালধিত প্ৰদাহ নিবাৰণ আৰু ভেঁকুৰ প্ৰতিৰোধী গুণ আছে। ইয়াক প্ৰয়োগ কৰিলে ছালখন জিলিকি উঠাই নহয়, সংক্ৰমণৰ পৰাও মুক্তি পায়। গা ধোৱাৰ আগতে এলোভেৰা জেলৰ লগত হালধি মিহলাই লগাব পাৰে। এই মিশ্ৰণটো কমেও ১০ মিনিটৰ বাবে প্ৰয়োগ কৰি ৰাখিব।

কিন্তু এলোভেৰা জেলৰ যিকোনো ধৰণৰ মিশ্ৰণ ছালত লগোৱাৰ আগতে ছালৰ পে্টচ টেষ্ট কৰক। ইয়াৰ দ্বাৰা আপুনি জানিব পাৰিব যে এই মিশ্ৰণটো ছালৰ বাবে উপযুক্ত হয় নে নহয়।